朵朵鮮果流心撻 食譜@Candace媽媽

飲食

廣告

今次跟大家分享芝士流心撻食譜。。。吓?好舊,唔再係熱潮?咁。。。加少少生果囉,變成生鮮果芝士批。。。吓,又好娘?咁咁咁。。。不如鮮果+芝士流心撻加埋一齊啦,吓,又有嘢講?咪嘈住~鮮果者,係最近大熱的旋轉形玫瑰款呀,你唔知乜黎?唔係化?最近熱爆IG的飲食界喎~~一齊跟大家分享這個有得睇有得食仲趕晒潮流的 朵朵鮮果流心撻 ~

朵朵鮮果流心撻 製作方法

材料:(批皮)
麵粉 (All Purpose Flour) …………..240g
粟粉………………………………………..20g
牛油………………………………………..100g
糖…………………………………………..100g
雞蛋………………………………………..1隻

雲呢拿油………………………………….2滴

批餡
鮮奶……………………………………….100ml
糖………………………………………….60ml
忌廉芝士(Cream cheese) ………..100g
乳清芝士 (Ricotta cheese)………. 100g
帕馬森芝士碎 (Parmesan Cheese) 20g

蛋黃……………………………………….1隻

裝飾:
各式生果

做法:

批皮
1. 牛油不需解涷或放軟,在硬身時切成小粒。
2. 麵粉、粟粉及糖在大碗內混合,加入牛油粒,利用手指將牛油入粉內 (Rubbing-in方法),直至牛油跟粉類完全融合,成為粗沙狀。
3. 加入雞蛋及雲呢拿油拌勻,並用手搓成一不粘手的粉團,以保鮮紙包裹,放雪櫃冷藏20分鐘。
4. 拿出粉團,在平面上鋪上保鮮紙,在保鮮紙上桿平粉團至約5mm厚度,放在焗爐上,並將多餘的批邊切去。

5. 用叉在批皮上刺十數下(可以幫助批皮散氣,不會隆起),放入已預熱焗爐至180°c焗12分鐘至稍變金黃,取出放涼(批皮留在模內)。

批餡
1. 小鍋內,加鮮奶及糖,以小火煮至粉全溶,但不要滾起。
2. 加入所有芝士,不停攪拌直至完全融化,離火。
3. 芝士糊稍放涼後,加入蛋黃拌勻。
4. 將芝士糊倒進批模內,放已預熱焗爐至180°c焗10分鐘至稍變金黃,取出放涼。

裝飾
1. 生果去皮,切半。
2. 預備一把較鋒利的刀,將生果各切成薄片。
3. 將所有薄片用雙手斜推開。
4. 選擇內則部份向內捲,形成玫瑰形狀。

5. 將做好的鮮果玫瑰放在已放涼的芝士撻上,最後灑上糖粉。

小撇步
• 原食譜的帕馬森芝士份量較多,但帕馬森芝士味道較搶,所以在這食譜內減少份量。
• 做玫瑰的生果,一般以肉較硬、色彩豐富的為主,如奇異果、士多啤梨、芒果等,做起上來會較容易及漂亮。

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..