小食的意義?! 飲飽唔肚餓﹣ 維他奶 黑朱古力窩夫味 試飲報告

如果你諗住「咪又係朱古力奶…」少年，你太年輕了…又點會咁易俾你估到。今次黑朱古力窩夫味都係「飲得到嘅小食」系列之一，喺了解佢到底好唔好飲、似唔似黑朱古力窩夫味之前，先了解下佢嘅成份，話唔定睇得出啱唔啱你飲！

維他奶 – 黑朱古力窩夫味 成份拆解！

同好多奶類飲品一樣，製造成份都有大豆、糖、可可粉等，今次產品仲有大麥粉、燕麥粉及榛子醬。據官方數據指，營養含量都ok，例如蛋白質達到9克以上，比中型藍莓鬆餅多。飲品標明不含膽固醇同反式脂肪，好似幾健康。不過健康未必會好飲，到底新飲品味道係點？

相比其他牌子朱古力奶，黑朱古力窩夫維他奶相對朱古力味無咁濃，有好輕微嘅苦澀味（真係好輕微，怕食黑朱古力嘅朋友唔駛俾個名嚇怕），口感亦比原味較稀，單係以呢個口感都算做到「食小食」嘅意義。最有趣嘅地方係除咗朱古力味，飲品真係做到有窩夫味，或者講係窩夫餅底嘅味道。

平時編輯部同事真係咩都夠膽試，由食物到必妝品…男扮女裝都有，今次試黑朱古力窩夫味飲品，真係無難度，六名大將衝出嚟試飲睇下佢做唔做到「小食的意義」。

測試員1號：Terry

「以前都有飲過同牌子的朱古力豆奶，今次呢款明顯較濃郁，可可味同豆味之外仲飲到少少nuts的味道，同埋算幾飽肚，通頂時頂肚都得！」

味道：4.5/5
外觀：4/5
甜度：4.5/5
翻飲度：4/5

測試員2號：Mandy

「都似朱古力奶味，不過多咗陣麥味，而且比較稠，飲一包已經非常飽肚，趕時間返工食唔切早餐嘅時候，飲返包就最啱喇。」

味道：4/5
甜度：2/5
翻飲度：3.5/5

測試員3號：Sam

「我覺得黑朱古力味幾濃，有微微豆味，但窩夫味不太強，甜度剛好唔覺膩，飲完成包覺得幾飽。」
味道：4/5
甜度：3/5
翻飲度：4/5

測試員4號：Owen

「試飲這個黑朱古力窩夫前，發現網上朋友評價兩極，所以事前做足心理準備。先講味道，我覺得有強烈朱古力味，然後會飲到點點的烤香味道，相信就是窩夫的味。它的口感特別厚，同時夠順滑。厚重口感令它相當飽肚，絕對可以令你減少食小食的口癮。」
味道：4/5
甜度：2/5
翻飲度：3/5
測試員5號：祥

「一向鍾意飲純朱古力味，所以覺得新product大幅減少咗濃濃嘅朱古力味，味道近朱古力味豆奶。由於唔係好濃，所以感覺亦不太甜，但一入你就 feel到同朱古力味好balance嘅窩夫味，不多不少，所以一飲就覺得好有食小食嘅感覺。

至於窩夫味，其實味道係同餅底一樣嘅味道，只要你一邊飲一邊幻想，其實係可以似雞蛋仔、格仔餅之類，好得意。

飲完之後，其實都有輕微飽肚嘅感覺，但又未至於飽到成晚食唔到晚飯，都算掌握得到『小食的意義』飽肚嘅程度。」

味道：3/5
甜度：2/5
翻飲度：4/5
測試員6號：Katie

「今次呢款朱古力窩夫味，入口朱古力味都濃郁，甜度適中。喺咪完全飲得出窩夫味呢？我就認為未必，不過飲耐啲，會飲到燕麥味，相對飲純朱古力味飲品就會多一點點層次。」

味道：4/5
甜度：3.5/5
翻飲度：4/5
延伸閱讀
維他奶 新口味！香蕉班戟 燕麥餅 試飲報告
【搵命博】維他奶新口味！士多啤梨豆奶