路盲好幫手! Pokeguide 搭地鐵教你搵出口
路盲好幫手! Pokeguide 搭地鐵教你搵出口

路盲好幫手! Pokeguide 搭地鐵教你搵出口

如果你有個朋友成日去錯地方,然後又成日因為去錯地方而遲到,當你到達目的地,會收到「Sorry,我係垃圾,我會遲」嘅Message⋯⋯或者如果你的朋友就是你,咁就要Download「Pokeguide」呢個免費手機App,就可以向趕時間又搭緊地鐵嘅你伸出援手,講你知喺邊個車卡出,最快到目標出口,簡直係幫緊大家同時間競賽。

Pokeguide 點樣用?

日日返工放工、搭慣搭熟的站,當然知道邊個車卡出最方便,但係當去d唔常去的港鐵站時,真係慳得一秒得一秒。只需要選擇目的地的站名、想去邊個出口,Pokeguide就會話你知點樣先最快,想搭扶手電梯又得,搭lift又得~

Pokeguide 手機App 遲到
App簡面~
Pokeguide 手機App 遲到
可以選擇語言,留意主頁只有英文版本!

答四個問題立即分析

使用「Pokeguide」方法好簡單,只需要揀目標鐵路線、鐵路站、列車前往方向及出口,簡單嘅四條問題,手機App就會立即分析答案,顯示距離扶手電梯及電梯最近嘅車廂。大家跟住結果行去目的地,就唔需要再花咁多時間由車頭行去車尾、搵路、搵出口。喺地鐵繁忙時間,就可以快人一步到達出口!

Pokeguide 手機App 遲到
撳入Door,開始答4條問題。
Pokeguide 手機App 遲到
揀鐵路線、鐵路站、列車前往方向及出口。

銅鑼灣、鰂魚涌及紅磡站內設計都幾複雜,分分鐘行錯路、出錯閘,就已經行唔到去目標出口。平時一眾懶人已經好多嘢要諗,去慣去熟就可能識點行,如果要大家研究下地鐵站嘅地圖,就真係頭都大埋⋯⋯所以我地就立即同大家睇下呢幾條路線。

路線一:金鐘去銅鑼灣時代廣場Shopping

如果喺銅鑼灣站月台行錯方向,就有機會去唔到目標出口⋯⋯如果我哋喺金鐘去銅鑼灣,即係要搭港島線,往柴灣方向,去銅鑼灣A出口時代廣場。答完四個問題,就得出結果,要喺第8卡,由車頭數起第4道門,搭扶手電梯到達A出口。

Pokeguide 手機App 遲到
金鐘去銅鑼灣時代廣場!

路線二:油塘去鰂魚涌模範里見工

喺鰂魚涌轉車要行一段路,如果行錯就要再行多幾段路⋯⋯如果我哋喺油塘搭將軍澳線去鰂魚涌,有兩個方法可以快人一步到達模範里出口,喺第4卡,車頭數起第5道門;或者喺第5卡,車頭數起第1道門,就可以扶手電梯或電梯到達C出口。

Pokeguide 手機App 遲到
油塘去鰂魚涌模範里!

路線三:沙田去紅館睇演唱會

去紅館睇演唱會,張飛咁貴,當然唔可以遲到啦。大家搭東鐵線去紅磡,就要喺第1卡,第5道門落門,搭扶手電梯直奔紅館!

Pokeguide 手機App 遲到
沙田去紅磡!

iOS/Android手機用戶都可以下載「 Pokeguide 」手機App,呢個App真係好適合一眾遲到大王、懶人,相信大家用咗呢個App之後,就唔會用「搵唔到個出口」黎做遲到嘅藉口啦~
延伸閱讀:
跟住HEHE去旅行?! 主席長毛在波蘭有個約會
6款超梳乎蛋黃哥精品 OK有得換!

最新吃喝玩樂資訊