新開!! 珍珠奶茶 舖 珍珠真係有6種味道任揀??@大仁生活
新開!! 珍珠奶茶 舖 珍珠真係有6種味道任揀??@大仁生活

新開!! 珍珠奶茶 舖 珍珠真係有6種味道任揀[email protected]大仁生活

朋友告訴我:「黃埔有間新開 珍珠奶茶 舖,聽講話有好多款唔同味珍珠, 全部係佢哋手工造喎」

珍珠奶茶 新花樣

珍珠奶茶

我好奇問:「2016年先嚟開 珍珠奶茶 ??會唔會OUT咗廿年? (朋友:咁你要去睇下囉)」

不過, 幾個星期沒有逛過「黃埔奇趣」,今日便順利去奶茶舖看看啦. 新張期間, 讚好官方FB送鐵觀音軟雪糕…

可惜阿囝勁咳, 我們放棄雪糕…避免因小失大, 要去睇醫生又無幾百…

所以, 今日齋飲. 阿太飲店員推介的抹茶白玉($26), 而我則試紫薯, 薑汁, 黑芝麻味三色珍珠鮮奶 ($28).

要讚一讚這位年輕女店員, 因為額外加珍珠, 每款索價$7, 她很體貼的幫我選擇了三色款…(Yeah!!慳咗$14蚊呀)

鮮奶充滿維記味道, 因為真的用維記沖製, 我問店員:「白玉…有少少粉紅色係咩嚟呢?」她答:「今日用紫薯代替」(哦!咁早知我嗰杯唔試紫薯, 要阿華田珠珠啦)

一心期待的爆味薑汁, 結果…不是杯上寫明是薑汁, 真的難以咬得出…情況似十足食爭鮮三文魚,你視覺話三文魚便是三文魚味囉, 實質魚無魚味.


可能珍珠以手工製作, 所以較一般飲慣的珍珠韌,或者我又太貪心, 三款味道分開咬來試味…結果, 咬完全部珍珠, 牙骹也酸酸軟軟…

三款珍珠, 薑汁只有BB微弱薑味, 紫薯膠甜, 唯獨黑芝麻味最似芝麻,原來我是還有味覺的…YEAH!!

我問阿太:「你杯嘢點呀?」, 她飲了兩口:「同飲開嗰D有咩分別? 又話紫薯, 我淨係飲到好甜囉」

Color ChaCha
紅磡黃埔新邨船澳街99號佳富樓地下(顯示地圖

大仁生活facebook

最新吃喝玩樂資訊