老二花廳 懷舊唐樓Cafe! 限量原隻焗雞嫩滑美味|旺角有咩好食|

老二花廳 打造懷舊唐樓Cafe

老二花廳 屬老二公社分店，剛開張約一個月。為保持唐樓風格，店主們堅持保留已有50多年歷史嘅綠白地磚，亦都因為鍾意懷舊物品，Cafe內嘅部分傢俱，如枱櫈、燈、風扇和雪櫃等等、都喺夜欄、酒樓和麻雀館等地方搜羅返嚟，令Cafe呈現出老香港味。

除咗舊式傢俬和電器，花廳更加咗新藝術元素，特登請朋友將自己喺英國street art嘅作品帶嚟香港，展現喺花廳牆上。作品將幾位獨裁者放上小朋友身上，黑白獨裁者配七彩繽粉背景同小朋友畫風，夠哂特別又盞鬼。

呢度嘅餐牌與老二公社差不多，會3至4個月就會轉一次，保持新鮮感，令客人嚟到都有新嘢試。

主食及小食

香草焗肥雞 $238

用香草和豉油等配料醃製一晚，再用雞精華去焗大約30-45分鐘，因製作須時，每日只限售5-10隻。雞肉充滿香草味，肉質非常嫩滑美味，加少少檸檬汁仲開胃。

炸魚薯條配他他醬 $108

超大塊炸龍脷柳配粗薯條，龍脷柳炸得夠香脆，亦唔會炸到乾身，粉漿加咗少量啤酒，味道好特別。

青醬素菜扁意粉 $86

想食清淡d，呢度亦有素食菜式提供。青醬素菜扁意粉用了紅黃椒、露荀、秀珍菇、白磨菇、雞髀菇等多款蔬菜，清淡得嚟唔會覺得好乏味。

芝士薯角$58

薯角與芝士的比例剛剛好，芝士醬味道突出，薯角夠厚身，配芝士食毫無膩感。

甜品及飲品

溶岩朱古力蛋糕配雪糕 $58

朱古力蛋糕與雲呢拿雪糕一向都係最佳配搭，但平時坊間的朱古力蛋糕甜到漏，呢個朱古力蛋糕朱古力味濃郁不會過甜，蛋糕夠鬆軟，完全唔dry。

玫瑰鮮奶咖啡 $44

鮮奶咖啡幾滑，咖啡味不會過濃而蓋過玫瑰味，同時可品嚐到咖啡苦澀和玫瑰花香味。

老二是日心情窩夫 $68

即係士多啤梨棉花糖窩夫，酸甜士多啤梨醬，正好中和返棉花糖的偏甜味道，而且窩夫與棉花糖份量適中，整體味道唔會太甜太膩。

凍朱古力$42

朱古力味好濃郁，加上香滑忌廉和朱古力醬，

綠茶鮮奶 $44

綠茶與鮮奶比例平均，綠茶味不會太苦澀，味道唔太甜，夠香滑。

老二花廳
地址：旺角山東街80號1樓（顯示地圖）
營業時間：星期一至日 3pm-12am
電話：9284 2767
Facebook：https://www.facebook.com/loyifaateng

 
想知更多吃喝玩樂、扮靚資訊，就快d like Sam拍胃 facebook page啦！