【自助餐放蛇起底組】$78酒店 抹茶 + 蜜糖 甜品自助餐

抹茶 甜品固然吸引,但食甜品閒閒地都幾廿蚊一款,想食多幾款都真係幾肉赤!今次帶大家嚟到沙田嘅一間酒店,$78加一就可以任食兩個半鐘甜品,抵食!呢間酒店之前已經推出過紫薯甜品下午茶自助餐,唔少紫薯迷都嚟咗朝聖,最近酒店轉咗新主題,變咗抹茶加蜜糖,啱哂抹茶Fans!甜品總共有十幾款,當中抹茶類大約佔一半,蜜糖就相對較少,甜品仲會不時更換,食足兩個鐘都唔會悶!

抹茶類甜品 多數「得隻色」

雖然今次自助餐主題係「 抹茶 」,但餐廳入面甜品嘅名都係寫「綠茶乜乜乜」,搞到人都亂埋。不過算啦,唔理佢用咩名,味道最緊要!抹茶甜品雖然都有五、六款,但其實大部分都係「只見其色、不覺其味」——即係見到有綠色,但食落係冇抹茶味。當中最吸引嘅就一定係綠茶心太軟,即刻整起熱辣辣!另外仲有綠茶芝士蛋糕、泡芙等,如果想食Poster上面嘅抹茶馬卡龍山,就要早啲去到啦,因為食完就無㗎啦!

抹茶
酒店早咗畀人入座,所以即使準時2點半去到,都已經見唔到馬卡龍完整嘅樣啦。
抹茶心太軟用光波爐即整,都要等下,唔少人都會係度等,同樣搶手!
綠茶心太軟用光波爐即整,都要等下,唔少人都會喺度等,同樣搶手!
抹茶心太軟個Size唔算好大,所以食完都唔會覺得太膩食唔落其他甜品。
綠茶心太軟個Size唔算好大,所以食完都唔會覺得太膩食唔落其他甜品。
心太軟入面無應有嘅流心效果,但勝在佢夠熱同埋抹茶味夠香同出。
心太軟入面無應有嘅流心效果,但勝在佢夠熱同埋綠茶味夠香同出。

蜜糖甜品 拔絲炸芝士蛋糕有驚喜

蜜糖甜品嘅數量相對較少,當中有天使蛋糕、燕窩蜜糖布甸等。另外仲有炸芝士餅,新鮮炸起,仲有職員入嚟提醒我地出去拎,夠哂貼心,不過蜜糖嘅吸引力相對無咁大。

蜜糖日式芝士餅拔絲,食食下有職員入嚟同我地講出面有新出嘅炸芝士餅,幾貼心。
蜜糖日式芝士餅拔絲,食食下有職員入嚟同我哋講出面有新出嘅炸芝士餅,幾貼心。
芝士餅望落似天婦羅,每塊大細不一,上面蜜糖份量有所不同。
芝士餅望落似天婦羅,每塊大細不一,上面蜜糖份量有所不同。
入面芝士餅份量唔多,而且食落芝士味唔夠出同濃,炸粉亦係天婦羅嘅炸粉。如果上面蜜糖份量多的話會有苦澀味。
入面芝士餅份量唔多,而且食落芝士味唔夠出同濃,炸粉亦係天婦羅嘅炸粉。如果上面蜜糖份量多的話會有苦澀味。
燕窩布甸,布甸幾滑唔會太甜,燕窩就一如既往咁無咩特別嘅味。
燕窩布甸,布甸幾滑唔會太甜,燕窩就一如既往咁無咩特別嘅味。
天使蛋糕,蛋糕帶淡淡牛奶香,蜜糖脆脆黏口偏甜,夾埋一齊食會更好味,
天使蛋糕,蛋糕帶淡淡牛奶香,蜜糖脆脆黏口偏甜,夾埋一齊食會更好味,

「自製窩夫」飽肚 柚子芝士蛋糕清新

除咗抹茶同蜜糖嘅甜品,亦會有其他甜品提供。當中有部窩夫機喺度,可以整窩夫,不過窩夫係有職員負責整,所謂嘅自製只係自己加醬料。雖然有職員整,但手勢認真麻麻,窩夫無論樣定味道都一般般。

窩夫機隔離有粉漿,不過無得自己玩,職員會幫你整好。
窩夫機隔離有粉漿,不過無得自己玩,職員會幫你整好。
窩夫睇落一般般,可以自己加配料,配料同平時嘅格仔餅料差唔多,都係麻醬、煉奶、糖、朱古力等。
窩夫睇落一般般,可以自己加配料,配料同平時嘅格仔餅料差唔多,都係麻醬、煉奶、糖、朱古力等。
窩夫食落相當腍,完全無外脆嘅感覺,而且食呢個相當飽肚,食完會食唔落其他甜品。
窩夫食落相當腍,完全無外脆嘅感覺,而且食呢個相當飽肚,食完會食唔落其他甜品。
柚子芝士蛋糕,相對無其他甜品咁甜,而且有柚子皮係蛋糕入面,幾清新。
柚子芝士蛋糕,相對無其他甜品咁甜,而且有柚子皮喺蛋糕入面,幾清新有柚香。
石板街慕絲,朱古力慕絲加棉花糖,食落好似溶咗嘅雪糕,而且偏甜。
石板街慕絲,朱古力慕絲加棉花糖,食落好似溶咗嘅雪糕,而且偏甜。
甜品會不定時更換,唔會食極都係果啲甜品。
甜品會不定時更換,唔會食極都係果啲甜品。

整體甜品質素一般般,而且大部分甜品都偏甜,不過勝在夠平而且可以食足兩個半鐘,而且環境舒服,同朋友嚟食住甜品傾下計都唔錯。另外甜品亦會不定時更換,唔怕會悶,唔錯。職員亦會主動通知我地出面有啲咩新甜品出咗,幾貼心,服務幾好。

分數:6.5/10

自助餐_抹茶_沙田

One + One Bar
電話:2694 3869
地址:沙田白鶴汀街8號帝都酒店大堂(顯示地圖
$78下午茶時段:星期一至五 2.30pm – 5pm
備註:要加一

最新吃喝玩樂資訊