黎明白咖啡
黎明白咖啡

黎明白咖啡 係咪堅正?! 3大品牌白咖啡比拼 |FOOD BATTLE|

飲食

廣告

最近網上熱話一定是 黎明白咖啡 的廣告,聽聞連白咖啡都即刻賣晒,誇張!但係咪堅好飲先?Hello Pinkey都搶購到1盒,仲買埋另外一向較多人買的兩個品牌白咖啡,比拼下邊款最好飲!

Hello Pinkey試飲大比拼!

1. 黎明白咖啡 推介!雀巢極品白咖啡(原味)

最近因黎天王而熱賣,是新配方,有分原味及無甜兩種口味。

咖啡味:★★★★☆
一沖熱水就聞到咖啡味,唔澀,嗒落甘香,由於啡奶比例適中,喝到奶香但不會蓋過咖啡味。

幼滑度:★★★★★
驚喜是即沖都可以有咁多奶沫,三個品牌之中最多,幾細緻,口感順滑,如果整杯咖啡可以再濃厚點就更Good~

甜度:★★★★☆
剛好,不膩。

價錢:★★★★★
約$22.9/10包,即約$2.3/杯,性價比高,質素合格有餘啦~

2. 來自馬來西亞 舊街場白咖啡

沿自馬來西亞怡保的舊街場白咖啡,由小店咖啡做到推出包裝咖啡,表現又如何呢?

咖啡味:★★★★☆
咖啡味濃,有陣炭燒香,咖啡明顯較奶味強。

幼滑度:★★★★☆
奶沫不及雀巢的豐厚,飲落都算滑,如果口感可以再厚身點會更好。

甜度:★★★★☆
ok,不會過甜。

價錢:★★★☆☆
約$30.9/10包,即約$3/杯,性價比都唔差。

3. 馬拉人氣品牌 亞發白咖啡

咖啡味:★★★☆☆
咖啡最弱,不覺甘香,較稀。

幼滑度:★★☆☆☆
最少奶沫,咖啡粉較粗,硬係好似溶唔晒咁,所以比較稀,唔夠幼滑。

甜度:★★★☆☆
本身唔係好甜,但因為啡味唔夠,相對下就會覺得甜,似杯甜水。

價錢:★★★★☆
約$34.9/12包,即約$2.9/杯,味道又唔夠好飲,仲要貴過黎明白咖啡,麻麻地喎~

總結:

以即沖咖啡來說,黎天王推介真係唔差,雀巢和舊街場的啡味都濃,但前者較多奶沫,略勝一籌。

三款白咖啡銷售點:
各大超級市場

**如果你都鍾意周圍搵好嘢食,就快d like Hello Pinkey周圍食 呢個專頁啦!


香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..