貓奴 貓侍 電影
貓奴 貓侍 電影

貓侍 :萌主現身!貓奴專屬愛心電影6大喵點 (含大量喵圖)

影視娛樂

廣告

早喺2013年,《 貓侍 》貓貓電視劇集已經俘虜日本萬千貓奴嘅心,治癒能力超強。直到今時今日,熱潮毫無減退,電影版《 貓侍:萌主現身 》仲打到嚟香港,喺4月21日上映!相信一眾貓奴一定會迷上可愛貓囡玉之丞,今次電影版劇情搞笑之餘,白貓主角玉之丞仲情竇初開,結識到另一半~

1. 貓侍 電影到底講乜?

《貓侍》係講主角斑目久太郎係一個曾經殺人無數嘅浪人劍客,經過多年潦倒生活後,終於等到有一份工作,指派佢去殺一隻傳說中害死多名主人嘅貓貓,就係可愛喵星人玉之丞。但當佢地相遇之後,斑目久太郎唔忍心殺貓貓,貓貓仲令斑目久太郎振作起來,自此一齊生活,兩個一齊孖住出動。
電影《貓侍:萌主現身》主角斑目久太郎繼續由兼任演員及編劇嘅北村一輝出演,一開始講佢作為一名貓奴劍客,要去南國小島應徵劍術指導而展開旅程。

2. 喵演員出動!三隻白貓一齊演

有留意過《貓侍》嘅貓奴可能都知道演出玉之丞嘅貓貓其實有三隻咁多,就係14歲嘅穴子、4歲嘅小櫻花、15歲嘅大櫻花。大櫻花負責出演瞓覺嘅可愛鏡頭,小櫻花就演出活潑好動嘅鏡頭。當中,穴子戲份最多,主要喺斑目久太郎揮刀弄劍時,乖乖地匿喺佢嘅懷裡,人貓合體。

14歲嘅穴子。

4歲嘅小櫻花。

15歲嘅大櫻花。

3. 男主角與喵喵真心合拍!默契100分

原來當初穴子試鏡果陣被評為唔適合拍攝,係一隻怕醜貓貓,非常怕同人接觸,估唔到最後佢同飾演斑目久太郎嘅北村一輝,一拍即合。事實上,北村一輝都曾經養過一隻唔肯同人接觸嘅貓貓,見到穴子就諗起以前隻貓貓,所以識得搵方法接觸。佢仲好Sweet咁話,只要穴子願意做玉之丞,佢就願意再度出演斑目久太郎~~~

人貓都可以合作無間!

4. 喵主角有情人黑喵?

喺南國小島拍攝,電影當然唔少得有《貓侍》必有嘅劍客帶埋貓貓嘅舞劍鏡頭,玉之丞仲識咗隻黑貓,學人拍拖,搞到斑目久太郎嘅醋意出哂嚟,搞笑得黎,又好可愛。之後,玉之丞仲被土著認定為白貓之神,被擄走,令到情節更加緊張!

5. 拍喵要好小心!教你拍攝秘技

一眾貓奴都應該十分清楚貓貓嘅性格,唔似狗狗或其他動物咁好動,一般係陌生環境就會好驚青,最多就係郁動一陣後,就懶洋洋咁攤係度~喺拍攝期間,訓練員既要了解清楚貓貓嘅性格特徵,仲要誘導貓貓做出動作,同時,演員同貓貓之間亦要有默契,所以拍攝難度可以話係好高!
有鑽研拍攝動物嘅導演渡邊武都話影貓難度十足,公開拍攝技巧~佢話要用長筒望遠鏡拍攝貓貓,唔可以用體型較大嘅廣角鏡,以免嚇親貓貓!同時,要捉緊Timing拍攝,重覆得太多次,貓貓就會厭,跟住走人架啦~貓奴們,學唔學到嘢啊?

6. 日本最新劇種~「超治癒系」

你可以唔知而家日本Hit緊咩日劇,但一定唔可以唔知咩係超治癒系劇集!!!今次電影係劇集《貓侍》嘅延續篇,其實《貓侍》係2013年首播,以超治癒古裝劇為名,瞬間風靡成個日本,劇集大收2億1000萬日元!全城人都被玉之丞治癒了~ 之後玉之丞所推出嘅寫真集、手機遊戲、DVD等等週邊產品都大受歡迎,日本第一萌貓個名並非浪得虛名!

 

《貓侍:萌主現身》
上映日期:2016年4月21日
導演 : 渡邊武
演員: 北村一輝、木下鳳華、木野花
片長 :85分鐘
級數: I
語言: 日語(中英文字幕)
詳情: 按我

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..