蘭桂坊街頭美食節
蘭桂坊街頭美食節

日頭蒲~ 蘭桂坊街頭美食節 ! 掃食50個美食攤位|中環有咩好食|

飲食

廣告

講起蘭桂坊,大家都會諗到夜生活,咁早上的蘭桂坊又有咩做呢?蘭桂坊於4月23和24日(今個星期六、日)舉行「 蘭桂坊街頭美食節 」,不但有超過50個攤位提供不同中西美食和飲品,當中有PIZZA、龍蝦湯、雪糕等。另外,屆時亦有雜耍和魔術等表演,美食工作坊和遊戲,更會有美食車,有得玩又有得食,好吸引呀!

蘭桂坊街頭美食節 ! 掃食50個美食攤位

「 蘭桂坊街頭美食節 」由香港市集協會和蘭桂坊協會主辦,為大家帶來超過50個美食攤位,包括Brick Lane、Ciao Chow Italian Cafeteria、Mango King、Stacks Ice Cream等,美食最低只需$25!食好東西同時,大家可帶罐頭食物或米捐贈到非牟利機構「膳心連」的流動宣傳車,「膳心連」會將食物運送到有需要的人手中,邊食邊做善事!

 

點只咁少嘢食!Pizza、龍蝦湯樣樣齊!

甜點以外,熟食都同樣吸引!有Pizza、龍蝦湯等,保證食飽飽!另外,亦有飲品專區,當中仲有健康的水果飲品!

歎完美食,仲有Kpop睇!舞台活動

除了食好東西,美食節仲有音樂、舞蹈(包括兒童芭蕾和Kpop)、雜耍及魔術等表演,更有美食工作坊和老少咸宜的遊戲,例如星期六的巨型層層疊,拍拖去、一家人去都啱。

點樣先可以歎美食?

要歎美食節中的美食,可以預先上ticketflap.com購買代用券,優惠價$188,現場買就需要$220。而代用券總值超過一千元,當中包括用作換領美食的現金券(10張),亦有多間餐廳的優惠券,美食節完咗都用得。

傳說中的美食車

美食節仲係首個有美食車加入的活動,主辦方安排了多架細意打扮的美食車,俾大家影相自拍,一齊去朝聖!

「 蘭桂坊街頭美食節 」詳情:
地點:蘭桂坊(中環港鐵站D2出口)(顯示地圖
日期:2016年4月23–24日(星期六、日)
時間:星期六13:00-24:00;星期日13:00-22:00
網站:http://lkfstreetfoodfest.com/

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..