玄戰｜神準預測被轟造假？洪永城蔡國威罕有發聲：打包單冇出貓！
廣告
TVB節目《玄戰》自播出以來，因連番出現神準預測，尤其白先知Jim Sir成功預測賽馬結果後，引發網上大量「造假」疑雲！面對洶湧的負評，節目主持洪永城及嘉賓蔡國威罕有地親自回應，力證節目清白，究竟幕後有何不為人知的嚴謹措施？
嘉賓蔡國威親證保密功夫極嚴謹
作為賽馬環節的嘉賓，蔡國威受訪時直指製作組保密功夫做得相當足。他透露：「錄影當日我係冇機會接觸任何黑、白先知，甚至主持、評判。我負責實時旁述第四場跑馬，幾乎去到最後一刻，工作人員先話到我知佢哋（兩位黑白先知）嘅預測結果。」他憶述當時要立即記下馬匹再調整旁述，過程非常緊張。對於結果，他亦大感神奇：「最神奇係，白先知估嘅第一名10號竟然係後來居上，嗰吓我都會覺得『咁你都估得中嘅？』，真係好神奇。」
洪永城拍心口保證：冇洩露任何答案
面對網上的造假指控，主持洪永城亦在節目中嚴肅澄清，一再強調比賽的公平性。他向觀眾打包單，堅稱製作團隊絕無「通水」：「我哋成個製作團隊打包單，我哋係冇畀過任何一個答案，畀任何一位黑白先知。」此番言論旨在平息外界的疑慮，力保節目的公信力。
幕後人員爆料杜絕出貓可能性
除了嘉賓與主持的澄清，據幕後工作人員透露，為確保比賽在絕對公平的環境下進行，比賽當日錄影前，已沒收所有先知的電話及通訊工具，令他們無法上網查閱任何賽馬資訊。而相隔4年再度為賽馬旁述的蔡國威亦表示，為求最佳表現，自己事前做足功課：「有上網翻睇賽馬旁述，去練習同埋感受個氛圍。」
網民反應兩極：信嘅就係神蹟
雖然製作組多番澄清，但網民意見依然兩極化。有網民表示：「有蔡國威出嚟講，可信度高咗好多。」、「信則有，不信則無，當娛樂節目睇幾好。」但亦有網民堅持質疑：「劇本嚟啫，唔通認咩？」、「太巧合，好難令人完全信服。」
將來還有什麼演唱會值得留意？
有不少歌手宣布舉辦演唱會，小編為你整合了香港演唱會2025一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
圖片來源：TVB
