草垛夜市
草垛夜市

清邁 草垛夜市 ! 10大鄉村風情~歎激大碟海鮮 |掃街王

旅遊

廣告

泰國曼谷同芭提雅去到悶,有冇諗過去清邁?清邁聽落好似好悶,冇乜嘢玩冇乜嘢行,呢個諗法就大錯特錯喇!其實清邁有好多夜市行,除咗周末夜市外,仲有一個人氣好高、環保又特別嘅夜市- 草垛夜市 。夜市用草垛和鐵筒等廢物砌成,可以感受農田風情。入面有各式各樣嘅平價美食,仲有得睇live band表演,平民價就可以享受一個好Chill嘅晚上。

 

草垛夜市 鄉村風情睇live band

清邁長康路有好多夜市,其中一個就係 草垛夜市 (PloenRuedeeNightMarket)。夜市入面會有好多以草垛堆砌的座位、以鐵筒和木做枱,全部都係廢物做成,好環保。如果你覺得草垛好污糟、唔想坐草垛,呢度仲要有還有梳化和鐵櫈。呢度仲會有一個表演台,夜晚都會有live band表演。

夜市逢星期一至六開放,5點開始會有人開檔準備,但係7點幾先會開始多人,9點左右仲會全場滿座,邊食嘢邊睇live band show。

草垛夜市
草垛夜市門口會有一個大型燈箱,唔會好難搵。
清邁_草垛夜市 2
夜市會有好多以草垛堆砌的座位、以鐵筒和木做枱,環保又特別。
清邁_草垛夜市 1
除了草垛座位,還有梳化和鐵櫈等等。
清邁_草垛夜市 3
晚上7點幾開始,夜市可以變得熱鬧。
清邁_草垛夜市_liveband
每晚都會有兩隊樂隊到場表演。

10款必吃美食!激平大大碟海鮮 $90有找

呢度多達20間食店,泰式、日式同西式都有,食物同飲品種類多到數唔哂,有海鮮、串燒、漢堡包、Pizza、甜品、果汁、雞尾酒等等,即刻同大家睇吓有咩抵食夾大件!

1.泰式麻辣醬海鮮 399泰銖(約港幣87)

呢碟海鮮有蝦、魷魚、蜆,仲有粟米同少量菜,有4款麻辣程度畀你揀,份量好多好足料,仲大過塊臉!不過海鮮唔算好新鮮,面味道方面,建議可以叫辣d,味道就會濃d。

清邁_草垛夜市_海鮮
呢碟海鮮份量好多好足料。
清邁_草垛夜市_海鮮 1
呢碟海鮮大過塊臉,好誇張!

2.串燒 100泰銖/6串(約港幣22

有牛肉、雞肉、豬肉畀你揀,燒得好香,肉質唔會過韌但味道一般。

清邁_草垛夜市_串燒

3.五花腩 100泰銖(約港幣22

五花腩夠肥,肉質爽口,加埋醬汁,少少辣好惹味!

清邁_草垛夜市_五花腩

4.洋蔥圈 40泰銖(約港幣9

洋蔥圈炸得非常香脆,除咗茄汁,仲有沙律醬畀你點。

清邁_草垛夜市_洋蔥圈

5.烤雞翼 70泰銖(約港幣15

雞翼外層有蜜糖少少脆,醃得好入味,而且火喉大足!

清邁_草垛夜市_雞翼

6.漢堡包 50泰銖/個(約港幣11

漢堡包入面嘅雞肉同牛肉都煎得好好,能夠將肉汁鎖住,啖啖肉仲好juicy!

清邁_草垛夜市_漢堡
(左)雞肉漢堡、(右)煙肉牛肉漢堡

7.香蕉nutellla班戟 60泰銖(約港幣13

呢度都有唔少甜食,呢個香蕉班戟入面都有好多nutellla醬,啱哂nutellla愛好者。

清邁_草垛夜市_香蕉nutellla班戟

8.椰子雪糕 50泰銖(約港幣11元
平時去曼谷恰圖恰必食椰子雪糕,呢度都有類似嘅雪糕袋,但味道當然冇咁好食啦。
清邁_草垛夜市_椰子雪糕

9.芒果沙冰 50泰銖(約港幣11
香港買沙冰十幾蚊細細杯,未解到渴已經飲哂,好唔抵。呢度嘅沙冰夠哂大杯、消暑解渴,但略嫌冰粒唔夠幼細。
DSC02038 copy

10.White Russian 雞尾酒 120泰銖(約港幣26

平時喺香港飲杯雞尾酒都要100蚊,呢度$30有找!夜市會有兩架Cocktail Car賣酒,不過,可能多外國人幫襯,為迎合外國人口味,調酒師會落酒落得較重手,酒精味頗濃。

清邁_草垛夜市_cocktailcar
呢間店的外型與同其他食店唔同,係用一架車去經營。

草垛夜市 PloenRuedeeNightMarket
地址:Mueang Chiang Mai District, Chiang Mai, Thailand(顯示地圖
營業時間:星期一至六 5pm-12am
Facebook:https://www.facebook.com/ploenrudeenightmarket
Instagram:ploenruedeenight

 

想知更多吃喝玩樂、扮靚資訊,就快d like Sam拍胃 facebook page啦!
sampakwai