唱錢｜小肥連過8關突放棄！為觀眾忍痛收手 賽後自責揭心酸真相

小肥忍痛勒住唱 連過八關為觀眾贏萬元

唱功一向無庸置疑的小肥，賽前已表明上《唱錢》的最大目的是為觀眾謀福利，因此在挑戰期間幾乎每首歌都要「勒住嚟唱」，避免因過份投入而影響音準。他先後挑戰Level 1《今期流行》、Level 2《假使有日能忘記》、Level 3《餓狼傳說》、Level 4《別怪她》、Level 5《寵物》、Level 6《1874》、Level 7《螞蟻》及Level 8《最佳損友》，綜合成績全部高達90%以上，表現極之穩定。然而，在順利唱至Level 8後，他竟選擇「見好就收」，忍痛提款為家庭觀眾爭取一萬港元現金獎，相當有大將之風。

小肥事後坦言：如果啲錢係為我會衝出去

小肥在節目後坦言，如果獎金是屬於自己，他的決定將會完全不同。他直率表示：「如果呢個節目啲錢唔係為觀眾搵，而係為我搵，我會衝出去。」為了證明自己，他最終還是試玩了Monster歌曲《大大公司》，可惜唱了約15秒已跌入危險區，最終捱了約40秒便宣告失敗。雖然挑戰失敗，但Eric Kwok及森美反而大讚他決定「及早離場」非常醒目，證明他為觀眾作出了最正確的選擇。

小肥深夜復仇重賽 謙虛自責：衰咗就衰咗

搞笑的是，節目播出後，不甘心的小肥竟主動在個人社交網站上進行「復仇重賽」，再次高歌《大大公司》，結果引來網民一致好評。面對讚賞，小肥卻非常謙虛，更逐一回應留言並自我反省，他自責道：「唉～實在過獎！不過因為呢個節目要再重新審視吓自己音準嘅問題，其實可以小心啲。」他又坦承是自己準備不足：「衰咗就衰咗，練得唔熟。」專業態度令人佩服。

網民洗版力撐：真係唱得又有人品！

小肥為觀眾放棄挑戰的舉動，以及賽後謙虛的態度，引來網民洗版式討論。大批網民留言力撐：「「為觀眾著想真係好有心！」、「聽得出佢留咗力，如果出盡力肯定唔止咁！」、「佢唱《最佳損友》簡直如履平地，超屈機！」、「份人又唱得又謙虛，抵你紅！」、「呢啲先係真正嘅歌手，有實力又有人品。」