Heize Wong黃峻𤋮2025出道作《拖多幾百天》上架 細膩演繹GenZ暗戀心聲
廣告
2025年英皇男新人Heize Wong黃峻𤋮，出道作品《拖多幾百天》今日（21）上架。歌曲找來陳思捷作曲，褚鎮東編曲 ，填詞方面則交由Oscar負責，展現出男孩內斂暗戀一面，而監製則找來經驗豐富的舒文，陪伴Heize Wong黃峻𤋮將情緒和經歷帶入歌曲，找出最適合的聲線完成錄音。
暗戀故事引共鳴 真實經歷助入戲
歌曲講述暗戀好友的故事，於好友身邊守候多時，雖然自己有無盡的幻想，但寧願不走一步，都不願走錯一步，將未敢開口說的都唱給對方聽。今年十九歲的Heize Wong黃峻𤋮原來亦有跟歌曲相同的經歷，「嗰個女仔係我嘅同學，我哋住得好近，之後日久生情。我哋都會做啲好似情侶嘅嘢，有少少肢體接觸，戀人未滿嘅感覺好強烈。最後我同個女仔係有一齊嘅，同MV故事係唔同，雖然到最後都分開咗，但都係一個不錯嘅經歷。」亦因為過去經歷，所以唱起歌時特別有感覺，特別是某幾句歌詞，令Heize Wong黃峻𤋮勁有感觸，「例如『假裝好友』、『紛飛小雨點』，我都試過同個對象喺落雨嘅時候喺條街度玩，所以好多謝Oscar填咗好多對我嚟講係好中嘅詞，令我好投入去唱呢首歌。」
首支MV攜手洪助昇 捕捉GenZ愛情心動
出道首個MV，Heize Wong黃峻𤋮和團隊極之重視，特意找來同門師兄洪助昇（Aiden）為MV執導。Aiden近期為樂隊Locksmiths開鎖佬拍攝《陪我去台北》MV，擅長以鏡頭捕捉青春愛情感覺，今次合作同樣呈現GenZ愛情世界裏心動一刻，「好多謝師兄Aiden幫我拍呢個MV，佢好好，聽咗我好多嘅意見同埋想法。」Heize Wong黃峻𤋮自言性格比較害羞，首次拍MV要跟女主角演戲，感覺奇怪，「雖然冇乜好close嘅戲，因為始終可能係第一次，大家要去玩或者照跑，我都係極度不自然，所以都幾多笑場，同埋應該笑嘅時候我就笑到好唔自然，好奇怪，哈哈。」
將來還有什麼演唱會值得留意？
有不少歌手宣布舉辦演唱會，小編為你整合了香港演唱會2025一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
圖片來源：大會提供
