九州博多駅 OlOl 食勻日本50名店 |福岡|

日圓雖然升，但去到福岡無理由唔shopping！即將開業的KITTE博多，原址曾是郵政局， 博多 車站地下及二樓均有通道直達新商場，更請來隈研吾設計。大樓連地庫樓高14層，1至7樓為九州首間丸井百貨（ OlOl ）。4成店舖首次登陸九州，以雜貨店及café為主，必試有50種以上的蛋治專門店oeuf TAMACO及抹茶café神樂坂茶寮，青山人氣有機化妝品店Beauty Library、位於6樓的日本第二間HMV&BOOKS及Zakka Select by OlOl亦值得逛逛。8樓有大型UNIQLO，9至10樓的餐廳樓層更有築地壽司清、燒肉敘敘苑等名店，全幢總共超過50間餐廳！留意百貨店內全面免稅，用銀聯卡可享95折優惠，行完隔籬的博多city及阪急順便去埋爆買啦！