地獄大狀｜林愷鈴伍詠詩挑戰學生戲份 慘遭性騷擾聯手策劃報復
中學年代邱蔭蔭為錢冒簽名
回憶片段中揭露林愷鈴（Ashley）飾演邱蔭蔭喺學生時期已經極度貪錢，竟然諗出冒簽賣簽名相以及幫同學做功課嚟賺取外快。拍劇時25歲的林愷鈴逆齡扮學生，神態與之前演31歲大狀截然不同，梳了一個齊蔭髮型，無論校園部份還是家居劇情，都掌握了少女的神韻。有一次她慘遇同校女惡霸欺凌，幸好獲伍詠詩飾演師姐出手相救，但師姐事後強行拎走她賺回來全部金錢作為報酬。當時極度重視金錢嘅邱蔭蔭竟然以死相逼，揚言冇錢寧願去死都唔放手，最終兩人因為這次金錢爭執而互相結識並展開緊密連繫。
導演憶述25歲林愷鈴扮學生妹無違和
對於這幾幕逆齡演出的戲份，導演Vicky表示： 「拍攝當日，有個女仔走埋嚟同我講：「導演早晨！」，我望咗佢一眼，微笑答返佢「早晨！」，跟住繼續做自己嘢，三秒之後諗諗吓，跟住望多陣，原來係Ashley叫我！完全認唔到！25歲扮十幾歲係完全冇違和！其實呢個中學生狀態，先接近佢本人，平時只係扮成熟！」
邱蔭蔭慘遭姨媽男友連環性騷擾
當時邱蔭蔭寄居喺邵美君飾演姨媽屋企，雖然姨媽認為自己對她已經仁至義盡，但姨媽男友生哥卻頻頻對邱蔭蔭進行性騷擾。面對這種令人窒息嘅惡劣寄宿環境，深受委屈嘅邱蔭蔭決定不再啞忍，主動搵剛結識師姐商討對策。兩人決定聯手設局陷害生哥以求脫身，兩人在這次秘密反擊行動後正式結拜成為死黨。
伍詠詩成唯一摯友見證大狀誕生
趕走生哥之後姨媽因為被飛而借酒消愁，邱蔭蔭不但出言安慰更寫下借據承諾日後定必連本帶利歸還所有生活費。經過多年刻苦發奮，她終於順利於法律系畢業並成功考取大律師資格，畢業禮當日只有師姐一人到場祝賀。她當時向大學教授介紹師姐就係自己親家姐，此後師姐亦開設了心明偵探社。
網民激讚邱蔭蔭角色背景極立體
第7集播出後隨即引發大批觀眾喺社交平台熱烈討論，不少網民對於這段悲慘回憶片段感到非常驚喜。有觀眾留言表示「原來佢以前咁慘難怪大個咗咁貪錢」，直指這場回憶戲份解釋了女主角唯利是圖嘅扭曲性格。亦有網民針對性騷擾情節發表意見，留言表示「設局陷害生哥嗰段真係睇得好爽」，有觀眾在討論區大讚劇情推進指「編劇將角色陰暗面寫得好詳細」。
將來還有什麼演唱會值得留意？
有不少歌手宣布舉辦演唱會，小編為你整合了香港演唱會2025一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
