Airbnb
Airbnb

曼谷平住最佳選擇!! 4大優質 airbnb

旅遊

廣告

早前黃秋生的日本Airbnb廣告爆紅,網民留言大讚Airbnb房價較酒店平,又可認識屋主體驗在地生活。但曼谷酒店平,港紙七百零蚊已可住到5星,有專人打掃燙貼服務,仲有乜理由咁慳?無錯,曼谷Airbnb唔係sell平,但曼谷高階住宅散落BTS沿線和河畔,又多外國expat投資半自住,齋睇Airbnb個網記者已發現曼谷有不少浮誇優質筍盤!

 

今次記者實地試住,發現屋主個個好客健談,雞啄唔斷好傾之餘,又肯做免費導遊帶我周圍玩,對住慣酒店嘅我嚟講好新鮮!厭倦一式一樣設計悶蛋的酒店,不妨踏出confort zone試住airbnb,話唔定返唔到轉頭?

DSC_8090b

airbnb推介1:Triple Two

這幢三層獨立屋位於Ari 住宅區,位置雖不及市中心酒店方便,但正因商場與大媽絕跡,周圍環境寧靜,屋外有個小草坪,感覺好梳乎好慢活,記者住完兩晚hea 到唔願走!不過呢,淨係間屋靚當然不足以令大家捨棄5星酒店,網上留言指屋主Aui和Beau 是有求必應大好人,有乜要求都會盡量為你實現,想發掘在地美食佢哋會指點迷津,當日更肯載記者去餐廳一齊食飯,仲熱情過親戚!以前嚟曼谷只識去遊客區打卡,今次有在地人帶路,住同食一樣咁有驚喜!

Aui和Beau兩夫婦好恩愛,今年是他們結婚4周 年,客廳書架放滿合照。
Aui和Beau兩夫婦好恩愛,今年是他們結婚4周年,客廳書架放滿合照。

 

純白小屋行日系風,內有2間睡房,其中一間是Aui同Beau兩夫 婦同住,另一間則作Airbnb放租。
純白小屋行日系風,內有2間睡房,其中一間是Aui同Beau兩夫婦同住,另一間則作Airbnb放租。

 

民宿呈長形設計 , 2 樓飯廳和 3 樓客廳都面 向 戶 外 草 坪 , 一 打 開 落 地 玻 璃 窗 便 可 外 出 。
民宿呈長形設計,2樓飯廳和3樓客廳都面向戶外草坪,一打開落地玻璃窗便可外出。

 

Airbnb所處街道有多間獨立屋,後來Beau告知記者,條街左 邊5間屋全部屬於佢家族,嘩隱形貴婦呀!
Airbnb所處街道有多間獨立屋,後來Beau告知記者,條街左邊5間屋全部屬於佢家族,嘩隱形貴婦呀!

【男屋主】Aui
【職業】農業機器公司老闆
【女屋主】Beau
【職業】家庭主婦、民宿負責人
House rules
「Welcome to our house!有任何需要都歡迎搵我哋,但記得保持屋內整潔呀!」

有米夫婦 開民宿賺friend子!

話說屋主兩公婆份人超nice,且英文算流利,於是記者捉實佢哋傾偈!才知房子地皮由Beau 的家族擁有,4年前兩人新婚時決定起新屋,第二間房本身預留畀孩子,但生仔大計改了,於是上Airbnb放租。他倆有樓有車甚為有米,其實毋須靠Airbnb賺錢,肯將愛巢放租全因想結識朋友,因此對每個住客都照顧周到!講返間白色小屋,它位於住宅區,附近沒有曼谷常見的馬路廢氣,開揚光猛,客廳外是一片綠油油草地,像個小桃源。原來兩人愛去清邁resort度假,所以希望間屋有大自然氣息。

客廳連開放式廚房,日間光線充足,家具亦好新淨。但這廚房沒 有爐具,只可弄沙律輕食,想明火煮食可落地下另一個廚房。
客廳連開放式廚房,日間光線充足,家具亦好新淨。但這廚房沒有爐具,只可弄沙律輕食,想明火煮食可落地下另一個廚房。

 

客 房 位 於 3 樓 , 設 計 簡 單 但 乾 淨 企 理 , 約200 呎 大 , 兩 人 住 綽 綽 有 餘 , 冷 氣 亦 夠 涼 , 另 設 私 人 廁 所 。
客房位於3樓,設計簡單但乾淨企理,約20呎大,兩人住綽綽有餘,冷氣亦夠涼,另設私人廁所。

 

Beau話自己鍾意室內設計,因此常常睇這類雜 誌,間屋個design佢都有份諗。
Beau話自己鍾意室內設計,因此常常睇這類雜誌,間屋個design佢都有份諗。

 

戶外門口位置還有張枱和高椅,晚間可出來呼吸 吓新鮮空氣。
戶外門口位置還有張枱和高椅,晚間可出來呼吸吓新鮮空氣。

Q1. 間屋好靚呀!邊個設計㗎?

Beau:老公原本唔想間屋白𠽌𠽌,但我鍾意簡約設計,佢最後都「屈服」咗。開Airbnb 亦係我嘅心願,雖然我去過日本讀master,但始終唔想過朝9晚5的OL 生活,寧願開民宿識多啲朋友!老公初初都唔肯……
(記者按:Aui 梗係應承啦,事關佢哋初中已認識,但Aui 追足女神10幾年,4年前先成功娶到Beau,現時聽晒老婆話!)

Q2.咁民宿邊個打理?

Beau:主要由我負責招呼住客,但老公得閒都會幫手做司機,去車站接載住客,仲會帶佢哋去玩。
Aui:我做家族生意賣農業機器,每日嘅工作係落order入貨,有客幫襯就同佢討價還價,日日做相同工序,其實好悶!但自從開始搞民宿,生活多咗份期待,返工時會諗:「陣間收工帶客人去邊食飯好?」成日識到唔同國家嘅朋友,好有滿足感!

Q3.有無遇過印象深刻的住客?

Aui:做咗1年host,遇過99% 住客都係好人,衝突唔算多。但試過有住客半夜著住鞋在屋內周圍走,踩到地板污糟晒又嘈醒我哋,都幾唔開心!始終空間有限,同一屋簷下大家要互相尊重,如果客人想靜吓,我同Beau 可留在房,但最重要肯溝通。
 

客房專用廁所,設計同一般酒店相若,但位於房 外,如廁需行出房。
客房專用廁所,設計同一般酒店相若,但位於房外,如廁需行出房。

 

屋主間房在2樓,客房則在3樓,各有獨立廁 所,確保私隱,但打開窗都可以say個hi嘅~
屋主間房在2樓,客房則在3樓,各有獨立廁所,確保私隱,但打開窗都可以say個hi嘅~
點解只種仙人掌?貴婦 Beau:「我成日唔記得淋 水,仙人掌無咁易枯嘛!」
點解只種仙人掌?貴婦Beau:「我成日唔記得淋水,仙人掌無咁易枯嘛!」

 

雪櫃中有齊果jam沙律醬飲品等, 如朝早有閒情整早餐可使用,但 要同屋主講聲吖。
雪櫃中有齊果jam沙律醬飲品等,如朝早有閒情整早餐可使用,但要同屋主講聲吖。

 

為免大家餓親,屋主一早準備好 免費小食同飲品!
為免大家餓親,屋主一早準備好免費小食同飲品!
床頭櫃有兩隻啤啤熊,卡哇 依~~(心心眼)
床頭櫃有兩隻啤啤熊,卡哇依~~(心心眼)

Triple Two

區域:Ari
地址:Rama 6 road 22/2, Bangkok
經營年資:1年
出租形式:私人房間
最多入住人數:2人
取消:嚴格
房價:雙人房每晚 $488(最少住2晚)
交通: Ari BTS站下車轉乘的士約10分鐘( 屋主可提供BTS車站接送服務)
網址:airbnb.com.hk/rooms/5885951

屋主帶你食好西!

民宿所在的Ari 區有大量餐廳,到底點揀好呢?記者下午到埗時太餓,是但搵咗間街邊麵檔食,點知被大量烏蠅包圍……為免晚餐再中伏,記者便要求地頭蟲Beau 同Aui 帶路,一齊去河邊餐廳食正宗泰菜,叫足5碟餸大滿足!Aui 更堅持請客唔肯AA 制,媽呀點解泰國人咁好?確觀媽!謝謝你呀!(合十)但原來記者唔係唯一幸運兒,去年有兩個香港學生畢業旅行來曼谷,入住Beau 同Aui 間屋,4人勁啱傾,friend到一齊去食海鮮!曼谷貴婦Beau 更有重大發現:「佢哋講咗好多香港嘅事畀我聽,原來香港人好大壓力,做到無停!」(的確……)而家佢哋仍有在Instagram 互follow 㗎!

內裡是個大木棚,好似入咗森林咁。
內裡是個大木棚,好似入咗森林咁。

 

Beau不斷幫大家夾餸,好體貼
Beau不斷幫大家夾餸,好體貼

 

Winnie & Eagles 香港學生 Beau同Aui超熱情,車咗我倆 去食河蝦,識到佢哋好幸運!間屋又 靚又乾淨,雖然同車站有段小距 離,但屋主肯包接送來回, 所以好方便!
Winnie & Eagles香港學生
「Beau同Aui超熱情,車咗我倆去食河蝦,識到佢哋好幸運!間屋又靚又乾淨,雖然同車站有段小距離,但屋主肯包接送來回,所以好方便!」

 

韭菜炒蛋 THB95/ HK $21 似中國菜,炒得鑊氣十足,且價錢抵食。
韭菜炒蛋 THB95/ HK $21
似中國菜,炒得鑊氣十足,且價錢抵食。

 

生蝦刺身 THB160/ HK $35 港人至愛刺身,彈牙,加埋蒜蓉辣醬絕配!但 Beau話泰國人唔多食這類生蝦。
生蝦刺身 THB160/ HK $35
港人至愛刺身,彈牙,加埋蒜蓉辣醬絕配!但Beau話泰國人唔多食這類生蝦。

 

咖喱海鮮餅 THB190/ HK $42 海鮮肉打成蓉再加上咖喱醬,口感軟滑。
咖喱海鮮餅 THB190/ HK $42
海鮮肉打成蓉再加上咖喱醬,口感軟滑。

Suankanvela Restaurant

地址:73/64 Kamphaeng Phet Rd., Chatuchak, Bangkok(顯示地圖
交通:Ari BTS車站出發,乘的士約20分鐘
網址:goo.gl/0bOQwP

airbnb推介2:Case Study Asoke

Case Study Asoke 樓高5層共13間房,3間作短租Airbnb,其餘是長租客。民宿房間唔算勁靚,之所以吸引到記者,全因地下有間靚裝café!除了磚牆木地板好好feel 之外,café 每日都有新鮮出爐的蛋糕靚咖啡,入住期間更包早餐,每晚$320咋,即可廉價扮文青!雖勁平但房間質素不賴,有私人廁所和雪櫃、風筒等必需品,設備優於一般hostel。Case Study 由3位後生仔開設,本以為是追夢少年,點知佢哋係一班富二代,家族本身開酒店,今次搞民宿是想試做同類型小生意。B&B 平得嚟又位處商業區,行5分鐘便到地鐵站勁方便,加埋間呃likecafé,個package 無得輸吖!

Case Study 樓 底 甚 高 , 從 2 樓 俯 視 可 望 見 地 下 的 咖 啡 工 作 枱 。Café環 境 寧 靜 , 有 唔 少 人 單 拖 前 來 。
Case Study樓底甚高,從2樓俯視可望見地下的咖啡工作枱。Café環境寧靜,有唔少人單拖前來。

 

房 間 約200 呎 , 設 計 以 純 白 和 木 色 為 主 , 對 正 一 幢 公 寓 , 床 置 於 窗 旁 但 晚 上 無 任 何 噪 音 , 被 鋪 好 舒 服 。
房間約200呎,設計以純白和木色為主,對正一幢公寓,床置於窗旁但晚上無任何噪音,被鋪好舒服。

 

靠牆的長書桌,有閒情可坐低睇書或用咖啡機整 杯啡歎吓。
靠牆的長書桌,有閒情可坐低睇書或用咖啡機整杯啡歎吓。

 

紅磚牆內是雪櫃,亦可掛衫放行李,有布簾遮住 唔怕亂。
紅磚牆內是雪櫃,亦可掛衫放行李,有布簾遮住唔怕亂。

 

房內有私人廁所,燈光略暗但水壓穩定。
房內有私人廁所,燈光略暗但水壓穩定。

 

Café盡頭有張長梳化,大班人來hea亦得,旁邊玻璃門後是廚 房,放滿盆栽好green。
Café盡頭有張長梳化,大班人來hea亦得,旁邊玻璃門後是廚
房,放滿盆栽好green。
記者今次入住3樓C室,另外兩間Airbnb 都屬低層。Sunny話由於無電梯,怕大家 拎行李重,所以預留低層房間作Airbnb。
記者今次入住3樓C室,另外兩間Airbnb都屬低層。Sunny話由於無電梯,怕大家拎行李重,所以預留低層房間作Airbnb。

 

Add04

【屋主】Shane(上)
【職業】建築系碩士生
【屋主】Sunny(中)
【職業】建築公司老闆
【屋主】Mike(下)
【職業】公關
Add08

Case Study Asoke

區域:Asoke
地址: 235/19 Sukhumvit 21 Rd. Kwang Klongtoey Nuea,Kate Wattana, Bangkok(顯示地圖
經營年資:1年半
出租形式:私人房間
最多入住人數:2人
取消:嚴格
房價: 雙人房每晚 $324(最少住2晚;包每日早餐)
交通: Phetchaburi MRT站步行約5分鐘
網址:airbnb.com.hk/rooms/6366271

美味早餐免費奉上

Case Study 的Café 就在民宿底層,一落樓就會聞到咖啡香。早餐時段不算多客人,店內播著輕柔純音樂,氣氛輕鬆hea 到唔想郁。住宿所包的早餐有3款,有沙律、乳酪、烚蛋等,前一晚食重口味泰菜,朝早來份輕食休養吓腸道都唔錯。除了早餐,店內亦有供應主食和甜品,價錢算平,一碟飯港幣三四十蚊,新鮮出爐的香蕉蛋糕亦只是十元八塊,而且唔會太重口味,文青café 果然是sell 小清新的。

Café內有8張枱,午餐時段附近上班的OL白領都會來搵食。旁邊樓梯直 上2樓便是Airbnb房間。
Café內有8張枱,午餐時段附近上班的OL白領都會來搵食。旁邊樓梯直上2樓便是Airbnb房間。

 

員工一律穿深藍色皮帶圍裙,略懂英語溝通到,沖咖啡手勢亦好專業!
員工一律穿深藍色皮帶圍裙,略懂英語溝通到,沖咖啡手勢亦好專業!

 

2樓有張長形工作枱,平日下午會成為附近學生的「自修室」。
2樓有張長形工作枱,平日下午會成為附近學生的「自修室」。

 

住宿包輕食早餐,嫌唔夠飽可加錢轉配較大份的煙肉流心 蛋,住客有8折優惠,即THB152/ HK$34。
住宿包輕食早餐,嫌唔夠飽可加錢轉配較大份的煙肉流心蛋,住客有8折優惠,即THB152/ HK$34。

 

房內有張早餐紙,每朝填好後交給Café員工即可坐低 等食。
房內有張早餐紙,每朝填好後交給Café員工即可坐低等食。

 

這民宿開了1年半, 生意相當好,日租房入住率 很高!我哋決定6月時將日租房由 3間加到6間,等多啲遊客 認識我哋!
這民宿開了1年半,生意相當好,日租房入住率很高!我哋決定6月時將日租房由3間加到6間,等多啲遊客認識我哋!

 

黑醋汁車厘茄沙律(早餐已包)
黑醋汁車厘茄沙律(早餐已包)

 

◎雜莓粟米片乳酪(早餐已包)
◎雜莓粟米片乳酪(早餐已包)

租客有話兒

GM @ Case Study 2B住客 我今年19歲,趁學校放假即興一條友 來玩幾日。之前住過曼谷其他hostel,今次 呢間質素幾好,房價平,我1個人住雙人房 亦比酒店抵。Café咖啡好好 飲,我一日飲咗兩大杯!
GM @ Case Study 2B住客

我今年19歲,趁學校放假即興一條友來玩幾日。之前住過曼谷其他hostel,今次呢間質素幾好,房價平,我1個人住雙人房亦比酒店抵。Café咖啡好好飲,我一日飲咗兩大杯!

Milk@ Case Study 5C住客 我喺附近大學讀時裝,啱啱搬來1 個月,住頂層5樓,貪呢度近學校,兼 租金勁平,月租9,500 baht(HK $2,100)咋!
Milk@ Case Study 5C住客

我喺附近大學讀時裝,啱啱搬來1個月,住頂層5樓,貪呢度近學校,兼租金勁平,月租9,500 baht(HK $2,100)咋!

Cafe蒲點咖啡路線

民宿負責人Sunny 同Shane 話,近年曼谷年輕人愛蒲Café,除了對咖啡質素要求高,亦講究環境氣氛,Case Study 就正正做到呢一點!讚完自己,他們更向記者推介另一「行家」:「CasaLapin 很受歡迎,菜式有心思,如將健康蔬果加入即烤薄餅中,味道refreshing。加上我倆本身讀建築,Casa Lapin的老闆咁啱又係建築師,追求靚設計,將這裡佈置得像歐洲高級餐廳,我哋平日都愛來幫襯!」原來是熟客仔,難怪兩間Café風格相近,特別是Case Study 門口那張長木枱,Casa Lapin 都有張幾乎一樣的!

Casa Lapin附近主要是商廈銀行,感覺似中環,裝修高格調, 平日唔算迫爆,2樓較少人氣氛更佳。
Casa Lapin附近主要是商廈銀行,感覺似中環,裝修高格調,平日唔算迫爆,2樓較少人氣氛更佳。
Café一角是designer store,賣日本設計文具、帽子、小食 等,價錢稍貴,一套杯約港幣二百蚊。
Café一角是designer store,賣日本設計文具、帽子、小食等,價錢稍貴,一套杯約港幣二百蚊。
太陽蛋窩夫配雞髀 THB180/ HK$40 是日精選「甜品」,窩夫配 上兩款鹹食,用泰式甜酸 醬代雪糕,好有新鮮感!
太陽蛋窩夫配雞髀 THB180/ HK$40
是日精選「甜品」,窩夫配上兩款鹹食,用泰式甜酸醬代雪糕,好有新鮮感!
冬蔭功鮮蝦意粉THB160/ HK$35 午市套餐另有三文魚炒飯、芝麻雞髀飯和 雞髀金邊粉。
冬蔭功鮮蝦意粉THB160/ HK$35
午市套餐另有三文魚炒飯、芝麻雞髀飯和雞髀金邊粉。

 

Casa Lapin 在 曼 谷 來 講 算 高 檔 , 但 lunch set 價 錢 相 對 平 , 推 薦 大 家 午 市 來 幫 襯 !
Casa Lapin在曼谷來講算高檔,但lunch set價錢相對平,推薦大家午市來幫襯!

Casa Lapin x GMM

地址:59 Soi Sukhumvit 23, Khlong Toei Nuea, Watthana(顯示地圖
營業時間:7am-8pm
交通:從Case Study出發,步行約5分鐘
網址:facebook.com/CasaLapin

airbnb推介3:Designer Loft

找上Thomas 的Designer Loft,全因Airbnb的廣告也看中這裡,水泥牆和放滿一室的掛畫,簡直示範單位一樣!「我很喜歡設計,放租兩間屋的裝潢也由我一手包辦。」總是將R 音變為H 音的Thomas,沒有法國人的悠閒,說話很急,Thomas著我們到埗後才打電話給他:「我住在同一條街,你有什麼事都可以打電話給我。」本來做金融,他移居到曼谷已經五年,喜歡這邊沒有地鐵站,「老實說, 這裡的租金比Thonglor平一大截,所以我買來翻新放租,順便安置我的藝術品。」當Airbnb 東主三年來,Thomas 坦言不想租給中國人,「最好是日本人,中國人我要問好多問題才會考慮,他們不整潔。」不過他說香港人是例外喇。

Thomas 是 曼 谷 舊 城 區 和 Silom 的 地 膽 , 專 改 裝 舊 屋 來 出 租Airbnb。
Thomas是曼谷舊城區和Silom的地膽,專改裝舊屋來出租Airbnb。【屋主】Thomas 【職業】藝廊東主

 

佔地千呎,間隔開揚,分客廳和偏廳,後者用來放梳化電視 和書桌。
佔地千呎,間隔開揚,分客廳和偏廳,後者用來放梳化電視和書桌。

 

千呎屋只有一張雙人 床,Thomas話多幾個 人住可以幫忙借床!
千呎屋只有一張雙人床,Thomas話多幾個人住可以幫忙借床!

 

窗外綠意盎然,屋內放滿藝術品,有型!
窗外綠意盎然,屋內放滿藝術品,有型!

 

Check-in時,Thomas親自帶我們上樓,並講解下屋內的藝 術品。
Check-in時,Thomas親自帶我們上樓,並講解下屋內的藝術品。

Designer Loft

區域:Silom
地址:Charoen Krung Road, Bangkok
經營年資:3年
出租形式:整套公寓
最多入住人數:2人
取消:彈性
房價:雙人房每晚 $719(最少住2晚)
交通: Saphan Taksin BTS站步行5分鐘
網址:www.airbnb.com.hk/rooms/1697780

古蹟藝遊舊城

平日忙到癲的Thomas偶爾會帶住客行下周邊,「這邊有很多老店、工藝師,邊走邊看,會見到Siam看不到的民生。」
舊海關大樓
曾是消防局宿舍,但日久失修被荒廢,相當蒼涼,吸引多部電影來取景,且是拍婚紗照的熱門地點。

地址:Charoen Krung 36, Bang Rak, Bangkok(顯示地圖
藝廊慢遊
Thomas 首推我們到他的藝廊 SpeedyGrandma 和 Soy Sauce Factory,前者主力當代作品,後者以攝影展為主,不時舉行電影放映會。
_O5W6253_1

fb: SpeedyGrandma
潮人午餐
「我很少在街邊食,因為都幾污糟,有錢的日子我會去80/20。」餐廳主打泰式Fusion,環境有型,去年年尾開幕,是潮人的心水餐廳。
_O5W6426_1

網址:www.facebook.com/8020bkk

airbnb推介4:House of Grey

恨住Villa 不一定要走到布吉、蘇梅,事關曼谷市中心亦隱藏著一間Airbnb超豪大宅!House of Grey 位於遊客區The Emporium 附近,從BTS 站行10分鐘就到,樓高兩層,裝修勁高檔,家具如波蘭吊燈、巨型羊毛椅等,最緊要是別墅中設私人泳池,夜晚可一邊嬉水一邊歎杯wine,土豪級享受!大宅每晚房價近萬,齋睇價錢驚人,但原來有5間雙人房,最多可容納10人,以整幢形式出租,如一大班朋友入住,除開每人約千元,未至於貴到肉痛,就可在這曼谷市中心浮誇Pool villa紙醉金迷,甚至開個糜爛party亦得!

豪 宅 名 為 「 House of Grey 」, 離BTS 站 約 10 分 鐘 步 程 , 樓 高 兩 層 , 客 廳 和 飯 廳 在 樓 下 , 臥 室 在 2 樓 。
豪宅名為「House of Grey」,離BTS站約10分鐘步程,樓高兩層,客廳和飯廳在樓下,臥室在2樓。

 

地 下 泳 池 旁 種 了 棵 棕 櫚 樹 , 日 間 有 陽 光 透 入 , 似 足 郊 外resort。
地下泳池旁種了棵棕櫚樹,日間有陽光透入,似足郊外resort。

 

客 廳 外 有 個 小 泳 池 , 晚 上 打 開 射 燈 好 有 情 調 。
客廳外有個小泳池,晚上打開射燈好有情調。

 

5間房設計相若,選白燈較光猛,其中一間更有盞波蘭造吊燈。
5間房設計相若,選白燈較光猛,其中一間更有盞波蘭造吊燈。

住唔到都想開下眼界,記者冒昧請求屋主Benz 哥讓我參觀(名字都土豪過人~),原來佢現時任職工程公司老闆,去過英國留學英文好正統,全屋豪華傢俬之外仲掛滿Beatles、夢露、柯德里夏萍等油畫,全部都是Benz 哥的偶像,品味幾高喎!豪宅本身係佢屋企,同區內仲有9間別墅放長租,但因工作關係不常留在曼谷,出差時才放租,所以住客都可以簡單吩咐家中女傭幫手㖭!
 

客廳有夢露張相。
客廳有夢露張相。
有間房內擺了張毛毛羊椅同 夏萍張相。
有間房內擺了張毛毛羊椅同夏萍張相。

 

飯廳有Beatles,柔和黃燈 同木長枱感覺好夾。
飯廳有Beatles,柔和黃燈同木長枱感覺好夾。

 

其中2間房內有獨立廁所,另外3間則需共用2樓廁所。
其中2間房內有獨立廁所,另外3間則需共用2樓廁所。

 

我特登於大宅四圍種滿樹木,既 風涼水冷又確保私隱,入到嚟 可靜靜享受假期!
「我特登於大宅四圍種滿樹木,既風涼水冷又確保私隱,入到嚟可靜靜享受假期!」【屋主】Benz 【職業】工程公司老闆

House of Grey

區域:Phrom Phong
地址:50/2 Sukhumvit 26, Bangkok
經營年資:<1年
出租形式:整幢出租
最多入住人數:10人
取消:嚴格
房價: 包幢每晚$8,069( 第7位起每人每晚加收$480)
交通: Phrom Phong BTS站步行約10分鐘
網址:www.airbnb.com.hk/rooms/6772244