【河背水塘郊遊路線】輕鬆元朗一日遊+3大人氣美食店!(內附地址)|香港好去處
【河背水塘郊遊路線】輕鬆元朗一日遊+3大人氣美食店!(內附地址)|香港好去處

【河背水塘郊遊路線】輕鬆元朗一日遊+3大人氣美食店!(內附地址)|香港好去處

香港生活壓力大,要適時抒發壓力,秋天剛好到來,趁著天氣秋高氣爽,就拿起背包在香港輕鬆走走,呼吸新鮮空氣吧!今次記者就帶大家去元朗一日遊,先去非常易行又影到靚相的河背水塘,再介紹埋 3 間元朗人氣食店,讓大家悠閒地享受周末。

【溫馨提示】郊遊時,要尊重自然環境,不要留下垃圾。另外,行山前一定要做足準備,量力而為,注意難道級別,不要獨自一人行山。安全至上,一同享受這城市的美好風景。

撰文:Katie Tong、姐|編輯:GW| 圖片來源:新傳媒資料室

【周末遊懶人包】輕鬆易行河背水塘 + 3大元朗人氣美食店!

有些人放假,喜歡出外效遊,也有些人放假,喜歡四出食好西,那麼為何不將兩者合二為一呢?像今次介紹的河背水塘路線,中途會經過燒烤場,可以行至中段來個小型BBQ,又或者走到終點河背水塘,打卡之後,在回程去元朗覓食,一舉兩得!

河背水塘
由元朗出發到河背水塘,路線簡易,回程更可在元朗這個美食重鎮食好西。

輕鬆、快到、易行!河背水塘郊遊路線

周末不想獨留家中,又不想於市區行大商場,可以選擇去郊外呼吸新鮮空氣。不過,又唔想咁辛苦行山,郊遊就最適合不過。記者最崇尚輕鬆郊遊,今次選了這條河背水塘路線,難度只得一粒星,事關只有一段路是斜路,沒有沙石的石屎路,路又夠闊,行半小時就到,沿途會望到顏色柔和的芒草,舒服!

河背水塘
一進水塘,左邊水面平靜,靠近欄杆望住流水,好舒服!
河背水塘
河背水塘中央有個小島,是水塘的特徵。
河背水塘
靠著欄杆影水面超美的!
河背水塘
到黃昏時段,大橋配上日落,輕鬆拍出唯美相片。
河背水塘
黃昏去有個好處,可以輕鬆影逆光相。
水塘全景
水塘全景

去河背水塘非常簡單,需時短,非常適合即興遊,或者崇尚輕鬆郊遊人士去行!

前往方法:

於元朗或者錦上路搭 71 小巴,尾站落車就會到河背村。

河背水塘

尾站河背村落車,向前行就是活背村。
尾站河背村落車,向前行就是河背村。
河背村入口,向前行就對了。
河背村入口,向前行就對了。
河背水塘
入村轉左行上去,行十五至二十分鐘就會見到燒烤場,可選擇行左邊去雷公田,可選擇行右邊上去河背水塘。
再行十五分鐘,就會見到河背水塘,或者可以行家樂徑,其實是圍住水塘行個圈,所以出返來還是水塘。
再行十五分鐘,就會見到河背水塘,或者可以行家樂徑,其實是圍住水塘行個圈,大約行45分鐘,出返來會去返水塘。

影相位一:家樂徑小樹林景

樹林景最適合影山系相。
樹林景最適合影山系相。
家樂徑前都有小芒草可以影下。
如果遇啱時間,還可看到家樂徑前小芒草(芒草於秋季為最佳觀賞期)可以影下。
穿過村後,一上去就見芒草一片,配合山景,有秋天的味道。
穿過村後,一上去就見芒草一片,配合山景,有秋天的味道。
由家樂徑內影出去,可影到水塘景色。
由家樂徑內影出去,可影到水塘景色。

河背水塘
路線:元朗-河背村-家樂徑-河背水塘
時間:由元朗搭小巴(約30分鐘)-河背村去河背水塘(約30分鐘)-家樂徑(約45分鐘)
難度:★☆☆☆☆(上水塘條斜路有點斜,其餘輕鬆郊遊)

行完成個水塘,體力下降,當然要去食嘢補充一下。元朗是美食重鎮,不時有主題食店開業,今次精選 3 間元朗人氣食店,下次入元朗搵食,又多個選擇!

1.本地薑牛肉麵店

原湯純以數十斤牛骨,配以胡椒、洋葱,熬足兩日而成,湯甜味清。店裡以精緻茶壺盛湯,鼓勵客人先喝原湯,再按喜好注入碗中佐麵。麵底用台灣手工乾麵,上桌前也用自家煉製的新鮮葱油、豉油拌過,乾吃有豉香微甜,加湯濕吃則多了一層牛骨的細膩甘甜。

二悅濃湯牛肉麵 $68
濃湯是原味牛骨湯,口味較清雅,富牛骨的甘甜,牛腱、金錢肚雖用雪藏貨,但燜煮入味,毫不失色。
二悅紅燒牛肉麵 $68
一套牛肉麵,包括一壺靚湯,一碗葱油拌麵與牛腱、金錢肚,另附一小碟自家炒的酸菜,很豐富。紅燒湯底辛香惹味,但後勁清甜,單喝也不嗆喉。
手工肉燥茄子 $25
茄子鮮炸,再淋上肉燥,口感豐富,平實滋味。

MOON MOON 二悅
地址: 元朗合益路9號紀業樓地下G舖 (顯示地圖
電話:9143 3347
營業時間:12nn-3pm ; 6pm-9pm(不定休)
備註:不設加一,只收現金

2. Fushion車仔麵 泰式鱷魚湯底

這間車仔麵店以坊間罕見的泰國式湯底如鱷魚湯、冬蔭功湯來做車仔麵湯式,成為區內的話題食店。「車仔麵是香港獨有的飲食文化,無人規定車仔麵必要有甚麼配料,你以為是豬皮、蘿蔔⋯⋯那些只是約定俗成,每個人自選不同配料,已經是一種fusion,那為何車仔麵不可以玩 Crossover?」

元朗 車仔麵 鱷魚湯 咖喱 泰式 篤篤車 雞翼 豬大腸 金錢肚 油麵 滷水 藥材滷水
雞翼豬大腸金錢肚油麵配泰國鱷魚湯 $38
鱷魚湯底用贊比亞出產的鱷魚尾骨、掌骨、鱷魚乾,烘燒過放入魚湯袋,加杞子紅棗來煲,每晚加新骨,日日慢火煲過夜,愈熬愈濃。
元朗 車仔麵 鱷魚湯 咖喱 泰式 篤篤車 冬蔭功湯
珍珠元貝白蝦仁墨魚仔河粉配冬蔭功湯 $47
飲湯更方便;湯底入口微酸,辣味溫和,配白灼海鮮,好夾。
元朗 車仔麵 鱷魚湯 咖喱 泰式 篤篤車 炸魚皮
香脆炸魚皮配自家清新醬汁 $15(細)、$28(大)|將新鮮薄荷葉磨碎,加入辣椒粉和蛋黃醬,蘸魚皮同食,入口酸甜清新,其後辣勁漸強,好過癮。

元朗 車仔麵 鱷魚湯 篤篤車 咖喱 泰式 港式

篤篤車
地址:元朗馬田路22號安寧大廈地下6號舖(顯示地圖
電話:2336 3386
營業時間:星期一至四11:00am-9:00pm、星期五11:30am-9:00pm、星期六及日 11:00am-9:30pm
備註:車仔麵每碗最低消費$29;不設加一、只收現金

3.承傳3代人情味 人龍車仔麵+無敵辣汁+30幾款車仔餸

承傳三代元朗街坊人情味

話說上世紀60年代創辦人劉永年,喺屏山一帶以手推車販賣粥麵小食,到70年代搬入元朗現址改為經營士多,兼售腸粉、小食同汽水。直到80年代中期交由兒子劉偉雄接手,鑑於當時考慮到第三代已出世,為咗養妻活兒和應付供樓,於是決心增設車仔麵嚟增加收入。由於口味獨特出眾,所以一直好受元朗同鄰區街坊歡迎,仲成日出現人龍排隊嘅墟冚場面。

永年士多
經典4寶麵,豬腸爽嫩、豬紅香甜 、豬皮彈牙、蘿蔔無渣,全部都勁入味!抹茶紅豆冰,加入細磨冰碎,冰凍得嚟又唔會沖淡飲品本身味道。
南乳豬手蝦籽撈麵 ,選用本地即日新鮮豬手烹調,豬手注滿南乳鮮咸豆香,豬手皮彈滑, 豬手肉腍嫩,加上元朗蝦籽麵同藥材湯底,成為近期大熱新品。

味道不變同時與時代接軌

「永年」近年已交由第三代劉逸軒同劉逸晉兩兄弟,齊心打理呢個承傳三代人嘅家庭品牌。鑑於時代環境急速轉變,兩兄弟決心要注入新氣象,由店面廚房、經營模式、製作手法,以至品牌形象等都嚟個大翻身。先喺屯門自設2,000幾呎中央廚房,確保喺安全衛生又高效嘅電氣化廚房裡面,統一處理所有食材前期製作程序,再喺第朝早將食材送至各分店。

招牌豬大腸,以獨家秘方醃製同炆煮3小時至入味腍身,再放入冰水裡面保持爽彈質感。每條原整分明、乾淨少肥膏(可選半肥瘦腸),入口爽嫩兼有微微藥材香。
韭菜豬紅係另一小食推介!豬血約一立方吋小截手指頭般迷你size,方便快速入味,配以炸蒜,更顯惹味!有別於其他大size豬紅只得表皮有味,呢度嘅豬血外爽內腍,由外至內都超入味。

湯底同辣汁成就永年精萃

隨機問幾位街坊有咩心水推介,發覺每個人答案都好唔同。負責人阿晉笑言:「每個人心裡面都有一碗屬於自己嘅車仔麵。」咁就等我哋重點講吓幾款只此一家嘅味道啦!首先湯底用咗大量老雞、豬筒骨、雞腳、果皮同十幾種藥材,每日熬煮三小時,湯清味濃兼有藥材香。秘製辣汁混合非洲野生小辣椒、大紅椒、印度鬼椒同幾十種香料調配,辛香層次分明、辣勁餘韻持久。

好多人為咗呢個秘製辣汁而經常幫襯,仲有 5種辣度,建議初次品嘗由細辣開始,再慢慢加辣。
腐乳通菜 $25,夏季是通菜當造季節,淋上豆香十足嘅同德興腐乳,香咸爽脆 。

30幾款車仔餸各有風味

店內有多達30幾款車仔餸選擇,每款都有專門配方調製,真正做到一餸一味!好似日賣過百斤嘅豬腸,就用咗花椒、八角、草果等製成嘅滷水汁煲至入味腍身,爽嫩少肥更零羶味。南乳豬手油潤豐沛;豬紅甜脆惹味;雞翼滿載陳年滷水香。蘿蔔精選皮薄肉嫩嘅當造蘿蔔,更只用最幼嫩嘅蘿蔔芯部分,再加入調味炆煮,因此嚼而無渣、甘香清甜!振興貢丸食落同樣有驚喜。

雞翼同雞翼尖先用老抽同八角生醃,再用陳年滷水汁煮至起膠,食起嚟咸中帶甜,十分滑嫩。

永年士多(元朗總店)

地址: 元朗教育路88號寶城洋樓地舖2~4號
電話: 2477 3816
營業時間:12:00nn~10:00pm(最後截單時間:9:30pm)

最新吃喝玩樂資訊