【自助餐放蛇起底組】15款甜品任食! $68不限時狂𩟔拿破崙、榴槤炸彈

日式放題就食得多啦,今次就帶大家搵 甜品任食 下午茶啦!呢間餐廳喺觀塘工廈,位置都唔係話好易搵,但最近收到風話$68就有15款 甜品任食 ,仲要無限時、唔使加一,咁抵就梗係要試下佢係咩料啦!

15款 甜品任食擺盤有心機

甜品款式有15款,糕點類包括有黑森林、藍莓芝士蛋糕、綠茶紅豆慕絲餅、黑芝麻豆腐芝士餅,另外仲有焦糖燉蛋、牛乳布甸等,算係幾多種類。而且可以食足兩個半鐘,每人仲有一杯嘢飲選擇,價錢$68簡直係平啦。味道方面都唔係話太差,某幾款甜品好似沙加餅、泡芙等都幾好味,兼且甜品擺盤好有心機,唔係求求其其放喺隻碟上,任食都好有心機去整,Feel到餐廳嘅用心,加分!

嗌甜品同平時食放題一樣,都係用Order紙寫返份量,寫完之後幾分鐘甜品就黎到,速度夠哂快。

甜品任食
任食包括15款甜品,用Order紙落單,寫返份量就OK。
甜品擺得整齊,下面用朱古力醬唧咗啲Pattern出黎,夠哂靚。
甜品擺得整齊,下面用朱古力醬唧咗啲Pattern出黎,夠哂靚。
即使係杯裝甜品,亦會用上一個黑色嘅石板裝住。
即使係杯裝甜品,亦會用上一個黑色嘅石板裝住,靚呢。
食到後期,甜品嘅擺盤一如既往咁有心機去整,唔會話嗌得多就走哂樣。
食到後期,甜品嘅擺盤一如既往咁有心機去整,唔會話嗌得多就走哂樣。

糕點類:選擇多 細細件試多幾款

食得自助餐,梗係試多幾款唔同食物啦,所以呢度的甜品細細件,絕對係優點!黑森林、藍莓芝士蛋糕⋯⋯仲有綠茶紅豆慕絲餅、黑芝麻豆腐芝士餅等嘅特色糕點,味道亦唔差,睇得出師傅用心製作。

朱古力沙加餅,之前未試過,睇落就似普通朱古力蛋糕加朱古力醬,食落朱古力味道相當濃,值得encore。
朱古力沙加餅,之前未試過,睇落就似普通朱古力蛋糕加朱古力醬,食落朱古力味道相當濃,值得encore。
黑森林蛋糕,同出面西餅店食到嘅差唔多,朱古力味就唔係話特別濃郁。
黑森林蛋糕,同出面西餅店食到嘅差唔多,朱古力味就唔係話特別濃郁。
黑芝麻豆腐芝士餅,層層好分別,同時間豆腐果層同黑芝麻可以完全分開。食落芝麻味特別濃,蓋過哂豆腐嘅味,不過整體唔錯。
黑芝麻豆腐芝士餅,層層好分明,分明到豆腐果層同黑芝麻可以完全分開。食落芝麻味特別濃,但就蓋過哂豆腐嘅味,不過整體唔錯。
藍莓芝士餅,同平時食嘅相比佢芝士餅較硬身,上面嘅藍莓醬微微酸有果粒。
藍莓芝士餅,同平時食嘅相比佢芝士餅較硬身,上面嘅藍莓醬微微酸有果粒。
意大利芝士餅,層次都睇到但明顯見到蛋糕果層比較厚,食落會有少少乾不過咖啡味足夠。
意大利芝士餅,層次都睇到但明顯見到蛋糕果層比較厚,食落會有少少乾不過咖啡味足夠。
綠茶紅豆慕絲餅,中間見到有好多紅豆粒粒,但佢紅豆味出過綠茶好多,要分開食先食到淡淡綠茶香。
綠茶紅豆慕絲餅,中間見到有好多紅豆粒粒,但佢紅豆味出過綠茶好多,要分開食先食到淡淡綠茶香。
芒果乳酪,超級酸,個味好唔夾,唔建議嗌喱個。
芒果乳酪,超級酸,個味好唔夾,唔建議嗌呢個。

杯裝類甜品:香脆焦糖燉蛋 熱辣辣麵包布甸

除咗蛋糕類,仲有啲杯裝類甜品,好似牛奶布甸、焦糖燉蛋等,麵包布甸仲係熱辣辣整出黎!

法式焦糖燉蛋,上面嘅焦糖唔係杯杯都好平均。
法式焦糖燉蛋,上面嘅焦糖唔係杯杯都好平均。
面頭嘅焦糖好香脆,帶少少焦香味,底下嘅燉蛋食落有粒粒,唔夠滑,但蛋味夠。
面頭嘅焦糖好香脆,帶少少焦香味,底下嘅燉蛋食落有粒粒,唔夠滑,但蛋味夠。
3.7牛乳布甸,拎上手凍冰冰。雖然用上3.7牛乳但食落牛奶香唔係特別重,質感比布甸硬,近似啫哩狀。
3.7牛乳布甸,拎上手夠凍冰冰。雖然用上3.7牛乳但食落牛奶香唔係特別重,質感比布甸硬,近似啫喱狀。

其他特色甜品: 爆漿榴槤炸彈

最吸引嘅就係榴槤炸彈,未開始食已經好期待。上碟嘅時候係啱啱炸起,一切開有超多榴槤漿!另外仲有士多啤梨類嘅甜品都唔錯。

榴槤炸彈上碟嘅時候係新鮮炸起熱辣辣,一切開會聽到好清脆嘅聲音。
榴槤炸彈上碟嘅時候係新鮮炸起熱辣辣,一切開會聽到好清脆嘅聲音。
入面超多榴槤漿!食兩打都唔夠喉,佢嘅榴槤味唔係新鮮榴槤肉嘅味,係類似榴槤糕嘅味道。
入面超多榴槤漿!食兩打都唔夠喉,佢嘅榴槤味唔係新鮮榴槤肉嘅味,係類似榴槤糕嘅味道。外脆內軟好好味!
士多啤梨泡芙,上面有士多啤梨醬,唔酸,泡芙入面嘅餡好滑,仲食到士多啤梨味,正!
士多啤梨泡芙,上面有士多啤梨醬,唔酸,泡芙入面嘅餡好滑,仲食到士多啤梨味,正!
士多啤梨拿破崙個樣好精緻,中間有新鮮士多啤梨。
士多啤梨拿破崙個樣好精緻,中間有新鮮士多啤梨。
切開好似餅咁斷開一半,食落層次唔夠多,唔夠酥脆。中間嘅fillings唔太甜唔錯。
切開好似餅咁斷開一半,食落層次唔夠多,唔夠酥脆,但中間嘅fillings唔太甜唔錯。

環境舒適 每人一杯飲品

甜品就任食,但飲品就每人只得一杯,但佢有花茶可以選擇,都叫交足功課。

柚子茶同咖啡,柚子茶偏甜,可以自己再溝水整淡佢。
柚子茶同咖啡,柚子茶偏甜,可以自己再溝水整淡佢。
茉莉花茶,用嘅係茶包,係Fair Trade嘅茶包,飲完仲可以加熱水,茉莉花味香,抵飲。
茉莉花茶,用嘅係茶包,係Fair Trade嘅茶包,飲完仲可以加熱水,茉莉花味香,抵飲。
環境舒服,仲有音樂可以聽下,坐嘅位唔會太逼。
環境舒服,仲有音樂可以聽下,坐嘅位唔會太逼。

總結:$68可以任食15款甜品仲包一杯飲品超級平,甜品味道雖然唔係話特別好食,但某幾種好似朱古力沙加餅、士多啤梨泡芙、榴槤炸彈等真心正,榴槤炸彈咁多餡都可以任食,夠哂抵!另外甜品擺盤靚,睇得出餐廳好有心機。服務亦好好,不時會過來問下我地使唔使加單。環境舒適唔會逼,整體相當唔錯。

分數:7/10

Go Inside Kitchen

地址:觀塘觀塘道404號時運工業大廈5樓D室 (顯示地圖)
電話:3152 3533
$68下午茶時段:3pm-5:30pm
用餐時間:無限時

最新吃喝玩樂資訊