足球女將2｜9大回歸球員檔案解密！Kathy仔將勤補拙 齊心爭正選

王頌茵（Kathy仔）：樂天性格將勤補拙

王頌茵畢業於香港專業教育學院，主修珠寶設計及科技高級文憑課程。然而，她並未投身設計行業，而成為香港YouTuber第一世代的成員之一。2018年，王頌茵正式加入ViuTV，開始從網絡紅人轉型為電視藝人。上一季《足球女將》，Kathy仔因受傷擔心拖累球隊而落淚，而她的打不死的精神亦有目共睹。

王頤（Ocean）：獲網民盛讚「超可愛」

現年30歲的王頤Ocean是球隊前鋒，在上一季《足球女將》中的演出備受矚目。雖然她在節目中常被NB指責，但在昨晚（25日）播出的一集中，Ocean訴說自己的委屈時，卻意外贏得網民熱烈反響。大家紛紛讚她雖然外型偏中性，聲線卻格外甜美可愛：「Ocean把聲好嗲」、「Ocean開聲好有驚喜」、「仲以為佢講嘢會一樣偏中性」、「把聲cute到」等。

馬俊怡（Rose）熱愛足球日漸進步

現年32歲的Rose Ma曾因為Cosplay春麗而在Twitter成為網絡紅人，2013年參選大專校花校草選舉入行，曾推出過寫真集，亦做過動漫節Game Girl，被封為「電競女神」，並因同日本神級AV女優明日花綺羅撞樣，而有「港版明日花」之稱。經過上一季的地獄式訓練後，Rose Ma佢堅持參與第二季，鬥心同熱血比去年還要強！
 

吳少娟（Shiho）：隊內友誼小姐終於有波衫著

20號球員SHIHO（吳少娟）職業係牙醫助護，被譽為隊內「友誼小姐」，有佢在全隊都可以上下一心。上季雖然表現出色，但竟然連後備波衫都冇份，令不少網民為佢抱不平。「Shiho應得一個球衣號碼」、「佢根本值得一件波衫，希望s2唔好對佢咁衰」等留言充斥社交平台。今季終於獲得20號球衣，網民都期待佢可以「發光發亮」，不過亦有人提醒「希望佢操返壯d，之前手臂太幼」。

羅詠琪（Wingki）：花式跳繩教練變身左閘鐵閘

5號球員WINGKI（羅詠琪）本身係跳繩教練，玩開花式跳繩，網民都好奇「會唔會都玩到花式足球呢」。佢因為哥哥而想透過足球建立友誼，上季主要打左閘位置。網民對佢評價極高，「Wingki態度真係一流」、「速度高，有鬥心」，更有人稱讚佢「死纏爛打，破壞對方進右路邊線進攻效果唔錯」。雖然助攻同創造能力一般，但佢的拼搏精神令人印象深刻，被網民封為「電兔羚羊」。

羅海尤（Muji）：雙學位藝人面部擋球成經典

27號球員MUJI（羅海尤）係藝人，擁有雙學位，性格樂觀，「鍾意挑戰自己因為相信自己」。上季佢打到最後，在終極戰擔任正選右閘，不過「係咁俾人撞到冧低」，下半場要換返Tong Ming。最令人難忘係佢的「面部擋球」絕技，成為網民熱議話題。有網民認為「Muji上季未證明自己太多，好多時可能未熟足球唔知自己做緊乜」，但亦有人支持「佢都叫諗真跟操同練波出席，上季應該有一席位俾佢啦」。

倪碧賢（NB）：甲組籃球員轉戰足球場

8號球員NB（倪碧賢）係公務員，同時係甲組籃球員，細個有落街場踢波經驗，今次想搵返踢波的樂趣。佢話「年齡唔係問題，只要有信心就可以繼續，喺球場上奔跑」，展現出成熟球員的心態。網民對佢評價甚高，「NB勁好波，希望帶起隊友水平，唔洗1個咁辛苦」，認為佢係隊中的中流砥柱。今季佢著咗Chole上季的8號球衣，令人好奇「咁今季係咪無Chole」。有網民希望「今季有好中堅，可以將NB推上一格」，期待佢有更出色表現。

黃可盈（Flavia）：迪布尼粉絲傷癒復出

17號球員FLAVIA（黃可盈）係演員，偶像係迪布尼，希望學習佢「剛柔並重，全能」的踢法。佢坦言「從小冇好好發展運動呢一塊，而家急起直追」，認為「遲咗起步，但每一步都行得好實在」，展現出積極的態度。上季佢曾經受傷，令網民擔心不已，今季復出網民都好關心，「期待已久，歡迎回歸，希望你Season 2冇傷冇病」、「不要再受傷」等留言充滿關愛。有網民開玩笑話「迪布尼睇住架」，期待佢今季有突破性表現。

湯珮明（Tong Ming）：隊內開心果勇於發聲

2號球員TONG MING（湯珮明）係化妝師，被稱為隊內「開心果」，除咗會連結隊內球員，仲會勇於為球員發聲，「有咩事搵佢一定幫你拆掂」。佢的座右銘係「乜嘢都要試吓，起碼試過就唔會後悔」，展現出正面的人生態度。網民對佢評價極高，「Tong ming性格最好」，認為佢係隊中的精神領袖。不過上季佢「不幸成日受傷」，令網民擔心，今季大家都希望佢「順順利利」，更有人稱讚佢係「最佳守衞」。