張頴康44歲前突宣布離巢TVB 曾撰文否認向公司發最後通牒： 唔係想打尖

張頴康深夜發文告別TVB 拍完最後鏡頭忍不住落淚

11月10日凌晨，張頴康在社交平台發表長文正式宣布離開TVB，字裡行間充滿不捨之情。他透露在TVB的最後一日特意拍照留念，並坦言拍完最後一個鏡頭時「原來眼淚真係會忍唔住留咗出嚟」。這位即將踏入44歲的資深演員，回顧19年來在TVB的演藝路程，形容這是「一個唔短嘅日子」，言語間流露出深厚感情。張頴康特別提到剛完成與馬國明合作的《玫瑰戰爭》拍攝，相信這部劇集成為他在TVB的最後作品，而他與馬國明曾有多次合作經驗，今次告別作別具紀念意義。

張頴康感謝劉德華19年前引薦入行 遵從林家棟教誨成就演員路

在告別文中，張頴康特別感謝恩人劉德華當年的引薦之恩。他回憶19年前劉德華安排他加入TVB訓練班，希望他能像劉德華和家棟哥哥一樣接受「TVB木人巷嘅訓練」。張頴康透露入TVB前，林家棟哥哥曾給他一句重要忠告：「入到去，乜都唔好理，耷低個頭就做，你一定會學到嘢！」他坦言一直遵從這句話，19年後終於「成為咗一位實實在在嘅演員」。張頴康在文中自豪地表示：「我張頴康，係劉德華同TVB栽培出嚟嘅演員！」同時感謝TVB提供平台讓觀眾認識他，更讓他遇到現任妻子麥雅緻，建立幸福家庭。

張頴康加入無綫做足19年 多次失落最佳男配角未獲獎項肯定

張頴康2006年加入TVB至今已踏入第19年，雖然星途並不平坦，但他默默耕耘由跑龍套、演閒角做起，直至2016年奪得「飛躍進步男藝員」後升至男二位置。他在TVB多年來塑造了不少經典角色，包括《回到三國》的范根、《一屋老友記》的三寶、《逆天奇案》系列的Marco等。在今年的《萬千星輝頒獎典禮2024》中，張頴康有份入圍角逐「最佳男配角」，雖然最終失落獎項，但其演技實力已備受肯定。近年他更劇接劇，機會多多，特別在《逆天奇案2》中再演Marco一角，受盡喪妻之痛的癲狂演出令人印象深刻，可惜同年輸給林景程。

網民不捨張頴康離巢 大讚演技實力獲粉絲力撐

張頴康宣布離巢消息傳出後，網民紛紛留言表達不捨之情。有網民表示：「由《家好月圓》嘅記者角色開始留意你，到《囧探踩過界》開始有角色做，直到范根、樊庚做起眼嘅角色（男配角），真係睇到你付出咗嘅努力」，大讚他在《逆天奇案》的奸角演出「簡直就係冇得彈」。不少粉絲更表示「演員表有你嘅名一定睇，因為套戲一定唔會衰得去邊」，可見張頴康的演技實力深受觀眾認同。網民普遍對他的離巢感到惋惜，認為他是TVB的實力派演員，期待他在新平台繼續發光發熱。

張頴康《巨塔之后》淪階下囚｜虐心爆喊提離婚 網民激讚「四段式喊戲」：值得攞獎！

張頴康唔怕得罪無綫 曾於訪問強調夢想做男一：再等不到會離開

張頴康由配角捱到做第二男主角，等了多年都上唔到男一，其實試過按捺不住要「爆Seed」，2021前他上商台節目時已透露渴望做男一，並為自己設了時限，當時他更敢言「再等不到就會離開」。

張頴康4年前曾揚言：決定出去行個圈

近年張頴康機會不少，但始終都是男二角色，未能突破自己更上一層樓，2021年張頴康現身無綫台慶劇《換命真相》宣傳造勢活動時，再次表示「壓力愈來愈大」，他認為一個男演員，40至50歲這段時間是黃金時期，所以他曾對公司講：「如果一線演員唔得閒，可以搵我頂上，但如果去到某個時刻都等唔到，就會選擇離開」。張頴康不諱言到時可能會出去行個圈，而且已經作好心理準備，始終人生苦短，如果在限期內都做唔到，會想出去試吓。

撰文澄清否認「最後通牒」：唔係想打尖

張頴康這番「做唔到男一就走」的言論，被形容為是給無綫的「最後通牒」，對於這說法，事後張穎康表示不認同，更透過自己的平台撰文作出澄清：

最近喺訪問中講咗關於自己仍然排緊隊等機會做男一，但係「被解讀」為，用離開TVB嚟威脅公司俾男一我做！我真真正正感受到，就算幾正面去回答問題，只要一個「標題」，就可以將一件正面嘅事，立即變成負面，而且仲要繼續發酵！

老實講，問到我嘅志願，我作為一個鐘意演戲嘅演員，當然係話做男一啦！唔通話做男七咩？我想做男一呢個志願，一直以來無變過！當日我老婆亦因為我有呢個上進心，信任我，先嫁俾我！如果我當時同佢講，我想繼續安份守己咁去做男十七，今日，都唔會有3個小朋友出現！亦等於你問一個文員，你目標想做乜嘢？如果佢答你，我想一世做文員。試問你係老闆，你會唔會想升佢呢？

一直以來，我為自己嘅目標安分守己去排隊，從來冇做過任何打尖嘅行為，對得住天地良心！講到我要離開公司咁⋯ 但其實2010年我已經離開過一次，真係有必要小題大做嗎？ 更何況，如果話離開公司就即刻有男一做，之前就唔會有咁多演員離開啦！

其實我只係想做一個好演員！我真係好想憑我嘅演出去感染每一個人！我只係好想做到呢一點！簡單講出追夢嘅心願，但被斷章取義地曲解！

2016年馬國奪獎 淚眼多謝太太

16年舉行的《TVB馬來西亞星光薈萃頒獎典禮2016》，張頴康勇奪飛躍進步男藝員獎，從未獲獎受認同的張穎康在台上激動爆喊，對太太麥雅緻的愛的宣言更是賺人熱淚！更難得的是，張頴康是個飲水思源的人，對於有今日的成績，他向本刊記者說：「冇華哥就冇我！真係好感激佢。」所指的華哥，就係當年發掘佢的劉德華！當晚張頴康上到台眼淚已經奪眶而出，致辭時更多次哽咽：「十六年啦！我咁多年都有得睇冇得去頒獎禮，今年係第一年嚟！多謝無綫高層同馬國嘅觀眾。」

為養家曾一度轉行

之後張頴康開始講自己的故事，他稱自己多年前需要錢成家立室，所以轉行做一個中港兩邊走的文員，點知一天發生車禍，佢就回想自己多年連配角都未做過，好唔甘心，於是決心重返無綫！太太麥雅緻知道後，只是簡單講了一句︰「你繼續發你嘅夢啦，錢唔好再諗，屋企由我嚟頂！」太太咁支持自己，張頴康在台上高呼「多謝老婆！老婆我愛你！我永遠愛你！」不單台下的呂慧儀及滕麗名感動落淚，唔少觀眾都睇到眼濕濕！

劉德華帶入行 2006年入無綫

除了太太麥雅緻精神與經濟上的支持，當年一手帶張頴康入行的劉華功不可沒！01年的復活節，準備升讀中六的張頴康機緣際會下認識了劉華，適逢其經理人公司天中娛樂成立，想發掘一些新人，對跳舞打功夫甚有興趣的張穎康因而被劉華賞識，加入公司成為新人，被安排受訓兩年才正式出道。