日本 Brook’s Cafe 抵港! 必試限定金箔白玉芭菲 |灣仔有咩好食|
廣告
灣仔利東街翻新後，有唔少新店開張，今次有過江龍抹茶專門店Brook’s Cafe！除咗有無人不歡嘅抹茶外，仲有咖啡飲品同甜品，一樣咁受歡迎。香港店仲推出咗限定甜品同飲品，其他海外分店冇得食，即刻睇吓有幾吸引！
Brook’s呢個口牌早喺1857年開始種綠茶，有自家茶園種有機茶葉，而所有咖啡都喺日本自家烘焙，足足有48年烘焙經驗。不過，品牌一開始係以網購形式運行，直到前年先開第一間實體店，繼以衝出日本，喺巴黎、台灣開店，今年就嚟到香港！
Brook’s Cafe 抵港 只可立食或外賣
同其他分店一樣，香港店會有招牌吉祥物「咖啡衛門こひえもん」畀大家影相，但店舖面積比日本的細，而且冇坐位提供，嚟到只可以立食，或者外賣拎走。
必食香港限定甜品！金箔白玉芭菲
香港店限定甜品，金箔Dripresso咖啡白玉芭菲，咖啡雪糕味道突出，雪糕配有豆形咖啡蛋糕、白玉、脆米、粟米片、忌廉、Expresso及咖啡寒天，口感超級豐富。
另外，亦都有適合抹茶控的金箔宇治金茶白玉芭菲，配料有少許不同，抹茶雪糕配紅豆、抹茶cappuccino及抹茶寒天。
雙重茶味享受套餐
特色日本甜品套餐有抹茶紅豆布甸，配有機日本煎茶、焙茶或玄米茶，食完甜品飲返杯茶，感覺就唔會咁膩喇。
有氣咖啡 刺激又新奇!
大家唔知有冇試過有氣咖啡呢？呢支係Brook’s代理的意大利有氣咖啡，味道有d似可樂溝咖啡，甜甜哋但有少許咖啡苦味。
專人即沖咖啡
最有名嘅手沖咖啡，呢款係金箔藍山咖啡，濃郁咖啡味帶有回甘。
香港限定飲品 抹茶檸檬沙冰好清新
沙冰係香港店的限定飲品，以為抹茶檸檬味道會好奇怪，但原來好fresh好解渴，不過味道偏酸。
抹茶控最愛特濃抹茶
呢杯特濃抹茶味道非常濃郁，因為用咗3克宇治抹茶粉、少許奶和糖而製成，少甜回甘，飲唔慣可能會覺得有點苦澀。
人氣掛耳式即飲手沖咖啡
另外，店舖有多款茶包賣，仲有超人氣嘅掛耳式即飲手沖咖啡，等你可以買返屋企飲！
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
