TVB編劇又有「神預言」？12年前蕭正楠早已預告2025有大災難！

Q: 將來還有什麼演唱會值得留意？

有不少歌手宣布舉辦演唱會，小編為你整合了 香港演唱會2025一覽 ，包含各演唱會優先購票日期、公開售票日期、門票價錢、座位表等，想搶飛粉絲必定要留意！

May 9 2025

近日有網民翻睇2013年TVB劇集《仁心解碼II》，發現當中一幕講到蕭正楠飾演的角色預測2025年將有大災難，引發網民熱議，驚呼TVB編劇又有「神預言」！

網民爆笑分享：2025年有大災難傳言來自蕭正楠

近半年來有不少預言家都預測日本和台灣將在今年有大災難發生，其中日本漫畫《我所看見的未來》更講明2025年7月5日在日本將有大地震兼大海嘯，近日有網民翻睇2013年TVB劇集《仁心解碼II》後，就忍唔住出po同大家分享劇中一幕片段，並笑言：「原來2025年有大災難傳言係來自蕭正楠！台灣、日本大家唔好去啦，留返啲機位俾我去thx！」

神預言 48歲的蕭正楠最近初成人父，與結婚7年的黃翠如誕下一子。（圖片來源：IG@wongtsuiyu） — 48歲的蕭正楠最近初成人父，與結婚7年的黃翠如誕下一子。（圖片來源：IG@wongtsuiyu）

蕭正楠劇中認真分析兩次大地震都同2025年有關

在這幕片段中，飾演法醫精神科醫生的蕭正楠，正神色認真地指著白板，向上司方中信和蒙嘉慧分析「2025」這個數字與天災的關係：「汶川大地震係發生响2008年5月12日，2008+5+12就係2025。而引發日本海嘯大地震，發生在2011年3月11日2011+3+11又係2025，兩次大地震都同2025年有關，仲唔係大災難先兆？」

神預言劇中蕭正楠分析指「2025」這數字與天災有關。（圖片來源：TVB） — 劇中蕭正楠分析指「2025」這數字與天災有關。（圖片來源：TVB）

神預言證據係兩次大災難日期數字加埋都係「2025」。（圖片來源：TVB） — 證據係兩次大災難日期數字加埋都係「2025」。（圖片來源：TVB）

神預言最後仲充滿自信地問蒙嘉慧同方中信：「有無咁蹺？」（圖片來源：TVB） — 最後仲充滿自信地問蒙嘉慧同方中信：「有無咁蹺？」（圖片來源：TVB）

網民驚訝：走得太前

帖文迅速引起網民熱議，不少網民都驚訝笑指：「真係勁，原來一早預言咗」、「TVB編劇神預言」、「TVB神預測好勁」、「估佢唔到」、「CLS，走得太前」、「咁你都搵得返」、「細個睇覺得好荒謬，但而家睇返如果真係中嘅話，就同《The Simpsons》一樣咁神」，亦有網民召喚蕭正楠，問他「仲有冇咩勸告」。

神預言美國長壽卡通片《The Simpsons》（阿森一族）曾經預言中很多大事，在2000年播出《Bart to the Future》的其中一集，就講述Bart看到15年後的未來，Trump不僅成為總統，還讓美國負債累累，當中有Trump搭扶手電梯揮手的一幕，和現實中不謀而合。（圖片來源：Twitter） — 美國長壽卡通片《The Simpsons》（阿森一族）曾經預言中很多大事，在2000年播出《Bart to the Future》的其中一集，就講述Bart看到15年後的未來，Trump不僅成為總統，還讓美國負債累累，當中有Trump搭扶手電梯揮手的一幕，和現實中不謀而合。（圖片來源：Twitter）

神預言網民笑指TVB編劇走得太前。（圖片來源：Threads） — 網民笑指TVB編劇走得太前。（圖片來源：Threads）

2014年冇大災難發生惹質疑

不過對白中蕭正楠還提及：「教授嗰本《地球毁滅論》裡面講過，2014年1月10日會有大災難發生，大佬你睇過架啦，我估計佢通過2025的方法計算出嚟，2014+1+10又是2025，有無咁蹺？」有網民就為此特別去翻查2014年1月10日的歷史新聞，發現當日並冇任何大災難發生。

神預言劇中蕭正楠還提及2014年1月10日會有大災難發生。（圖片來源：TVB） — 劇中蕭正楠還提及2014年1月10日會有大災難發生。（圖片來源：TVB）

神預言不過網民翻查紀錄，發現當日並冇發生任何大災難。（圖片來源：TVB） — 不過網民翻查紀錄，發現當日並冇發生任何大災難。（圖片來源：TVB）

神預言蕭正楠的分析連方中信都忍唔住笑。（圖片來源：TVB） — 蕭正楠的分析連方中信都忍唔住笑。（圖片來源：TVB）

蕭正楠憑《仁人解碼II》人氣急升

2012年拍攝的《仁人解碼II》中，蕭正楠飾演哨牙戇男醫生「Jap榮」角色相當搶鏡，令他人氣急升，之後受到不少監製賞識。當時蕭正楠常被影到與何傲芝出雙入對，更因車禍令緋聞斷正，但蕭正楠當時打死都唔認，後來2014年蕭正楠在拍《師奶Madam》時撻著現任太太黃翠如，被何傲芝在社交網上拋出蕭正楠金句「邪不能勝正」，疑暗寸黃翠如做小三，但蕭正楠就挺身護黃翠如，指自己已單身一段時間。