ヒステリックジャム 必試人氣班戟! 大大個焦糖布丁放上面 ||
廣告
本身焦糖布丁已經夠吸引，仲要成為班戟餡料，簡直係高級版Q餅！日本神戶就有間Q餅專門店「ヒステリックジャム」，只此兩間，仲要得總店先有焦糖布丁班戟，所以潮聖人士千其唔好去錯地方，唔係實傷心死。除咗焦糖布丁，仲有好多特別味道，例如抹茶Tiramisu、藍莓芝士蛋糕、brownie，都真係有個蛋糕喺入面，究竟揀邊樣好？
深得民心嘅，非焦糖布丁味莫屬。好多日本人排隊都係為咗呢隻味，事關呢層焦糖又薄又脆，篤穿佢嘅時候仲發出咔嚓咔嚓聲，撈埋啲布丁同班戟，口感非常豐富。點會抗拒得到？
如果你想成嚿布丁放喺班戟頂，無論你要咩味班戟，只需要俾多¥90（約港幣＄7）就得了。雖然小編總係覺得，加咗個布丁，會好易整污糟自己，但貪吃嘅小孩又點理得咁多？
溫馨提示，焦糖布丁味好快賣晒，所以大家去嘅時候唔好諗住一定食到呢隻味。好彩呢間店有成一百款配搭俾大家揀，除咗布丁、cake、雪糕，亦有番茄雞蛋薯仔作配料，價錢仲平啲！
