麥上日光 新出芒果芝士包! 邪惡流心又夠fresh |尖沙咀有咩好食|

奧地利老牌麵包店麥上日光 已經嚟咗香港差不多半年,佢最出名嘅流心芝士包非常受歡迎,每一日都會有人排隊搶購,遲少少去都未必買到。今次有新搞作,推出芒果味芝士包,唔知味道有冇驚喜呢?試食完話你知!

 

麥上日光 新出流心芒果芝士軟包

五層流心芒果芝士軟包喺早幾日(5月14日)推出,每日中午12點就有得買,每人最多可以買6個。麵包同樣以天然酵母發酵,用澳洲及紐西蘭cream cheese製造,唯一唔同就係芝士加入咗用芒果果肉做嘅芒果醬。

五層流心芒果芝士軟包 $28/個, $100/4個

賣相同之前嘅芝士包一樣,由內到外都佈滿芝士,好吸引!芝士味同樣濃郁,但有淡淡芒果味,芒果味唔假,而且清新帶少許酸甜,食落冇咁膩。現場大家有兩個版本可以選購,一個係室溫下嘅芝士軟包,另一個係店內設有凍櫃,芝士軟包喺裡面雪凍。記者個人建議,呢個芒果芝士軟包都係凍食會更好味。

尖沙咀_麥上日光_五層流心芒果芝士軟包
五層流心芒果芝士軟包 $28/個, $100/4個(每人限買六個)

買完包仲會有張建議食法卡,除咗凍食同室溫食,仲可以用焗爐或微波爐加熱嚟食。另外要注意嘅係,芝士包喺室溫下最多可保存8小時,如果放雪櫃最多可保存2日,

建議食法

2款新麵包和吐司

除咗芒果芝士包外,亦都推出了新口味麵包,有忌廉芝士做嘅抹茶泡泡和荔枝泡泡,仲有芝士煙肉洋蔥吐司和抹茶紅豆吐司。
抹茶泡泡、荔枝泡泡$8/件, $30/4件
兩款包都充滿住澳洲及紐西蘭cream cheese,抹茶泡泡(前)味道較突出,而荔枝泡泡(後)略嫌較淡。
尖沙咀_麥上日光_抹茶泡泡荔枝泡泡
抹茶紅豆吐、芝士煙肉洋蔥吐司 $38/全條 $22/半條
兩款吐司都非常足料,抹茶紅豆吐司(左)抹茶味出眾,配粒粒紅豆口感豐富;而芝士煙肉洋蔥吐司( 右),芝士外層,內裡有煙肉和洋蔥好滋味。

尖沙咀_麥上日光_抹茶紅豆吐司芝士煙肉洋蔥吐司
抹茶紅豆吐司(左)、芝士煙肉洋蔥吐司(右)$38/全條 $22/半條

5款新口味蛋糕

蛋糕亦都有唔少新口味,如:法式芝士蛋糕、抹茶熱情果蛋糕、草莓撻等等,因為師傅每日都會隨意推出唔同款式的蛋糕,萬一唔好彩,你想食都未必有得買。
法式芝士蛋糕 $32/件
士多啤梨外層包住芝士,芝士味,蛋糕中間有紅桑子白朱古力,紅桑子微酸配白朱古力,甜度剛好。
尖沙咀_麥上日光_法式芝士蛋糕
抹茶熱情果蛋糕 $36/件
抹茶配熱情果聽落好奇怪,但兩個味竟然出奇地夾。
尖沙咀_麥上日光_抹茶熱情果蛋糕

芒果流心慕絲 $32/件
香濃芝士加上新鮮芒果,內裡的芒果醬更會有流心效果。
尖沙咀_麥上日光_芒果流心慕絲

草莓撻 $28/件
草莓夠甜,Cream夠滑,曲奇撻亦好鬆脆。
尖沙咀_麥上日光_草莓撻

栗子士多啤梨蛋糕 $278/個
外層充滿住栗子醬,蛋糕入面原來係士多啤梨果肉同士多啤梨醬。
尖沙咀_麥上日光_栗子士多啤梨蛋糕

麥上日光
地址:尖沙咀金馬倫道32-34號福僑大廈地下D舖(顯示地圖
電話:3956 5437
營業時間:10am-9pm

 
想知更多吃喝玩樂、扮靚資訊,就快d like Sam拍胃 facebook page啦!
sampakwai

最新吃喝玩樂資訊