【18區掃食】荃灣老牌商場 $50掃街坊小店
【18區掃食】荃灣老牌商場 $50掃街坊小店

【18區掃食】荃灣老牌商場 $50掃街坊小店

荃灣真係幾好行!除了愉景新城和荃灣廣場有大量韓店,港鐵站旁的老牌商場荃豐中心,亦有點像迷你版的葵涌廣場,加埋旁邊的華都中心,不少平價食店都是街坊心水之選,出發!

撰文、攝影:很想很想食玩訓

溫馨西餐廳$50鋸扒餐

環境行溫馨小餐館路線,是不少荃灣街坊的愛店。店員姐姐好好笑容,座位舒適。餐廳主打西餐,鋸扒價錢都唔算貴, Lunch $50就可以落到樓,係唔錯嘅選擇。

D3
黑椒肉眼扒午餐(跟餐湯餐飲)$50 牛扒肉質非常腍身,薯角若可更脆會完美。
D4
忌廉湯香滑有洋蔥味
D2
意式青醬蜆肉炒意粉午餐(跟餐湯餐飲)$50 色香味俱全,青醬味濃郁,而且很有鑊氣。

D1

森美餐廳

地址:荃灣西樓角路170-184號華都中心2樓30-60C舖(顯示地圖)
電話:2414 7711
營業時間:11am-10pm

$15大碗飯 靚豬油渣麵

大家姐這間小食店,荃灣街坊應該相當熟識。呢間食物選擇夠曬全面,從普通雞蛋仔、燒賣、魚蛋,再到泰式串燒、鮮榨果汁,甚至懷舊豬油渣麵都有得食。一間搞掂曬,唔駛左搵右搵,啱晒小編呢啲心多多又懶得行嘅人。

A8
是日精選飯 $15 魚香茄子飯色香味俱全,雖然分量不大,但有大牌檔的鑊氣,$15一碗你仲想點啊,絕對對得住價錢有餘啦!
A7
靚豬油渣麵(小)$25 除咗炸到脆卜卜嘅豬油渣粒粒,仲有極辣菜甫任加。依家好少地方有得賣啲咁懷舊嘅小食架喇。
A9
泰式串燒$10串(雞全翼+$2)味道拍得住泰國菜館嘅水準,豬頸肉尤其香嫰,配埋野味沙嗲醬,令人回味無窮。
A11
檸檬蘋果汁$20(杯)店鋪仲有慢磨果汁,搾出黎嘅果汁真係一粒渣都無,飲落十分順滑,果味香甜。

A10 A3

A4 A6

A5A1

大家姐

地址:荃灣青山道144-172號荃豐中心1樓(顯示地圖)
電話:從缺
營業時間:6:30am-11pm

雜扒印尼撈 車仔飯+$6老火湯

小店以印尼撈麵做招徠,配以大件夾抵食為賣點,吸引大量街坊客幫襯,好過自己煮啦!除咗撈麵,佢嘅車仔麵/飯餸菜選擇花多眼亂,亦不乏捧場客。每日仲有不加味精嘅老火湯供應,跟餐叫都係$6碗,抵!

C5
雜扒撈麵$35十分足料,有牛扒、豬扒、雞翼、腸仔,總之扒多過麵,一定食得飽,撈麵有辣有唔辣。
C4
車仔飯 $28 大大碗都係$28, 車仔餸選擇多而且非一般:釀豆腐、韮菜餃、炸魚卷等,小編今次就揀菜甫蛋、炸燒賣、牛肉球,好頹亦好正,配印尼撈麵亦可。
C6
嫌快餐肉多菜少? 加$6有老火湯, 難得冇味精添加, 清甜夠火候 。
C7
$15 一件東坡肉,價錢略嫌偏貴,但煮得夠入味,不過太肥。
C8
店內仲有售特別飲品,例如馬來西亞嘅荳蔻汁同榴蓮汁 $10 (支),出面認真少見。

C3

C2 C1

荃豐撈麵

地址:荃灣青山道144-172號荃豐中心地下GA28-34號舖(顯示地圖)
電話:2405 6275
營業時間:6:30am-12am

 

延伸閱讀:

【18區掃食】禾輋街市搵食 冬蔭功炸蛋 +B仔翼尖

【18區掃食】離島Hea食一日遊! 坪洲5間必食冰室+士多

最新吃喝玩樂資訊