可愛 動物島 ！外形勁似動物的小島

魚島、海馬島、海豚島!! 動物島 形狀逐個數

1.克羅地亞魚島

去到克羅地亞，一定要去布里俄尼群島到玩下。位於北部亞得里亞海上，由14個小島組成。其中有好多世界重要嘅考古及文化遺址，有人曾經係𠴱到發現200個恐龍腳印！而其中一個島因為外形太似一條魚，所以就被稱成魚島。

2.厄瓜多爾海馬島

位於南美洲厄瓜多爾嘅加拉巴戈群島，從高空望落去，成個島嘅形狀就好似一隻海馬。呢個島就叫做伊莎貝拉島，係鄰近區域中最大面積嘅島，由6個活盾狀火山組合而成。島上面好熱鬧嫁，因為生態資源十分豐富，當中最有特色嘅動物就係加拉巴戈企鵝，係獨家嘅品種嚟嫁！

3.台灣宜蘭龜山島

位於宜蘭嘅龜山島十分出名，曾經被外國媒體認定為「全球12個最有型小島」之一，唔通連外國人都感受到佢啲仙氣？！佢係一個活火山島，係宜蘭其中一個著名嘅旅遊景點，充滿豐富嘅生態品種。每年3月－11月都會對外開放，等遊客可以登島感受一下龜仙人嘅靈氣！島上有好多唔同嘅導賞服務，好受遊客歡迎架！

4.意大利海豚島

以防有朋友遺漏咗上次我哋對海豚島嘅介紹，就再次喺到簡單介紹下呢個咁可愛嘅小島啦！意大利南部阿馬爾菲外海，有一個外形勁似海豚嘅小島，個名叫做Sirenusa，座落喺南部卡布里島與波西塔諾村之間。島上面有好多度假村同酒店，海上活動好受遊客歡迎！亦都有好多人專登去玩浮潛，感受一下意大利南部嘅海灣風情。

5.菲律賓鱷魚島

鱷魚島係菲律賓最有型嘅海島之一，遠望過去好似有一隻巨型鱷魚趴係海面享受陽光浴咁。呢個島好似鱷魚咁，生得唔高，但係長度搭救。因為佢海水清澈，透明度高，水底下面亦有好多好多狀態良好嘅珊瑚，可以睇到各種各樣嘅熱帶魚，所以吸引到好多浮潛愛好者嚟玩。

本土代表！香港島

喺開頭嘅時候，透露咗香港都有一個勁似動物嘅島。究竟係咩動物呢？就係香港成日都會見到嘅青蛙！我諗講到呢到，都有好多人估到係香港島啦！其實呢個講法呢，一早就已經有架啦，不過有啲人話似，又有啲人話唔似。可能大家心目中嘅青蛙隻隻都唔同樣啦，不過記者真係覺得幾似架！