TVB藝人黃建東評女星胸型被轟慘遭公司「照肺」 網民意外風向逆轉狠批雙重標準：佢只係講真話

黃建東Threads失言評女星胸型惹眾怒

黃建東日前在社交平台Threads分享美籍越南裔演員Lana Condor的照片，這位憑Netflix大熱電影《愛的過去進行式》紅遍全球、擁有超過1,000萬Instagram追蹤者的女星，卻意外成為黃建東「玩火」的導火線。他在帖文中寫道：「睇完呢張相，我就明白點解女性內衣店長做長有，原來真係好緊要。」此番言論隨即被網民質疑暗諷女方胸型下垂，涉及公然身材羞辱，大批網民怒轟他作為公眾人物極度不尊重女性，甚至直斥他「低質當風趣」。

黃建東被公司照肺急道歉認錯

面對鋪天蓋地的批評聲浪，黃建東昨日（13日）現身觀塘出席全新原創古裝音樂劇「花影夢」記者會時，主動就事件接受訪問。他表示：「自己絕對係無意去冇犯或者去取笑任何嘅女性或者任何人。自己真係學咗一課，咁所以嚟緊一定會更加慎言，更加小心。多謝大家嘅意見同批評我，全部睇到晒，我全部會吸收晒嘅。」被問到有否被公司照肺時，黃建東坦承：「公司都有問我發生咩事，咁我都有講返我嗰個原意，同埋出發點係乜。最緊要就係我真係唔係想冒犯任何人。」

網民風向逆轉為黃建東抱不平

豈料事件發展出現意外轉折！大批網民開始為黃建東抱不平，認為他只是「講真話」而已。有網民留言：「咁你對胸一餅嘢撻系心口係人都話啦」、「做偽人真係唔好講真話。。。。無關痛癢嘅嘢都俾人煲到變千古罪人」、「事實嘅嘢通常難聽 但係事實就係事實，著呢件衫前 照多幾照塊鏡」。更有網民直指：「個女人明顯係八字波，佢錯在身為公眾人物，將事實同客觀講出口。」另有網民質疑雙重標準：「Post 得出嚟就預咗比人討論， 讚你好就冇問題？？唔讚你就係錯？？好肉酸呀」。

黃建東曾力撐土瓜灣謝安琪火辣身材

諷刺的是，黃建東過往曾因力撐「土瓜灣謝安琪」而備受網民讚賞。2023年有網民在Facebook群組分享一間大牌檔的剪綵相，相中一位身材勁出眾的白裙女子被網民稱為「土瓜灣謝安琪」，更有網民關注「周中師傅的雙眼望緊咩位置」。當時黃建東得知事件後主動現身解畫，指該位火辣女子就是餐廳老闆娘，更大讚「招呼好嘢食掂」，特登po多幾張相「益網民」，當時網民對他的幽默反應大表讚賞。

土瓜灣謝安琪餐廳餐牌驚現老闆娘自拍照

更離譜的是，有網民爆料該餐廳的餐牌竟有兩頁全是老闆娘的自拍照！網民透露：「佢餐牌入面其中兩頁，全部都係佢嘅自拍照」，工作時亦「非常少布」。不過亦有網民指老闆娘真人與相片有落差：「見過真人，容又假，典型北嫂膠面，賣相不甚可口，睇見都縮，不建議食用」、「事頭婆全身都係假嘢」。對於食物質素，網民意見兩極，有人大讚「土瓜灣區食晚飯，三甲內」，但亦有人投訴「竟然容許食客係入面食煙」、「碗碟洗完好似冇洗咁，全部油淋淋」。

公眾人物社交媒體言論界線成焦點

黃建東今次的爭議事件，再次引發公眾對藝人社交媒體言論界線的討論。同樣是評論女性身材，為何力撐「土瓜灣謝安琪」時獲得讚賞，但評論外國女星時卻被轟「Body Shame」？網民對此亦意見分歧，有人認為「幽默感」與「不尊重」只是一線之差，關鍵在於用詞和語境；但亦有網民質疑是否存在雙重標準，認為「講真話」不應該被過度放大批評。

44歲TVB男星公開點評外國女星身材 火速刪帖遭網民狂轟：典型噁男口衰到咁
黃建東剪綵大牌檔 白色裙女子勁搶鏡爆紅 真正身份大起底！

TVB藝人黃建東：火辣女子係老闆娘嚟

TVB藝人黃建東後來亦得知事件，指原來係2019年的事，當時佢去做剪綵嘉賓，指呢位「土瓜灣謝安琪」就係呢間餐廳的老闆娘嚟，仲話招呼好嘢食掂，仲特登po多幾張相益網民！