猜拿灘@為何斯德哥爾摩沒有譚仔三哥
猜拿灘@為何斯德哥爾摩沒有譚仔三哥

猜拿灘@為何斯德哥爾摩沒有譚仔三哥

呢兩個禮拜暫別瑞典,去咗熱帶地區放個熱嘅寒假。
因為愛人程至呢就好鍾意住ChinaTown嘅,去到每個國家都必須要住。今次當然亦唔例外,不如今次講下今次我地見到嘅China Town。

頭兩個禮拜去咗香港,其實成個香港已經變成一個大型嘅China Town,所以….不要再說了
第二站吉隆坡,成個ChinaTown有少少似香港嘅女人街,賣A貨、炒栗子、指甲鉗、民族服飾嘅鋪頭無限loop,係咁sell人紋身同massage嘅叫賣聲此起彼落。
當你夠膽行入後巷尋幽探秘嘅話,好多時有驚喜。我哋就喺果度搵到隱世喇沙,嗰種地mou嘅味道都幾難喺餐廳搵到。

之後我哋去咗新加坡,個ChinaTown完全是兩碼子嘅事。
唔好話垃圾啦,地下乾淨到水都冇灘。而成個ChinaTown靚到好似片場咁,程至美全程係咁話Wong Ka Wai Movie。

靚還靚,不過少咗啲麻甩地mou嘅氣息,始終爭咁啲。

至於Stockholm個ChinaTown…其實基本上係由兩個華人超巿組成。
唔好話town,其實China street都稱不上。
不過老實講喺北歐,有個華人超市買吓已經要偷笑啦。

其實講咗咁耐我始終好掛住香港,不過又係時候上機番Stockholm喇,大家保重,再傾!

延伸閱讀:瑞典教我的14件事@為何斯德哥爾摩沒有譚仔三哥 / 你只是一個局外人@為何斯德哥爾摩沒有譚仔三哥

最新吃喝玩樂資訊