56歲蔡子健消失17年驚喜現身ViuTV劇《COURT！》 首度開腔揭當年離巢TVB真相

蔡子健離巢17年首度為《COURT！》客串兩場戲

蔡子健透露，今次復出純粹因為導演杜Sir的一個邀請。監製朱淑儀開口請他幫忙客串，他二話不說便答應：「因為杜Sir係前輩佢叫到，不問酬勞都即刻應承。」不過他強調今次並非全面復出，僅僅客串了兩場戲，拍攝歷時3日。久違片場的他笑言發現拍戲模式已大不同，更打趣指劇本上「啲字好細字」，最大隻字竟然是「Confidential」。監製朱淑儀對蔡子健的表現讚不絕口：「佢只係得兩場戲，但演得好穩，我哋當場已睇到流淚，中晒角色，坐喺度唔講嘢，望住已經好有凝聚力。」

蔡子健坦言當年自覺發揮唔到價值選擇離開

被問到當年為何在事業穩定之際毅然離巢，蔡子健坦言：「當你喺某一個地方發揮唔到你嘅價值，咁你就要搵個第二個平台。」他表示對當年工作量是否大減已記憶模糊，只以「太耐」帶過。至於舊東家有否邀請他回巢拍劇，他謙虛回應：「千祈唔好咁講，我哋呢啲小角色，唔敢講。不過如果真係搵，我都樂意嘅。」一番話既流露對演藝事業的不捨，亦透出當年離開時的無奈。

從「旅遊王子」蛻變成博士級財經專家

蔡子健1993年參加藝員訓練班入行，其後主持《閃電傳真機》走紅，更因拍攝大量旅遊節目獲封「旅遊王子」，曾參演《金裝四大才子》、《大唐雙龍傳》、《歲月風雲》等劇集。2009年約滿後正式淡出幕前，投身金融界成為財務策劃師，同時在理工大學擔任管理學課程講師。他坦言轉型最困難的部分是不斷進修：「我離開咗之後，我完成咗我嘅碩士學位，亦都完成咗我博士學位，亦都考咗唔同嘅專業資格，付出咗好多心血同埋心機。」如今他以「Dr. Cai」身份在課堂上授課，據悉從不主動提及自己的明星過去，現與醫生太太育有3名子女。