6月驚喜新手信! PABLO 芝士撻 x 樂天朱古力批 ｜日本｜
PABLO 聯乘樂天 芝士 朱古力批 ！
相信大家都食過樂天 朱古力批 ，鬆軟嘅蛋糕夾埋creamy嘅朱古力餡。見到佢嘅紅色包裝，喚起唔少嘅童年回憶，又平又好味嘅 朱古力批 一定係細個嘅時候必食之選！你仲記唔記得咩味呢？
今次樂天 朱古力批 仲要同PABLO芝士撻Crossover，吸引度即刻增加十倍！兩樣咁好味嘅甜點合埋，唔知又會帶嚟點樣嘅衝擊呢？由於2016年6月7日（星期二）先正式喺全日本發售，所以宜家唯有吊下胃口先啦。批內係杏子醬同芝士cream，而且嗰層cream比起平時食嘅 朱古力批 更多！
8件嘅盒裝 朱古力批 搶先發售
計真啲，其實買8個獨立裝仲平過買一盒，但盒裝就比較體面，啱哂送禮同做手信。而8件嘅盒裝將搶先於2016年6月3日（星期五）喺指定店鋪預先發售。
預售地點：表参道店／新宿店／秋葉原店／ららぽーと立川立飛店／新静岡セノバ店／アスティ静岡店／梅田店／心斎橋店／JR大阪駅店／道頓堀店／なんばCITY店／新大阪駅店／阿部野橋駅店／京阪百貨店すみのどう店／姫路店／神戸元町店／天満屋岡山店／沖縄国際通り店
六月限定！優雅白桃乳酪芝士撻
早前仲話即將於6月1日，推出最新嘅「白桃乳酪芝士撻」，六月季節限定，限時兼限量發售。直徑約15厘米嘅白桃乳酪芝士撻，花瓣狀嘅外型非常優雅，唔打得都睇得，影相呃like一流。不過佢又唔係只係得個樣，撻內有白桃醬同乳酪，同芝士都幾夾味，真係隔住個mon都好想食一啖！
銷售期間：2016年6月1日至30日
銷售分店：表参道店／新宿店／秋葉原店／ららぽーと立川立飛店／梅田店／心斎橋店／JR大阪駅店／道頓堀店／なんばCITY店／新大阪駅店／阿部野橋駅店／京阪百貨店すみのどう店／姫路店／神戸元町店／天満屋岡山店
不過，以上產品暫時只限於日本發售，將會去日本旅行嘅朋友就不妨一試，順便打包返嚟做手信啦！
喜訊！香港代購有得買朱古力批
有好消息帶給大家！不能去日本的朋友同樣可買到朱古力批！朱古力批於今天（6月3日）開售，已有代購店立即將它們帶到香港，可以即買即食，另外亦有店舖幫大家預先訂購，代購價錢不太貴，最平$95一盒！
閨蜜屋 Girls’ Talk 生活雜貨店
地址：屯門栢麗廣場25樓2517室（顯示地圖）
價錢：$95/盒（8個）；$12/個
電話：97282570
網站：http://www.girlstalkhk.com/
Facebook：https://www.facebook.com/GirlstalkHK
Online Oopening 日本代購
地址：九龍荔枝角永康街18號永康中心12A（顯示地圖）
價錢：$99/盒
電話：51779982
Facebook：https://www.facebook.com/OnlineOopening
