合味道杯麵世界大賽 ! 全球網民票選 香港人撐「香辣海鮮味」
廣告
講起杯麵，大家一定會諗起出前一丁、康師傅等牌子，當然唔少得受香港人喜愛的合味道杯麵啦。最近日本合味道舉辦了「 合味道杯麵世界大賽 」，嚴選出20個來自11個國家的合味道杯麵，由網民一人一票選杯麵，投選出「最強杯麵」！美國、德國、巴西等國家的杯麵都有入圍，而香港的「香辣海鮮味」與「XO醬海鮮味」揚威海外 ，成為其中的20強！
揚威海外香港味杯麵入圍「 合味道杯麵世界大賽 」20強
20強杯麵由日清食品集團選出，當中的香港代表－「香辣海鮮味」和「XO醬海鮮味」成為其中之一，真正揚威海外！而其地入選國家就有中國內地的「五香牛肉風味」、泰國的「冬蔭公蝦」等，亦有未曾於香港見過的德國「Wasabi Geschmack」和巴西「Galinha Caipira」等口味。
網民力撐香港味道香辣海鮮味跑出！
「香辣海鮮味」和「XO醬海鮮味」能夠成功入圍，到底香港人有幾鍾意食這兩種味道呢？原來於唔少巴絲打心目中，香辣海鮮味嘅地位都幾高！
Facebook嘅post只係出咗一陣，但係已經見到好多網民不約而同咁打「香辣海鮮味」，而且大家都覺得佢「無得輸」！
上年Cup Noodle更推出香辣海鮮味薯片，有同事試食完之後覺得同杯麵嘅味一模一樣，而且仲魷魚味好香，辣辣地，好正！Youtuber康師博都介紹過，出薯片大家都覺得好神奇，但大家食香辣海鮮味杯麵麵係求個「辣」，個薯片好似都唔係好夠杯麵辣，還是杯麵更吸引！
唔止係薯片，前幾年連叮叮飯都有！香辣海鮮味叮叮飯只限喺香港出售，其實又幾搞鬼。
一人一票選杯麵
點先可以支持一下香港味呢？合味道杯麵世界大賽將於5月11日至31日接受全球合味道粉絲投票，只要上日本官網，就可以投票啦！
1.進入到合味道杯麵世界大賽的頁面
2. 於20個口味中選出自己喜愛的口味
3.再按投票就可以啦！
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
