《中年2》陳俞霏晒MBA證書被質疑淘寶55元購入 強硬回應拒自證惹更大爭議

陳俞霏晒MBA證書暗示離巢疑雲

陳俞霏日前在社交平台貼上一張畢業證書，興奮地寫道：「啊霏！！！你得咗啦！考咗個MBA充實自己，完成咗自己2025年嘅一個小小目標，學習新知識真係會令人好快樂，2026年繼續努力上進，生活處處都係舞台，精彩Everywhere。」當中「生活處處都係舞台」一句再次惹起離巢疑雲，令人聯想她是否準備離開現有發展平台，轉戰其他地方發展。這位出道已有十數年的歌手，一直對香港樂壇有微言，曾公開表示香港樂壇「Old School」且欠缺包容，因此選擇以廣州作為音樂事業重心。

網民秒速踢爆55元淘寶假證書

然而陳俞霏的「學術成就」很快就被網民質疑真偽。有眼利網民發現她展示的MBA證書疑似來自淘寶，更找到幾乎一模一樣的證書模板，售價僅為55.2元人民幣。網民紛紛留言嘲諷：「加油，繼續淘寶，下一步是淘DBA證書」、「$55.2用左父母一生養老金」、「點撚解可以一睇就睇穿」。更有網民指出證書上的簽名「直頭係字體sample」，質疑其真實性。部分網民更建議她「快啲考埋個NBA、CBA、UEFA啦」，諷刺意味濃厚。

證書格式引發專業質疑

除了價格問題，網民亦對證書本身的格式提出質疑。有人指出「MBA但係diploma？」，認為正統的MBA學位應該是Master of Business Administration，而非Diploma形式。雖然有網民解釋「歐洲有啲大學嘅master係叫diploma」，但亦有人反駁指「it also indicates it’s a shorter programme which clearly lacks the credits for a qualifying master’s degree」。更有網民直言「呢個直頭唔係野雞大學咁簡單，係scam」，質疑該機構的認受性和合法性。

陳俞霏強硬回應拒絕自證

面對排山倒海的質疑聲，陳俞霏最終在限時動態作出回應，但態度相當強硬。她表示：「我決定唔去自證任何嘢，因為咁喺件好無聊嘅事，反正學到喺我自己刪就喺，費時你地嘈亂巴閉。」這個回應不但沒有平息爭議，反而引來更多批評。網民認為她的態度傲慢，有人留言「真心XX，仲要攞出嚟曬」、「可唔可以講埋你學咗啲咩知識？」，要求她解釋具體學習內容。