台南直送!百年台灣老店登陸上水@Dining娜
台南直送!百年台灣老店登陸上水@Dining娜

台南直送!百年台灣老店登陸上水@Dining娜

撰文:Dining娜 攝影:Hong

(Presented by 洪祖師擔仔麵)

身邊同年紀嘅女仔,唔少都係睇台灣綜藝節目長大,好似《康熙來了》、《大學生來了》等等。最鍾意睇美食單元,成日介紹台灣夜巿、百年老店地道美食,次次睇到我流晒口水,恨不得可以即時買張機票飛去食碗擔仔麵加鹽酥雞。

好在自從上年全台有30幾間分店嘅洪祖師擔仔麵嚟咗香港,我終於唔使有得睇無得食,得個恨字。呢間台南菜有差不多120年歷史,仲同台灣名店度小月一樣,同一個老祖宗,真係啖啖都有百年傳承。而今次我問過店長,做法、食譜同台灣本店完全一樣,主要食材更加係由台灣直送到香港,所以味道特別地道!

招牌擔仔麵 $53 Dining娜最愛的招牌擔仔麵,侍應好有心提醒我要將麵同肉燥、蒜蓉、醋,以及獨門蝦頭湯撈勻先好食,肉燥好有味,食得出用紅蔥頭同壺底醬油(即係頭抽)炒過,麵質好細滑,加上濃郁蝦頭湯底,正宗台南風味。
招牌擔仔麵 $53
Dining娜最愛的招牌擔仔麵,侍應好有心提醒我要將麵同肉燥、蒜蓉、醋,以及獨門蝦頭湯撈勻先好食,肉燥好有味,食得出用紅蔥頭同壺底醬油(即係頭抽)炒過,麵質好細滑,加上濃郁蝦頭湯底,正宗台南風味。
豬腳三重奏 $98 女仔必點的豬腳三重奏,睇樣都見到滿滿骨膠原嘅豬骳,帶骨豬腳同無骨豬腳,咬落去豬皮好似喱咁,又滷得好入味。
豬腳三重奏 $98
女仔必點的豬腳三重奏,睇樣都見到滿滿骨膠原嘅豬骳,帶骨豬腳同無骨豬腳,咬落去豬皮好似喱咁,又滷得好入味。
麻辣肉燥豆腐配台灣豬手撈麵 $59 食台灣嘢,絕對唔可以唔試麻辣口味,我點咗小辣嘅麻辣肉燥,加埋豆腐出奇地辣得好清爽舒服,下次可以挑戰中辣。
麻辣肉燥豆腐配台灣豬手撈麵 $59
食台灣嘢,絕對唔可以唔試麻辣口味,我點咗小辣嘅麻辣肉燥,加埋豆腐出奇地辣得好清爽舒服,下次可以挑戰中辣。
鹽酥雞 $28 夜巿我最喜愛小食第一位,尤其佢哋用雞腿做鹽酥雞,肉汁極豐富,比雞排好食唔止勝一籌。外皮炸得好脆,加上少少椒鹽調味,超正!平時行過仲可以好似台灣夜巿咁,即點即炸外賣鹽酥雞。
鹽酥雞 $28
夜巿我最喜愛小食第一位,尤其佢哋用雞腿做鹽酥雞,肉汁極豐富,比雞排好食唔止勝一籌。外皮炸得好脆,加上少少椒鹽調味,超正!平時行過仲可以好似台灣夜巿咁,即點即炸外賣鹽酥雞。
新竹特大手工貢丸湯 $23 店長推介,美女宵夜之選。份量十足嘅特大手工貢丸,比一般貢丸大3倍,而且由台灣直送,特別好味。用蝦頭湯,加上蘿蔔、高麗菜和銀芽,甜甜地又唔肥。
新竹特大手工貢丸湯 $23
店長推介,美女宵夜之選。份量十足嘅特大手工貢丸,比一般貢丸大3倍,而且由台灣直送,特別好味。用蝦頭湯,加上蘿蔔、高麗菜和銀芽,甜甜地又唔肥。
台灣滷肉飯 $39 濃味又唔肥膩嘅滷肉飯究竟點煮到?店長講咗個秘密我知,原來滷肉一定要滷得夠火候,先可以迫走晒啲肥油,好味到令人想連吞兩碗。
台灣滷肉飯 $39
濃味又唔肥膩嘅滷肉飯究竟點煮到?店長講咗個秘密我知,原來滷肉一定要滷得夠火候,先可以迫走晒啲肥油,好味到令人想連吞兩碗。
台南鮮蝦捲 $48 堅持將蝦肉同旗魚漿以當地豬網油包好,再沾天婦羅粉漿落鑊油炸,唔單止外皮特別酥脆鮮味,仲有一種誘人嘅豬網油香,回味無窮。
台南鮮蝦捲 $48
堅持將蝦肉同旗魚漿以當地豬網油包好,再沾天婦羅粉漿落鑊油炸,唔單止外皮特別酥脆鮮味,仲有一種誘人嘅豬網油香,回味無窮。
滷九轉大腸 $48 台灣夜巿著名的九轉大腸,其實係「腸頭」,呢段肉身特別厚,並經大廚剔走脂肪,所以經慢火長時間滷製後,令腸身變腍而不失咬口。
滷九轉大腸 $48
台灣夜巿著名的九轉大腸,其實係「腸頭」,呢段肉身特別厚,並經大廚剔走脂肪,所以經慢火長時間滷製後,令腸身變腍而不失咬口。
山葵泡菜 $23、溏心滷蛋 $28 開胃孖寶,台灣製溏心滷蛋,用低溫滷製,入味到連蛋黃都有滷香;另一款我第一次試嘅山葵泡菜,同韓式泡菜好唔同,原來係用咗日本山葵醃製,所以會有濃濃wasabi味,辣辣地又唔會攻鼻。
山葵泡菜 $23、溏心滷蛋 $28
開胃孖寶,台灣製溏心滷蛋,用低溫滷製,入味到連蛋黃都有滷香;另一款我第一次試嘅山葵泡菜,同韓式泡菜好唔同,原來係用咗日本山葵醃製,所以會有濃濃wasabi味,辣辣哋又唔會攻鼻。

Dining娜滋味小總評:

連台灣人都覺得原汁原味嘅台南風味美食,大部份食材、調味都係台灣直送,一食落口就感覺到同港式台灣菜嘅分別!掛住台灣夜巿,又無時間飛一轉,我覺得呢間小店完全滿足到我味蕾。

洪祖師擔仔麵
地址:上水馬會道158號地舖(顯示地圖)
電話:2656 3611
Facebook:洪祖師擔仔麵 -上水店

最新吃喝玩樂資訊