段純貞牛肉麵 (THE SOUTHSIDE) – 黃竹坑餐廳 必食犇牛四寶麵
段純貞牛肉麵 (THE SOUTHSIDE)｜段純貞牛肉麵 (THE SOUTHSIDE) 是一間位於黃竹坑的台灣人氣牛肉麵店，以其濃郁的牛肉湯底和多樣化的牛肉部位聞名。餐廳主打四川風味，提供多款特色麵食如犇牛四寶麵和招牌紅燒腱心牛肉麵。除了主食，還有滷水拼盤、鹽酥雞等精緻小食，以及純貞芋圓等台式甜品。值得一提的是，餐廳更與日出茶太合作，為顧客提供多款手搖飲品選擇。人均消費約$51-100，是品嚐正宗台灣美食的理想之選。新假期美食編輯已經為你整理了餐廳的精選圖片、地址及交通資訊等，對呢間餐廳有興趣嘅朋友就可以Bookmark定啦！
段純貞牛肉麵 (THE SOUTHSIDE)目錄
段純貞牛肉麵 (THE SOUTHSIDE)黃竹坑 | 預約電話/地址/交通一覽
段純貞牛肉麵 (THE SOUTHSIDE)｜餐廳介紹 台灣人氣牛肉麵/四川風味/日出茶太手搖飲品
段純貞牛肉麵的招牌菜式「犇牛四寶麵」堪稱一絕，一碗麵裡包含牛腱、牛筋、牛肚和嫩五花四種牛肉部位，配上獨家濃郁牛肉湯底，口感豐富，香氣四溢。另一款「招牌紅燒腱心牛肉麵」則以厚實軟嫩的牛腱為主角，搭配寬闊厚實的手工麵，每一口都充滿滿足感。
前菜方面，「滷水拼盤」包括牛肚、牛𦟌、滷蛋、豆乾及鮮菌，每款食材都滷得入味，口感豐富。「鹽酥雞」炸得金黃酥脆，是不容錯過的小食之一。
甜品lovers必試「純貞芋圓」系列，如「純貞芋圓2號」包含桂花冰糖、黑糖珍珠、豆花和芋圓，口感層次豐富。餐廳更與日出茶太合作，提供多款手搖飲品，如紫玫瑰荔枝特飲和芒果優格，為美食體驗畫上完美句號。
無論你是牛肉麵愛好者，還是想體驗地道台灣美食，段純貞牛肉麵都是一個值得一試的選擇。快來THE SOUTHSIDE感受這道地的台灣風味吧！
段純貞牛肉麵 (THE SOUTHSIDE)｜網民食評
段純貞牛肉麵 (THE SOUTHSIDE)食物質數、環境及氣氛如何？根據Google評論，目前段純貞牛肉麵 (THE SOUTHSIDE)總平均分數為4.4星，看看網民如何評論段純貞牛肉麵 (THE SOUTHSIDE)吧！
ieat laaa的食評：
🇹🇼台灣人氣牛肉麵 — 段純貞段純貞第五分店正為登陸黃竹坑 The Southside 馬上約咗友人一齊去新店試試先✦ 滷水拼盤呢個滷水拼盤相當豐富，分別有牛肚、牛𦟌、滷蛋、豆乾及鮮菌，每款食材帶香濃的滷水味道，牛肚勁爽口，牛𦟌肉質細嫩鬆軟✦ 蔥肉蝦餅非常香口的蔥油蝦餅，外脆內軟，餡料內含粒粒鮮甜蝦肉✦ 犇牛四寶麵（牛腱、牛筋、牛肚、嫩五花）呢款牛肉麵可以一次過吃到牛腱、牛筋、牛肚和嫩五花，真係大滿足！牛肚軟硬適中，口感非常好；牛筋與牛腱吸收了湯底精華，帶濃郁牛香。湯底帶點微辣，好有台灣風味！✦ 酸辣豬軟骨段式乾拌麵（細麵）酸辣伴細麵，辣度適中，味道十分開胃豬軟骨口感相當軟腍✦ 純貞芋圓1號仙草，紅豆，芋圓珍珠，冰糖珍珠，愛玉芋圓口感Q彈，仙草好嫩滑配搭冰糖珍珠，味道相當清甜✦ 純貞芋圓2號桂花冰糖，黑糖珍珠，豆花，芋圓第二款甜品有豆花，變相可以揀「暖」，好正呀！可以食到香滑又帶微暖嘅豆花，配搭桂花冰糖，好香甜✦ 哈密瓜奶綠清香的哈密瓜香氣中含淡淡奶香✦ 芒果QQ滿滿的芒果香氣，有口感煙韌椰果與珍珠
Bigmouth_jai的食評：
段純貞呢間台灣牛肉麵店，最近喺黃竹坑呢個新地標商場開咗新分店，佢哋個湯底同牛肉出名好味，我梗係要去試吓啦！前菜 🍽️滷水拼盤 ($98) 有牛肚、牛𦟌、滷蛋、豆腐同埋鮮菌，全部都滷得好入味，口感又軟又彈。大腸麵線 ($48) 麵線口感剛好，大腸乾淨，無平時食嘅異味。麻辣鴨血冬粉 ($88) 都好好味，鴨血好入味，冬粉份量滿滿，辣度啱啱好，好惹味。主菜 🍜犇牛四寶麵 ($108) 係必點，牛腱、牛筋、牛肚同埋嫩五花四種牛肉，全部都又嫩又多汁，加上段純貞個獨家濃郁牛肉湯底，真係令人回味無窮。燉濃湯雞麵 ($88) 都唔錯，雞湯好鮮甜，麵條好彈牙，配埋滑溜溜嘅雞髀肉，真係別有一番風味。甜品 🍮純貞芋圓3號 ($48) 有仙草、芋泥、紅豆、芋圓同埋冰糖珍珠，口感好豐富，又清甜。楊枝甘露 ($30) 係經典台式甜品，芒果、楊枝、西米露，食落去好清新爽口。另外，芒果QQ ($36) 同埋葡萄柚紅茶加蒟蒻晶球 ($38) 呢兩款台式飲品都唔錯。\
餐點：5/5|服務：5/5|氣氛：5/5
Cathe Chan的食評：
段純貞開到黎黃竹坑既The Southside啦！好慚愧，其實我係第一次食段純貞😂係香港札根咁多年竟然依家先食，真係要多謝朋友帶我黎！而且真係好滿足！原來真係好好食！今次我地都叫左好多野食，樣樣都試下丫嘛仲有日出茶太Cha Time坐鎮添呀犇牛四寶麵 $108呢個犇牛四寶麵個名同佢既材料真係好夾用左四種唔同既牛部位，分別有牛腱、牛筋、牛肚、嫩牛五花，配搭超濃超香既牛似湯底，真係超好食！d湯飲完仲唔口渴添呀呢款我就配左細麵，細膩軟滑，麵線好掛湯，食落都非常方便又好食招牌紅燒腱心牛肉麵 $86朋友叫既呢款係佢地既招牌牛肉麵腱心又厚又軟熟，口感十分好佢揀既手工麵寬闊厚實有口感，麵條同樣非常掛湯，而且因為麵寬既關係，效果仲比細麵更加好添呀大腸麵線 $48份量迷你，可以當為小食大腸麵線麵汁濃稠，充滿住瑤柱味道鹽酥雞 $48炸到超酥脆既鹽酥雞，味道又香，係我覺得好值得推薦既小食麻辣鴨血冬粉 $88香香辣辣既湯底加粉絲，味道同口感同非常好相信女士們都會好鍾意紅油抄手 $68大大粒紅油抄手，非常有四川特色既小食可能係因為段純貞係出身自四川既關係，所以段純貞既menu上面都有好多類似既菜式以示致敬原汁豆花 $28食完主食，係段純貞可以食埋糖水簡簡單單有呢種原味豆腐花，都好香滑幾唔錯純貞芋圓2號 $48仲有台式甜品，好似呢款純貞芋圓2號有桂花冰糖，黑糖珍珠，豆花，芋圓，豐富又甜又好食呀紫玫瑰荔枝特飲 $34芒果優格 $32一定要提一提佢地有日出茶太既手搖！呢兩杯都係夏日特飲黎，紫玫瑰荔枝特飲同埋芒果優格，消暑一流\
餐點：5/5|服務：5/5|氣氛：5/5
新假期最新精選類似餐廳推介
段純貞牛肉麵有哪些必試菜式？
段純貞牛肉麵的必試菜式包括「犇牛四寶麵」和「招牌紅燒腱心牛肉麵」。「犇牛四寶麵」包含四種牛肉部位，配上濃郁牛肉湯底；「招牌紅燒腱心牛肉麵」則以軟嫩的牛腱為主角。此外，「滷水拼盤」和「鹽酥雞」也是受歡迎的小食選擇。
段純貞牛肉麵有提供甜品和飲品嗎？
是的，段純貞牛肉麵提供多款甜品和飲品。甜品方面有「純貞芋圓」系列，如「純貞芋圓2號」包含多種配料。飲品方面，餐廳與日出茶太合作，提供多款手搖飲品，如紫玫瑰荔枝特飲和芒果優格等，為顧客提供更多選擇。
