War Rooms by Top Blade – 中環餐廳 必食廚師發辦牛扒三重奏
War Rooms by Top Blade｜War Rooms by Top Blade 是一間位於中環士丹利街的高級扒房，以英國二戰時期的 Churchill War Rooms 為主題。這間隱蔽於地庫的餐廳提供獨特的全牛料理體驗，每晚僅接待 5 組客人，確保私密舒適的用餐環境。餐廳以 $780 一位的 8 道菜套餐呈現精緻的牛肉料理，從手工麵包配烤骨髓到頂級 M9+ 和牛煲仔飯，每道菜都展現了對牛肉的極致運用。餐廳的氛圍、服務和食物質素均獲得顧客的高度評價，是慶祝特殊場合的理想之選。新假期美食編輯已經為你整理了餐廳的精選圖片、地址及交通資訊等，對呢間餐廳有興趣嘅朋友就可以Bookmark定啦！
War Rooms by Top Blade – 中環餐廳 必食廚師發辦牛扒三重奏目錄
編輯精選推薦：
中環雪糕推介2025 – 15間必食中環雪糕：超濃抹茶新地 / 北海道牛乳配莓醬芝士蛋糕新地 / 芋泥燕世雪花盛盤
中環麵包店推介2025 – 11間必食中環麵包店：8道菜全牛料理套餐 / 經典Opera蛋糕 / 創新口味蛋撻
中環西餐推介2025 – 30間必食中環西餐：香煎北海道帶子 / 藍鰭吞拿魚他他 / 海南雞飯
War Rooms by Top Blade中環 | 預約電話/地址/交通一覽
War Rooms by Top Blade｜餐廳介紹 英國二戰時期辦公室主題/隱蔽地庫扒房/全牛料理
War Rooms by Top Blade 的 8 道菜套餐展現了廚師對牛肉的精湛技藝和創意。從開胃的雪茄生牛肉他他到主菜的廚師發辦牛扒三重奏，每道菜都精心設計，突顯牛肉的不同風味和口感。特別推薦的乾式熟成和牛舌芯，肉質嫩滑，牛香濃郁，被譽為是最佳牛舌料理之一。朱古力牛面頰則以創新的方式結合了牛肉和朱古力，帶來意想不到的味覺體驗。壓軸的頂級 M9+ 和牛煲仔飯更是將高級和牛與傳統港式煲仔飯完美融合，每一粒米飯都吸收了和牛的香濃油脂，口感豐富層次分明。餐廳的裝潢和氛圍忠實還原了二戰時期的戰時辦公室，為用餐體驗增添了獨特的歷史感。服務人員專業親切，對每道菜品都能詳細介紹，讓客人更深入了解食材和烹調方法。想要體驗這場美食之旅，建議提前預訂，親身感受 War Rooms by Top Blade 帶來的味蕾盛宴。
War Rooms by Top Blade｜網民食評
War Rooms by Top Blade食物質數、環境及氣氛如何？根據Google評論，目前War Rooms by Top Blade總平均分數為4.4星，看看網民如何評論War Rooms by Top Blade吧！
Carmen Chow的食評：
超高質抵食牛扒餐廳，牛魔王必去！Top Blade嘅高級line，War Rooms by Top Blade，先來結論：而家係$780一位，我同男朋友食完都覺得，收$1080一位都值！（真係唔係鱔稿唔係廣告，真係好食）另外就係招呼我哋嘅哥哥仔都超好！每道菜都解釋得詳盡，而且樣貌好自信（褒義），真係有種佢哋對食物好有信心，相信你都會鍾意嘅感覺，大加許！！🥩舖頭喺Top Blade中環店嘅地庫，用邱吉爾做主題（詳情唔太劇透，等到時聽店員介紹故事～）今個月頭我就揀咗佢食男朋友生日飯，碰上佢11月轉新Menu，好好食！頭盤手工麵包配烤骨髓，兩個人都有一大條，比你搽4塊麵包，牛骨髓香到不得了，牛味香得嚟唔會話有陣羶味，而且雖然佢係骨髓，但食落唔會好油膩。至於手工麵包，佢係似法包類但比較薄，唔會太硬又唔會好韌，脆脆地，配住骨髓又唔會淋咗，第一個頭盤已經好好食！🥩雪茄生牛肉他他，呢個係11月秋冬天新加入嘅項目，牛肉他他捲成雪茄嘅樣，放入雪茄盒，我衰唔記得咗個皮係咩嚟，其中一邊有啲椰絲碎，而牛肉他他都混入咗啲香草（！？），佢係好食，但相比起全個餐嚟講唔算好wow，因為唔算太凸顯到牛本身，但要強調佢都係好食嘅🥩朱古力²牛面頰，用咗加入朱古力嘅汁，煮朱古力和牛。最初以為係甜，但其實唔係，反而食落第一啖覺得有少少牛腩feel，佢係「炆」向嘅牛嚟，再食多兩啖就食到朱古力嗰種後勁同回甘，味道幾match🥩之後就係全晚VIP，乾式熟成和牛舌芯，真係驚為天人！平時都會喺烤肉店叫牛舌，但呢個係比平日食嘅好食多幾倍，外面煎得焦香，入面仲係粉嫩又彈牙，仲好有油香，每人兩件，食每一啖都驚嘆一次🥩牛肉清湯配雲吞，一開始睇個名無好期待（haha），竟然到最後佢嘅排名幾前！上菜嗰陣碟上面有炸雲吞同意大利青瓜粒，之後再有一壺熱嘅牛肉清湯倒落青瓜粒度，無諗過牛肉清湯咁好味！香牛味好濃之餘又唔漏，好鮮甜，加上因為都真係少見牛肉湯，一飲就覺得好特別好正！至於炸雲吞入面係包住蝦，都好食！🥩之後就到最期待嘅主菜廚師發板牛扒三重奏，有澳洲Mayura M9+朱古力和牛、28天乾式熟成Prime牛板腱，同埋Prime封門柳，上菜前會先睇到生嘅牛肉們。三種唔同嘅質感，唔同味道嘅牛，staff會介紹埋進食次序，滿足到你唔同嘅喜好／願望。Prime封門柳肉味濃、有咬口，乾式熟成Prime牛板腱有陣風乾臘肉氣息，又唔會over咗，相對質地好彈牙， M9+朱古力和牛就油花好香，我最鍾意係乾式熟成Prime牛板腱，比較少見，食落亦特別。另外，連配住嗰條菜同嗰舊多層薯仔都好好食！🥩頂級M9+和牛煲仔飯，其實煲仔飯未上之前已經好飽，但個和牛煲仔飯真係無法抗拒！上菜前十零分鐘就見到職員喺出面開始煲，途中有加啲油入去，離遠已經聞到好香好香，一上菜先發現原來和牛粒同豉油係上到檯先加，即係頭先只係白飯就已經勁香！加完和牛粒再焗5分鐘，一打開香到不得了，飯焦金黃香脆又唔燶，和牛嘅油香經熱力滲晒落去飯入面，極邪惡但好正🥩最後就有甜品蕃紅花雪糕，無乜食過蕃紅花，覺得神奇，呢個唔形容咁多，比大家去試下！🥩另外加咗份$299嘅Churchill’s daily routine，入面有4杯酒，可以兩個人share飲，都唔會覺得個量好少，大家都不妨一加！\
餐點：5/5|服務：5/5|氣氛：5/5
ChengTsz的食評：
超隱蔽扒房地庫 $780食八道菜全牛fine dining🍴‼️士丹利街嘅平民扒房Top blade應該好多返工人都識但你又知唔知入面有條樓梯落地庫就食到牛扒fine dining!以英國二戰時期辦公室 Churchill War Rooms做主題上網book完位張notice會整到好似密函咁 勁得意😂每晚只會接待5組客人 所以建議想食要book位𝟴 𝗖𝗼𝘂𝗿𝘀𝗲𝘀 𝗗𝗶𝗻𝗻𝗲𝗿 𝗦𝗲𝘁($𝟳𝟴𝟬𝗽𝗽)🤍手工麵包配烤骨髓 | Rating: 8/10勁香嘅牛油同香草味 配上香脆嘅麵包 其實冇得輸但唔夠我喺上環食過嗰間咁入口即溶 會有啲難𢳂起加上份量唔係好夠分到四塊麵包 大條少少就好🤍雪茄生牛肉他他 | Rating: 7/10原諒我對生牛肉他他都仲未做到喜愛嘅程度入口冇令我覺得食緊一堆好腥嘅生肉就ok😂呢個用雪茄造型上 外殼薄脆有增添咗口感調味微微帶酸 食落開胃 我唔好生牛肉都覺得冇咩問題🤍朱古力牛面頰 | Rating: 7.5/10牛面頰用慢煮嘅方式 肉質已經煮到一絲絲好軟腍用朱古力醬汁係幾特別 食落意外地唔係甜味而係帶朱古力香氣嘅咸醬汁 再帶些微朱古力嘅苦澀我自己就覺得幾特別但未到好夾 朋友好似比較欣賞佢😂🤍乾式熟成和牛舌芯 | Rating: 9/10我對牛舌都算幾挑剔 平時厚切嘅要整得好好先會食因為一有少少雪味/太硬我就會覺得同隻牛打緊茄輪🙂但呢個應該係暫時我食過數一數二嘅牛舌先唔講牛舌芯個口感會再嫩啲 熟成令個牛香更濃郁入口輕易咬爛 唔洗過多調味 少少檸檬汁同wasabi鹽已經夠!🤍牛肉清湯配雲吞 | Rating: 6/10同朋友一致唔識欣賞嘅牛肉湯😂我已經唔識形容陣味唔係中式煲出嚟牛肉湯嘅味 又唔係西湯嘅感覺文字形容唔到我嘅感想🫠反而伴碟嘅蝦肉他他雲吞好食!🤍廚師發辦牛扒三重奏 | Rating: 8.5/10應該算係餐飯嘅主菜了 分別有Prime封門柳28日乾式熟成Prime牛板腱 同M9+朱古力和牛比較喜愛封門柳同和牛 和牛脂香感最重 肉質最軟嫩個牛板腱我就麻麻 有陣煙燻味+超重嘅肉味 唔係太習慣但要提翻伴碟嘅千層薯仔同炭烤菇菜係高質的!!🤍頂級M9+和牛煲仔飯 | Rating: 9/10只係得白飯同和牛粒同鼓油 三樣睇落簡單嘅材料但都要飯粒好食 牛肉靚 焗得出個香氣先成功 呢個得!淋上兩圈鼓油再倒入和牛粒 同飯焗幾分鐘每粒飯都沾到和牛嘅油香 粒粒分明 仲要有脆口嘅飯焦食到呢度其實已經太飽 最後食唔曬煲飯🥹🤍蕃紅花雪糕 | Rating: 8/10雪糕入口細滑 味道比較清新 幾適合做呢餐飯嘅收尾蕃紅花嘅份量恰到好處 啱啱好食到 又唔會太多有”腥”味配上果仁碎同脆片增添口感 整體亦唔會太甜總結係有一兩道菜唔太識欣賞 但overall體驗都算好好呢個價錢 喺中環 食材上等 食得超飽 環境私隱度高 坐得舒服服務態度好 完全冇催冇趕 可以慢慢食慢慢傾會話係CP值超高嘅餐廳 嚟慶祝生日紀念日完全得‼️另外要讚嘅係Wine pairing只需要加$299就有4杯係邱吉爾最愛嘅Champagne Whisky soda同Porto配搭😂仲要唔一定按人頭加 我同fd可以一齊分嚟飲對於我呢啲淨係想飲少少餸住啲嘢食嘅人真係好friendly🥹\
餐點：4/5|服務：4/5|氣氛：5/5
chung yan tam的食評：
非一般的steak house!物超所值的一餐！餐廳環境、氣氛還原真實war room，wine menu上的Churchill daily routine 更是充滿心思。食物主要以牛為主，牛舌、朱古力牛及牛肉煲仔飯最為出色（其實樣樣都好食）。職員非常專業，對餐廳理念及菜單上的知識都非常豐富。絕對值得一試！\
餐點：5/5|服務：5/5|氣氛：5/5
新假期最新精選中環餐廳推介
東海堂 (港鐵香港站) – 中環餐廳 滙豐銀行 HSBC信用卡最新飲食優惠 必食麵包
新假期最新精選類似餐廳推介
Häagen-Dazs – 將軍澳餐廳 滙豐銀行 HSBC信用卡最新飲食優惠 必食雪糕
Venchi (創紀之城五期(apm)) – 觀塘餐廳 滙豐銀行 HSBC信用卡最新飲食優惠 必食開心果三重奏 Gelato 雪糕
War Rooms by Top Blade 的特色是什麼？
War Rooms by Top Blade 是一間以英國二戰時期 Churchill War Rooms 為主題的高級扒房，位於中環地庫。餐廳提供 8 道菜的全牛料理套餐，每晚只接待 5 組客人，確保私密的用餐體驗。餐廳以創新的方式呈現各種牛肉料理，如廚師發辦牛扒三重奏和頂級 M9+ 和牛煲仔飯，同時還原了二戰時期的氛圍，為客人帶來獨特的用餐體驗。
如何預訂 War Rooms by Top Blade 的座位？
由於 War Rooms by Top Blade 每晚只接待 5 組客人，建議提前在線預訂座位。預訂成功後，餐廳會發送一份類似密函的通知，增添趣味性。鑒於餐廳的受歡迎程度和限量的座位，建議盡早預訂，特別是在週末或特殊節日期間。預訂時可以詢問關於特別餐單或活動的信息，以確保獲得最佳的用餐體驗。
