失婚前艷星搵工再遇騙子爆粗開罵 怒斥變態男：使唔使打埋X機呀？

林雅詩再遇假工作機會 怒轟無恥男玩失蹤

林雅詩昨日在社交平台透露又有人扮有工作而接觸她，但當她滿懷希望地與對方傾談好所有工作條件和要求後，對方竟在要求落訂金的關鍵時刻玩失蹤。她憤怒地寫道：「傾好晒所有條件要求，都叫佢落訂過錢嗰一刻？竟然人影都唔見，我覺得唔係好玩？有心搵人接job，定啲X街男人借接job嚟同我溝通，溝通完講好晒價錢叫佢過數落訂金，竟然人都冇？」林雅詩更質疑這些男人純粹是想與她溝通，並嬲爆問道：「做男人唔好做到咁X街啦，咁樣好過癮咩？聽到我把聲特別興奮㗎？使唔使打埋X機呀？蝦我一個女人仔？正X街！你記住呀世界有報應㗎！」

林雅詩兩個月前已遇變態狂徒 收露體相爆粗鬧爆

其實這已經不是林雅詩第一次在搵工過程中遇到變態狂徒。兩個月前她已經在社交平台大吐苦水，詳細講述搵工期間的恐怖遭遇。當時她表示現時經濟環境不佳，想找工作又要被人壓價，甚至可能沒有收入，正當她以為有希望賺取一分一毫時，卻發現有人假扮有工作機會聯絡她。林雅詩激動地寫道：「有啲人扮有工作搵你聯絡你，諗住有個希望搵多一蚊得一蚊啦，點知原來係想搵你傾吓偈唔知博乜？博乜大家心知肚明啦，仲要諗住免費！X街嚟㗎！」更令她憤怒的是，對方之後竟向她傳送露體相片，她怒斥：「跟住就send埋啲露體狂嘅相，咁即係點呀？當然我有block咗佢啦，但係佢又用另外一個Account再開返呀嘛！唔好再蝦我個女人仔啦！」

林雅詩移英失敗回流香港 搵工處處碰壁

林雅詩在2022年決定移居英國與兒子及家人團聚，當時她曾表示想「做回普通人簡單過生活」。可惜新生活未如想像中順利，她寄出超過30封求職信，連洗碗工都沒有回音，搞到她多次公開放負，最後索性回流返港。回港後的林雅詩積極在社交平台表示自己工作檔期全面開放，希望有人找她工作，本以為肯捱肯做就有出路，但現實卻比想像中更加殘酷。她曾透露不時收到粉絲的不雅照片，表示：「我收到很多粉絲留言私訊給我，我明白你們的窩心，但真的不喜歡收到一些，令我嚇驚的照片，過分裸露照片令我很不安。」

林雅詩情路坎坷事業不順 單親媽媽艱難求生

現年48歲的林雅詩1997年參加港姐入行，20強止步後加入無綫電視發展平平。她放手一搏拍《PR Girls青春援助交際》等多套三級片，又擔任成人台主持，2005年嫁商人前夫溫文英及育有一子後便淡出幕前。不過後來男方出軌，她只好復出拍寫真賺錢，以為再覓得「第二春」，誰知經理人男友馬天樂卻「偷食」，林雅詩繼續以單親媽媽身份照顧兒子。心灰意冷的她帶同兒子移居英國，放下身段寄出30幾封求職信，甚至願意做洗碗工，奈何都「食白果」，最終決定回流香港。如今她在搵工路上屢遇騙子和變態狂徒，令這位中年單親媽媽的求生之路更加艱難。