宋仲基回歸RM?! 不過係大陸《奔跑吧兄弟》嘉賓
廣告
最近熱播嘅《太陽的後裔》令到劇中唔同角色嘅人氣上升，當中 宋仲基 更係大熱，喺呢套劇入面，佢不論外表定行為都比以前成熟咗，由當初嘅小男孩變成而家嘅風靡萬千少女嘅魅力男。宋仲基作為當初《Running Man》嘅固定班底，RM迷最留意嘅一定係佢幾時回歸。雖然暫時未有回歸嘅消息，但最近因為支持《Running Man》前製作人林PD，參加咗中國《奔跑吧兄弟》嘅錄影作為特別嘉賓。今次嘅客串已經令一眾Fans相當興奮期待，唔知回歸RM嘅機會有冇大咗呢？
最近有唔少宋仲基參與《奔跑吧兄弟》嘅相流出，令到一眾Fans更加期待！唔知佢玩遊戲有冇比之前進步呢？
仲有「宋仲基」嘅名牌，睇黎又會掀起一場撕名牌之戰。
《奔跑吧兄弟》會喺每個星期日夜晚7點係衛視中文台播出，唔知呢集會幾時播呢？
宋仲基之前係《Running Man》嘅固家班底，果時因為佢嘅笑容令到大家印象特別深刻。
睇《太陽的後裔》嘅時候，大家都覺得宋仲基做嘅角色好識氹人、好浪漫，但其實以前係RM佢已經相當識氹女仔架！仲記唔記得佢同宋智孝嘅情景劇，偷偷地鍚咗智孝一啖。
即使離開咗RM，佢亦有試過探RM班！
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
