翠華2大必試驚喜@Dining娜

飲食

廣告

撰文:Dining娜

(Presented by翠華餐廳)

大家一定有啲奇怪,翠華仲使我介紹咩?係人都知佢係茶餐廳美食嘅代表啦,鐵板京川蝦球炒雙面黃、瑞士雞翼、奶油豬呢啲10大名菜,對成日要食快飯嘅打工仔嚟講,直頭係家常便飯。你啱,不過有啲嘢,唔講你又未必知㗎喎,例如翠華原來出年就50周年喇,又原來佢近排唔止local美食,仲出咗1款特色套餐、1款創新嘅下午茶餐,等我Dining娜同大家介紹番~

母親節餐

其實睇名就知係for母親節㗎喇,值得細心留意嘅係佢用嘅材料配搭,創意十足之餘仲好健康,啱晒孝敬阿媽。呢個set包括有紫薯忌廉湯、黑蒜油醋汁蟹肉沙律、扒美國穀飼豚肉拼炸鳳梨配南瓜珍珠飯同埋親子紅蓮特飲,每款都好有特色。

英式下午茶餐

翠華就係咁特別,硬係成日有surprise俾你嘅~點會諗到喺茶餐廳食到英式下午茶吖?上面有馬卡龍、英式鬆餅加果jam,仲有自家製鹹小食,最驚喜嘅位係翠華奶茶凍,將翠華靚奶茶變成甜品,撻底夠香脆,個餡仲要流心,好邪惡呀!(大家留意番,呢個set暫時只可以喺中環威靈頓街分店食到~)

Dining娜滋味小總評

有啲朋友會覺得翠華就係茶餐廳嘢,無乜特別,其實愈平凡嘅嘢,愈講求心機同創意。翠華正正做到無論茶餐、小菜定新出品,都有水準、敢創新,絕對抵讚㗎。

翠華餐廳(中環分店)
中環威靈頓街15-19號地下至2樓(顯示地圖)

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..