【3點3啦喂】深水埗嘉頓咖啡店 $25歎蛋糕+免費展覽 食完行埋嘉頓山
【3點3啦喂】深水埗嘉頓咖啡店 $25歎蛋糕+免費展覽 食完行埋嘉頓山

【3點3啦喂】深水埗嘉頓咖啡店 $25歎蛋糕+免費展覽 食完行埋嘉頓山

深水埗嘅嘉頓麵包廠你可能成日都會經過,但佢地下大堂嘅展覽廳同咖啡店,其實係開放比公眾人士,你又有無入過去呢?

撰文、圖片:Joan

深水埗 嘉頓麵包咖啡店

深水埗的嘉頓麵包廠,地下原來有個咖啡店,入咖啡店之前可以欣賞下個展覽廳先,裡面放咗嘉頓歷年出過嘅產品,由你阿爺阿嫲個代嘅勁懷舊餅乾罐,到而家大家都成日食嘅威化餅,成個package都有得比你睇個夠。

嘉頓
喺深水埗港鐵站D2出口,行經黃金中心到欽州街就會見到成棟嘉頓麵包廠。
A2
其實大部份嘉頓嘅產品都係喺深井個廠房到製造,而深水埗呢間嘉頓入面有寫字樓,仲有個小廠房,出產精緻糕餅俾餐廳買貨。而地下嘅嘉頓咖啡店同埋嘉頓餐廳都開放比公眾人士,大家可以入去食嫁!
A3
唔講唔知~原來非員工係入得去嘅!
A4
入門口之後一直向前行,就會行到一個展覽廳。
A5
入面有一個個獨立玻璃櫃,放咗嘉頓歷年嘅產品,仲有啲掛畫、舊相等,真係長知識~如果你係嘉頓fans,可能你會睇得好開心,但小編見到好多人都直行直過,又或者歎緊冷氣順便望幾眼。
A6
見慣見熟嘅時時食~不過點解無其他味嘅?
A7
另一邊嘅櫃放咗啲更耐更久遠嘅嘉頓餅乾罐、朱古力盒、賀年禮盒同月餅模等。
A8
呢個餅乾罐一睇個design就知係上世紀嘅產物,小編就真係見都未見過啦。

睇完展覽行去咖啡廳,環境闊落,有梳化位,可以比你歎住冷氣、食住Cake, Hea返一個晏就。

A10
再向前行就係咖啡廳,有兩張大枱
A11
另一邊有幾張梳化,超適合Hea,仲有大玻璃窗可以望到出面街景。

食物方面都係以輕食為主,有蛋糕、酥餅、麵包、撻等,全部都係自家製,係喺同層嘅餅房或者樓上嘅小廠房整,日日新鮮出爐,連空氣都瀰漫住一陣酥皮香。朝早去就只得雞批同餡餅賣,晏就先多啲嘢食!如果大家想懶洋洋地hea返一個晏就,呢度都係唔錯嘅選擇,不過6點就收(5點半Last order ),想去就睇時間啦。

A25

A24
咖啡廳內有個小廚房,啱時間嘅可以睇到入面整餅過程。
A12
咖啡廳中間有個旋轉玻璃櫃,放著各款蛋糕,都係自家製作。
A13
收銀處個邊仲有啲葡撻、椰撻
A14
香腸同埋提子酥餅
A28
仲有每日限定嘅野食,新鮮出爐,賣晒就無。
A17
什果蛋糕 $25/單件 連飲品套餐 $35
買完嘢食就可以係一邊等,再自己拎埋位,花花托盤好靚!
A16
賣相非常吸引,3層海綿蛋糕夾著3層忌廉,有成7cm咁高!食落非常鬆軟,唔太甜,忌廉內亦混有雜果粒,好清新,食完一啲都唔覺得膩。
A18
度下先~有成7cm咁高!
A19
Tiramisu Cake $25/單件 連飲品套餐 $35
Tiramisu酒味超濃,消化餅餅底較硬身,兼無乜牛油香,小失望,但蛋糕質地都好鬆軟嘅。
A20
餐飲可以揀奶茶、即磨咖啡、朱古力、茶或鮮奶,個杯印有嘉頓logo同藍白格仔pattern,精緻經典,啱晒打卡。
A21
香腸酥餅
酥餅雖然無爐keep warm,但你order咗之後店員姐姐們都會幫你 Reheat,所以都係暖笠笠,另有提子酥餅揀。
A22
酥皮外層食落都幾脆,內裡柔軟,酥餅內佈滿適量嘅腸仔薄片,不過多啲牛油香會更好。
A9
大枱同梳化中間放滿餅乾、零食等零售產品,價錢比起超市平一兩蚊,上網登記做埋會員,部份貨品會有9折優惠,仲抵啲添,都有好多主婦們嚟買麵包或餅乾。
A26
不時推出新產品,都會在這裡找到。
A29
冷門產品呢度都可以搵到
A27
仲有紀念品可以買走,環保袋、圍裙、CD同明信片等。

嘉頓咖啡店

地址:深水埗青山道58號嘉頓烘焙中心地舖(顯示地圖)
電話: 2720 1055
營業時間: 星期一至日 8:30am -6pm
最低消費:$20/位
FB專頁:嘉頓有限公司

食飽行上嘉頓山 15分鐘睇深水埗全貌

講起嘉頓,就不得不提嘉頓中心後面嘅「嘉頓山」,如果食飽想行下,一出咗嘉頓,過幾條馬路去後面嘅美荷樓,沿著條晨運徑,行樓梯一路上,大約行10分鐘樓梯,就可以上到嘉頓山,飽覽深水埗同石硤尾嘅全貌。

B1
嘉頓後面就係美荷樓
B2
美荷樓隔離有條晨運徑,一路直行就得嫁啦。
B3
行十幾分鐘樓梯,好快就到
B4
六點幾已經有人上到嚟set晒腳架等影夜景。
B5
可以望到深水埗全貌~
B6
再行上啲,就有個小空地。
B7
呢邊可以望到石硤尾同少少九龍塘。

順帶一提,上咗山之後就無廁所,所以食飽之後要解決咗先好行上山。同埋入黑之後,沿路行上去都係無路燈,所以記住帶照明工具,唔好仆落山。

最新吃喝玩樂資訊