《早霸王》最後一集 小儀告別效力30年電台 獲偶像林海峰親繪畫作 森美爆喊失語

林海峰親繪畫作送別

除了粉絲送上祝福外，小儀在最後一日更收到軟硬天師林海峰的親繪畫作，意義非凡，上邊還有903同事留言。而小儀當年是軟硬天師的忠實粉絲，經常寫信給Jan，每次信件結尾都會祝Jan三個大字，小儀的努力終於等到Jan回信，對方回覆「祝勤大力」三個字，小儀至今仍好好珍藏這封回信。如今偶像親自為她繪畫作品送別，可謂是最完美的告別禮物。

森美《早霸王》爆喊

在小儀最後一次錄製《早霸王》時，森美講到提攜自己嘅DJ前輩陳嘉熙，爆喊咗出嚟，甚至一度講唔到嘢。

粉絲獻西蘭花歡送小儀30年電台路

一班忠實粉絲近日齊齊到商業電台預先為小儀歡送，現場掛起寫有「揚帆直闖新航道．衝出宇宙新領域 熱烈恭賀阮小儀開展第二人生」的橫額，更特別獻上西蘭花作為「最實用花」，祝福偶像展開人生新旅程。粉絲們的貼心舉動令小儀相當感動，現場氣氛溫馨又搞笑，眾人紛紛與偶像合照留念。

小儀社交網感謝粉絲青春陪伴

收到西蘭花的小儀隨即在社交網發文回應，表示「話說…有一班傻傻的人，肯送佢哋嘅青春畀我，仲要今日特登上來電台畀驚喜我，多謝晒咁多位小Fans。請原諒我忘記咗有啲名字，但你哋以前個BB樣，我仲好記得，哈哈哈。」小儀更透露粉絲們所送的西蘭花已經被她和愛犬「秒殺」，「畀我喺今晚餐飯殺咗喇，細佬佬都有份分享㗎。」

貼相送祝福

泰山曬出小儀合照並留言：「還記得嗰陣喺你節目， 做四仔其中一位。 有次要每人帶你出去食飯，睇吓最後你揀邊個安排得最好。結果我帶咗你食印度嘢，完全唔啱你。我衰晒🤪家陣俾我再請你食多餐啱你口味嘅，好嗎？😘#祝你開心快樂身體健康」謝茜嘉亦貼出合照，透露每個人都因為小儀離開而眼紅紅。

網民不捨留言祝福前程似錦

小儀離巢消息公布後，大批網民湧到其社交網留言表達不捨之情。有網民留言「希望快啲可以喺唔同嘅渠道聽到你把聲或者你嘅演出都非常之有趣！」、「小儀 祝你前程似錦」、「無論去到邊大家都一樣支持你，你陪住大家成長,大家也會陪你成長！加油！」更有網民開玩笑表示「個西蘭花一定好甜😏」，顯示小儀在聽眾心中的地位。不少網民都祝願小儀在新生活中「發熱發光」，期待她展開充滿新奇和意義的第二人生。