香港博物館節 !6大精選免費有趣活動
香港博物館節 !6大精選免費有趣活動

香港博物館節 !6大精選免費有趣活動

早排有國際博物館日就全港42間博物館免費開放,今次就有「 香港博物館節 2016」,於6月25日至7月10日舉行,當中大部分活動都係免費,但大家記得購買門票先可以免費參加,又免費又要買票咁難明?其實係部份需要付費入場,而內裡活動是免費參加的。今年主題為「是麼?See More」,主要想透過一啲文物行、幕後遊、工作坊、示範、電影等,讓大眾以更有趣方式吸收相關範疇知識。

 

博物館節總共有100項節目及活動,依加就精選咗幾個趣味性較高嘅,當中涉及唔同範疇如藝術、歷史、天文、科學,讓大家粗略了解呢個節日。

1. DIY古羅馬建築!心思之作

古羅馬建築著重組織性同技術性,望落去,往往俾人一種冠冕堂皇嘅感覺,非常宏偉。雖然我哋唔係建築師,但都有可能製作出迷你古羅馬建築。呢個工作坊係免費參與,歷史博物館仲會提供所需材料,啱晒大家於忙碌生活中慢下來,花點時間DIY屬於自己嘅作品,兼了解一下古羅馬建築風格。

古羅馬建築3D模型
古羅馬建築3D模型(圖片來源:歷史博物館)
香港歷史博物館
香港歷史博物館

 

巧構奇築:古羅馬建築立體模型製作

地點﹕香港歷史博物館活動室(顯示地圖
日期﹕7月8日(星期五)
時間﹕下午3時至4時30分
語言﹕粵語
名額﹕每節15人、名額先到先得、額滿即止
費用﹕免費

2. 珍藏上醫館!文物醫師

究竟你呢件古董有幾多年歷史?呢款絲綢又係咪上等貨?歷史博物館今年重開「上醫館」,幫市民帶嚟嘅文物把下脈,斷個症。當中會為參加者分享一啲文物修復心得,只要參加30分鐘「臨床實習」環節,大家就可以從中掌握一啲修護技巧。每個病人有20分鐘診症時間,記得把握機會,寫低啲問題,一次過問下專家意見。

「珍藏上醫館」每人診症20分鐘。(圖片來源:康文署)
「珍藏上醫館」每人診症20分鐘。(圖片來源:康文署)
專家分享文物修復心得()
專家分享文物修復心得(圖片來源:康文署)
「珍藏上醫館」設有5個類別門診,包括中國書畫科、照片科、古籍文獻科、金屬品科及紡織品科。
「珍藏上醫館」設有5個類別門診,包括中國書畫科、照片科、古籍文獻科、金屬品科及紡織品科。

 

珍藏上醫館

地點﹕香港歷史博物館(顯示地圖
日期﹕6月25日及7月2、9日(星期六);6月26日及7月3日(星期日);6月29日及7月6日(星期三);7月1、8日(星期五);7月7日(星期四)
時間﹕上午10時至下午5時30分
語言﹕粵語
報名方法﹕需預先報名,詳情請瀏覽文物修復辦事處網頁。截止報名日期:6月15日
名額﹕300人
費用﹕免費

3. 館長廚房!藝術歷史科學集於一身

民以食為天,無論咩界別咩身份嘅人,都係食最重要。原來煮食集合多種元素,唔止係對味道嘅要求,一道菜嘅賣相同創意都係一門學問。不但止,每道菜背後可能盛載著悠久嘅歷史,以及一啲科學原理。為咗令大眾明白食物嘅奧妙,藝術、歷史與科學範疇嘅館長親自下廚,與參加者一同探索。食 — 從此變得不簡單。

油街實現(圖片來源:油街實現)
油街實現(圖片來源:油街實現)

「館長廚房」邊食邊講系列,共三個活動主題,記得留意時間自己想參加邊個啦!分別為福建湯丸與北角社群、XO醬製作與策展藝術、悠閒分子下午茶。

「館長廚房」邊食邊講系列,共三個活動。
「館長廚房」邊食邊講系列,共三個活動。

 

「館長廚房」系列

地點﹕北角油街實現(顯示地圖
日期﹕6月26日(星期日)及7月2、9日(星期六)
時間﹕下午2時至3時30分
語言﹕粵語
名額﹕每節20人、名額先到先得、額滿即止
費用﹕免費
*活動詳情可參考官方網站

4. 油麻地社區尋寶!深度文物行

油麻地歷史悠久,蘊藏著唔少歷史建築物,例如油麻地天后古廟、油麻地戲院、舊水務署抽水站、油麻地果欄等,都好值得本地人認真睇下呢個地方。古物古蹟辦事處館長就帶參加者造訪呢4幢歷史建築,了解一下早期油麻地居民嘅生活面貌,譬如傳統祭祀、昔日娛樂、食水供應及水果市場,重溫當年風彩。

油麻地歷史建築-油麻地戲院(圖片來源:康文署)
油麻地歷史建築-油麻地戲院(圖片來源:康文署)
油麻地戲院(圖片來源:康文署)
油麻地戲院(圖片來源:康文署)

 

社區尋寶-油麻地文物行

地點﹕舊水務署抽水站、油麻地果欄、油麻地天后古廟及油麻地戲院
日期﹕6月25日(星期六)
時間﹕上午9時30分至中午12時
講者﹕古物古蹟辦事處館長
語言﹕粵語
報名方法﹕需預先報名,詳情請瀏覽古物古蹟辦事處網頁。(截止報名日期:6月3日)
名額﹕每節30人
費用﹕免費

5. 跟館長去觀星!長知識

近年露營成為熱門假日活動,出外最想當然係觀星。如果想增進自己喺觀星上嘅知識,可以試下參加呢個一日雞精團,跟著館長去觀星,了解下觀星技巧及相關知識。活動費用全免,當中除咗以投映設備進行夜空模擬,大家亦可嘗試用望遠鏡喺太空館天台觀星。上完呢課,下次露營識做啦。

未命名-1
一同觀星
香港太空館(圖片來源:香港旅遊發展局)
香港太空館(圖片來源:香港旅遊發展局)

跟館長去觀星

地點﹕香港太空館何鴻燊天象廳及天台(顯示地圖
日期﹕6月28日(星期二)
時間﹕晚上7時至9時
講者﹕香港太空館館長及助理館長
語言﹕粵語
名額﹕240人、名額先到先得、額滿即止
費用﹕免費,即場輪候參加

6. 天象廳幕後遊!難得機會

點解太空館全天域電影可以半球體形狀播放?究竟裡面有咩乾坤?套戲又係點製作?如果平日你對太空館電影存著呢啲疑問,不妨參加「天象廳幕後遊」。館長會帶大家參觀天象廳、電腦及錄音控制室,仲有全天域電影放映室等設施,讓大家對天象節目嘅運作及製作有更多認識。

get_thumbs_on_fly-8拷貝
全天域電影

天象廳幕後遊

講者:香港太空館助理館長

日期:2016年7月5日(星期二)
時間:晚上7時至8時30分
地點:香港太空館何鴻燊天象廳、電腦及錄音控制室及全天域電影放映室
名額:30人 (後補名額10人),所有名額以公開抽籤形式分配
年齡:參加者須年滿6歲或以上。6-12歲參加者須由1位成年人陪同
費用:全免
報名方法:接受報名日期為2016年6月1日至2016年6月18日

另外精選!「沙畫・印象」初探體驗坊!必試

究竟沙畫同印象派畫作點扯上關係?適逢文化博物館舉辦,19世紀印象派大師莫奈作品展,邀請咗沙畫藝術家海潮示範,以沙重塑莫奈作品。最重要係,佢工作室嘅導師會免費教大家一啲沙畫基礎技巧,參加者仲可以親身嘗試製作沙畫。

19世紀印象派大師莫奈
沙畫:19世紀印象派大師莫奈
博物館
記得陳奕迅〈一絲不掛〉MV中嘅沙畫嗎?就係沙畫藝術家海潮嘅作品。
402-10-1024x787
《印象·日出》 1872年

「沙畫・印象」初探體驗坊

地點﹕香港文化博物館聚賢廳(顯示地圖
日期﹕7月3日(星期日)、9日(星期六)、10日(星期日)
時間﹕下午3時至5時
講者﹕海潮工作室導師
語言﹕粵語
名額﹕每節20人、名額先到先得、額滿即止
費用﹕參加者須持「他鄉情韻─克勞德‧莫奈作品展」當天有效門票

「沙畫・印象」示範

地點﹕香港文化博物館聚賢廳(顯示地圖
日期﹕7月1日(星期五)
時間﹕下午3時至6時
講者﹕海潮 (沙畫藝術家)
語言﹕粵語
名額﹕80人、名額先到先得、額滿即止
費用﹕參加者須持「他鄉情韻─克勞德‧莫奈作品展」當天有效門票

慨嘆精選:是夜-情迷莫奈!已Full…

法國印象派大師莫奈,一生除咗鍾意畫風景畫,仲情迷於園藝同美食。為咗參加者更能體驗莫奈嘅生活,大家可於「是夜」透過觸覺、視覺、聽覺、味覺,甚至嗅覺, 細味大師嘅畫作及一生。活動中,參加者可輕嚐法式小吃,配以浪漫情懷嘅音樂演奏,猶如置身莫奈嘅世界,一同淺談法國品味與人生。但…好可惜!活動名額已滿,但環境之靚真係好值得讓大家知道。

香港博物館節-免費-莫奈
「是夜」透過觸覺、視覺、聽覺、味覺,甚至嗅覺,細味大師嘅畫作及一生。
香港博物館節-免費-莫奈
可輕嚐法式小吃

是夜—情迷莫奈

地點﹕香港文化博物館(顯示地圖
日期﹕6月25日(星期六)
時間﹕晚上7時30分至9時30分
語言﹕粵語
報名方法﹕需預先報名,截止報名日期:6月17日。(名額已滿)
名額﹕500人
費用﹕免費

最新吃喝玩樂資訊