吉野家換蛋黃哥! 梳乎蛋精品最平、最快換領攻略
廣告
吉野家真係出招頻頻，早兩星期就食埋雞煲同芝士熱潮，今星期就同蛋黃哥(梳乎蛋) crossover，推出一系列（共５款）的限量精品，設計上唔hea仲幾精緻，粉絲們又要開始儲印花喇，由即日開始每消費 $30即獲印花一個，滿 $60即獲印花兩個，如此類推，筆者除咗同大家直擊一下精品實物之外，下文亦都會幫大家研究一下最平及最快的換購方法，首先俾大家望望５款精品先！
梳乎蛋精品一覽：
筆者望完實物，就同大家一齊研究一下換領攻略，睇過換領要求，發現有幾點要留意：
一.和風牛肉飯餐額外送多一個印花！
根據海報所述，和風牛肉飯餐係可以多送一個印花，留意所講嘅係主套餐的和風牛肉飯餐，非下午茶/學生時段等非正價套餐，正價和風牛肉飯餐價錢為 $39(外賣+$1)，以消費$30換領一個印花計算，即加$10可以多一個印花。
二.印花唔駛多，4個就夠駛！
睇勻5份精品的換領價目，同樣分為以4個或8個印花加錢換領，而兩者的價錢居然只相差$10！即消費多$120 (4個印花)換領價居然只平$10蚊而已，強烈建議大家儲4個換比較划算，即使係同朋友/同事集單換領，如果每一位都有興趣換的話，同樣係每人儲4個印花就立即去馬，以免為咗慳$10蚊而錯失換領機會！
三. 5月份推出水杯同雨傘，宜留前鬥後！
精品方面，相信以 5月份推出的水杯同雨傘最受歡迎，加上同時推出，唔係成日食吉仔嘅朋友，適宜留前鬥後，儲好8個印花在後段時才出擊！
最平換購價：
*兩個和風牛肉飯餐 ($39 x 2) + 4個印花的換購價 = 最平總消費
梳乎蛋散銀包 = $133
梳乎蛋手提袋 = $163
梳乎蛋毛巾 = $143
梳乎蛋雨傘 = $163
梳乎蛋水杯 = $168
延伸閱讀：
百變小櫻Cafe 6月登陸荃灣！限定食品+必搶精品！
全城搶住換! 麥記兒童餐換 Mario Kart 8 車仔
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
