【掃街王】火鍋店分身糖水舖! 旺角7大新興甜品小食
【掃街王】火鍋店分身糖水舖! 旺角7大新興甜品小食

【掃街王】火鍋店分身糖水舖! 旺角7大新興甜品小食

今期的掃街王要介紹「 旺角 」!(吓,旺角駛咩你介紹呀!)咪緊張~今次推介的不是新店,就是地膽才知的街坊店,一次過食齊甜品、慢煮美食、懷舊意粉、過江龍麵包等,有新鮮感得來,又唔駛山長水遠去掃街,即睇介紹啦!

一. 口碑店分支 歎甜品+創新美食

旺角的「陸陸雞煲」一向在區內極具人氣,經常排長龍,雞煲好食之餘,火鍋料又新鮮,最近老闆踩過界開新分支,玩「實驗室」潮整甜品和新派慢煮。呢幾日天氣潮濕悶熱,最好就食返杯凍冰冰的甜品,推介Dark Choco,用上68%朱古力,再加返啲橙皮,配上忌廉、可可粉、朱古力糖漿同Oreo,好豐富!除咗甜品,還有慢煮的豬頸肉,上枱時噴晒煙,視覺效果一流;另外掃街必吃的魷魚,竟用鹹魚去煮,創新到極!

Dark Choco $68 一杯朱古力包含不同材料,見到啲朱古力漿,真係難以反抗!
Dark Choco $68 一杯朱古力包含不同材料,見到啲朱古力漿,真係難以反抗!
鑊仔廣島蠔餅 $78 喺燒紅嘅鑊仔上面淋上蛋漿再加入廣島豪,底呈微焦。
鑊仔廣島蠔餅 $78 喺燒紅嘅鑊仔上面淋上蛋漿再加入廣島豪,底呈微焦。
青木瓜絲窩筍絲沙律跟燒豬頸肉 $88 慢煮後嘅豬頸肉更入味,而且仲充滿蘋果木嘅香氣,。配上青木瓜絲窩筍絲沙律,清爽消膩!
青木瓜絲窩筍絲沙律跟燒豬頸肉 $88 慢煮後的豬頸肉更入味,而且仲充滿蘋果木的香氣。配上青木瓜絲窩筍絲沙律,清爽消膩!
鹹蛋魷魚鬚 $78(加$28配蒜蓉包)鹹蛋、雞蛋汁混合黃薑粉,賣相同味道都似咖哩,魷魚又爽口,配上蒜蓉包冇得頂!
鹹蛋魷魚鬚 $78(加$28配蒜蓉包) 鹹蛋、雞蛋汁混合黃薑粉,賣相同味道都似咖哩,魷魚又爽口,配上蒜蓉包冇得頂!

 

Lab 66
地址:旺角黑布街74號地下1號舖(顯示地圖
電話:3709 2866
營業時間:6pm-2am

二. 清幽新咖啡秘店 誠意北歐風蛋糕

最近位於旺角東太平道,新開了間咖啡店,門口較細,不留意很可能經過都睇唔到,入面的裝修看得出有心思,加上一陣陣咖啡香,坐得好舒服relax。試過其主打的精品手沖咖啡,用巴拿馬的日曬咖啡豆,以手沖法更能突出其咖啡豆的特色,飲落有果酸,放涼了有少少似酒,此咖啡最好襯Rosemary牛油蛋糕,由老闆娘Diana親手做,牛油甘香中帶迷迭香的味道,很特別。小店的食物用料很揼本,包括日本蛋、法國牛油,沙律醬也自家手打,食物味道細膩,有誠意!

Rosemary Pound Cake $30 (左),手沖咖啡 $60 (右)
Rosemary Pound Cake $30 (左),手沖咖啡 $60 (右)
Lady D Rasberry Cake $45 推介!蛋糕重牛油香,紅桑莓酸酸甜甜,口感濕潤,好食!
Lady D Rasberry Cake $45 推介!蛋糕重牛油香,紅桑莓酸酸甜甜,口感濕潤,好食!
Liege Waffle $55,Latte $36
Liege Waffle $55,Latte $36
Parma Ham & Brie Cheese Panini with Lobster Soup $68,Parma Ham鹹香中吃到軟滑芝士,Lobster Soup來自法國,鮮味濃郁。
Parma Ham & Brie Cheese Panini with Lobster Soup $68,Parma Ham鹹香中吃到軟滑芝士,Lobster Soup來自法國,鮮味濃郁。
店主的柴犬Black Sugar有時都會落舖坐下,睇你有無運氣見到呢位小可愛喇!
店主的柴犬Black Sugar有時都會落舖坐下,睇你有無運氣見到呢位小可愛喇!(圖片來源:相關機構)
裝修有心思,坐得舒服!
裝修有心思,坐得舒服!

Black Sugar

地址:何文田太平道8號地舖 (顯示地圖
電話:3709 6259
營業時間:11am-7pm

三. 馬拉過江龍榴槤包

來自馬來西亞的Rotiboy Bakeshoppe剛落戶旺角,主打的榴槤烤包和咖啡烤包一定是必試!榴槤烤包內餡為新鮮果王,外面就係咖啡酥皮;而咖啡烤包則由牛油餡配咖啡酥皮,口感一軟一硬,好有層次!登陸香港後每日起碼賣出1,500個包,非常受歡迎!另外仲可以試埋手工拉茶和手拉咖啡, 咁就夠晒有馬拉的味道啦!

未命名-1
香榴槤烤包 $10 麵包成個感覺就好似麥西哥包,中間嘅榴槤果肉好軟好濃!
B5拷貝
麵糰由馬來西亞空運到香港,當日先再唧上咖啡酥皮,保證新鮮!
馬來西亞手工拉茶、馬來西亞手拉咖啡(熱 $15、冷 $17,套餐$12、$14) 做法、比例、配方同用料同當地一樣,拉茶加入煉奶後更香滑;咖啡加入煉奶更回甘。
馬來西亞手工拉茶、馬來西亞手拉咖啡(熱 $15、冷 $17,套餐$12、$14) 做法、比例、配方同用料同當地一樣,拉茶加入煉奶後更香滑;咖啡加入煉奶更回甘。

Rotiboy Bakeshoppe
地址:旺角廣華街1號仁安大廈地下24A舖地下(顯示地圖
電話:2885 3080
營業時間:星期一至日10am-9pm

四. 百變芝士!配雪糕得 飲品亦得

好多人都陷入芝士熱,芝士撻一定是代表,最近糖果奶昔店Candy Shake緊貼潮流,除咗新推出香芋半熟芝士撻外,還有三款創新芝士系列產品,當中有奶昔、雪糕同冰茶,店主更揼本用原磚北海道忌廉芝士,仲有奶味香濃嘅3.6牛乳,淡淡芝味好邪惡!

c5拷貝
香芋半熟芝士撻 $18 入面嘅香芋源自日本,咬開酥皮啲餡料已經開始流緊出嚟,而且芋蓉好細滑。
c3拷貝
抹茶芝士雪糕 $26 每日新鮮製作,奶香好足,芝士嘅乳酸味同宇治抹茶嘅甘味互相配合,一啲都唔膩!
c4拷貝
芝士蜂蜜綠茶 $22 綠茶係由台灣茶葉所沖,唔會只得水味!想口味淡啲就可以點冰茶試下喔!
c1_2拷貝
Orea芝士奶昔 $28 原來入面混合埋自家製嘅orea雪糕,與芝士味好夾,面頭仲有啲餅碎,幾有口感!大家仲可以選擇抹茶粉或馬拉貓山王果肉,香濃細滑!

Candy Shake
地址:旺角登打士街55號(顯示地圖
電話:2110 9822
營業時間:星期一至四及日: 12nn-12mn 星期五、六: 12nn–1am

五. 5星級酒店 新出流心牛角酥

呢間5星級酒店的自助餐幾出名,其Bakery的質素也不錯,而且好多新出品,最近就有流心牛角酥,兩口味包括芝士和朱古力,前者用美國忌廉芝士和法國白芝士,後者是法國的72% Valrhona朱古力,牛角酥則是法國牛油和麵粉,落足料,值得試呀!

芝心牛角酥(上)、朱古力軟心牛角酥 (下)各$15 (圖片來源:相關機構)
中間流心澎澎聲,好吸引!

帝京餅店
地址:旺角太子道西193號帝京酒店大堂 帝京酒店大堂 (顯示地圖
電話:2622 6256
營業時間:10am-10pm

六. 40年街坊老店 懷舊番茄意粉

這間店開業40年,街坊一定食過,最出名是番茄意粉,茄汁夠多,意粉爽口,推介配紅豆冰,紅豆放入冰箱雪過,粒粒紅豆都冰凍,有誠意,怪不得多年來都獲街坊支持!

牛肉燴意粉 $33 (加雞蛋 $7) 意粉爽口,茄汁多,酸甜易入口。
奶油豬 $11,紅豆冰 $18 奶油豬新鮮脆口,紅豆冰豆量夠大,冰凍好飲!
紅豆都被冰過,食完碟意粉,一樣好冰㗎,夏天飲一定好爽!
奶茶 $13 茶香奶滑,不錯!
環境懷舊,最喜歡牆上手寫的餐牌,而家愈來愈少見了。

06拷貝

奇香冰室
地址:勝利道26號B(顯示地圖
配話:2713 3209
營業時間:星期一至日7am-8pm

七. 自家搋皮 13口味餃子

此街坊店的共有13款餃子口味,有選擇困難症的可以揀十三么水餃,當中有常見的白菜鮮肉餃和韭茶鮮肉餃,但個人喜歡坊間少見的番茄鮮肉餃、番薯苗鮮肉餃和京葱羊肉餃,餃子吃得出新鮮,餃子皮自家搋,特別煙韌有彈性。

馳名十三么淨水餃 $63
馳名十三么淨水餃 $63
番茄鮮肉餃 (左)最清新;金玉滿堂餃 (上)有粟米、秀珍落,最有咬口;番薯苗鮮肉餃 (下)口感較腍,有蔬茶清香。
番茄鮮肉餃 (左)最清新;金玉滿堂餃 (上)有粟米、秀珍落,最有咬口;番薯苗鮮肉餃 (下)口感較腍,有蔬茶清香。
橋邊鵝油香葱辣醬撈麵 $70 鵝口超香口,蝦子量極多,滿佈爽口麵條上,麵條炒得乾身,微辣惹味,必試!
橋邊鵝油香葱辣醬撈麵 $70 鵝口超香口,蝦子量極多,滿佈爽口麵條上,麵條炒得乾身,微辣惹味,必試!

新假期食玩報料:[email protected]
歡迎Instagram / facebook 使用#weekendhk 報料,資料一經選中會為你公告天下!
 
想最快接收第一手的旅遊飲食資訊?Easy
1.
先分別讚好「新假期周刊」及「新假期Jetso 」兩個Facebook專頁
2.
在「讚好」按鈕下揀選「搶先看」,搞掂!
see first

最新吃喝玩樂資訊