Deliveroo
Deliveroo

窮人恩物!外賣app Deliveroo !$8食SchoolFood?

飲食

廣告

人懶到一個點就鐘意叫外賣,因為直送屋企。但香港茶餐廳一向甚有性格,未必肯送,故選擇不多。不過最近就有個外賣app「Deliveroo」可以叫外賣,算做多啲選擇。近排有網民發現用佢嘅promotion code可以減$100,用到盡可以用$5食一餐,簡直係長期糧尾你同我嘅福音啊~

Deliveroo 叫外賣 $5歎鹹魚雞粒炒飯?

網上流傳只要係Deliveroo開一個Account,然後再打Discount Code「C$100」,於 Deliveroo 叫外賣滿$85或以上〔需須另付$20送貨〕,就可以立即減$100。
$5食到一餐飯你信唔信?有數得計,最低消費$85,每叫一次外賣就收$20運費。只要你叫剛好$85的食物,加$20運費,減咗$100 Discount,咁你$5就食到啦!($85+$20-$100=$5 !!!!)

SchoolFood和Burger room都有得叫!

根據記者測試,發現唔少出名餐廳都有得叫外賣,連SchoolFood 同BurgerRoom 都有!不過都要睇返所在地區附近有咩餐廳,每區都有些少分別,今次記者就以銅鑼灣為例,示範$8就可以食到School Food炸雞。當然,除咗呢兩間,仲有好多其他餐廳可以叫外賣!

SchoolFood 當然要食韓式炸雞啦!記者試過,原價$88,用咗Deliveroo之後,只要$8就可以食到,仲唔駛畀加一,好抵呀!

BurgerRoom貴就大家都知,但用完discount code後,依家只要$45就可以食到嘞!直程用麥當勞的價錢食到BurgerRoom嘅漢堡,仲要送到上門!但要小心BurgerRoom嘅最低消費要$120,同其他餐廳唔同。

Deliveroo 點用?

入信用卡開Account
Deliveroo同Uber一樣都係用手機俾錢,開完Account記得入信用卡號碼!

外賣地點選擇
然後就送外賣選擇地點,要留意Deliveroo現在只送中西區,由薄扶林到天后都送,而過海就只送尖沙咀區。

全程追蹤運送過程
Deliveroo承諾「32分鐘」就會送到餐,落訂前可以睇到送外賣時間,而落單之後,由烹調時間到司機現時所處位置,每一步都可以在app度睇到。

決定送外賣時間

除咗可以睇到送外賣時間,仲可以落訂,決定幾時送到,十分方便。所以想試新嘢?可以襯佢有優惠,試下用外賣服務,不過現時得IOS用家先用到app,其他手機就要用網上版啦!

歡迎Instagram / facebook 使用#weekendhk 報料,資料一經選中會為你公告天下!
想最快接收第一手的旅遊飲食資訊?Easy!
1. 先分別讚好「新假期周刊」及「新假期Jetso 」兩個Facebook專頁
2. 在「讚好」按鈕下揀選「搶先看」,搞掂!

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..