直擊 Tom N Toms 香港店開幕! 率先試4款必食吐司 |沙田有咩好食|

飲食

廣告

韓國熱潮停不了!除咗陸續有韓國餐廳嚟香港開分店,就連韓國連鎖咖啡店都襲港。上星期已有消息話 Tom N Toms Coffee開首間香港分店,等咗咁耐聽日(3月31日)終於喺沙田開幕,記者率先為大家直撃店內嘅美食同特飲!

Tom n Toms 香港店嘅所有飲品都係由韓國進口,咖啡豆來自韓國烘焙工廠,自家烘焙出韓國人喜愛嘅口味。而食物方面,麵團由韓國進口,亦會用返韓國製法,店員都要由韓國培訓返嚟香港,保證大家可以食返韓國嘅味道。

香港店都會有非常受歡迎嘅吐司,亦會有捲餅同Pizza食,但款式就冇韓國咁多,可能會有少少失望喇。

必食韓式吐司!

咖啡店嘅人氣吐司都係必食之選,吐司即叫即烘,熱辣辣之餘又外脆內軟,而喺韓國最多人揀嘅口味就係蜂蜜奶油吐司,成坐山嘅Cream配肉桂粉、蜂蜜同焦糖糖漿,甜度啱啱好,唔會太膩。吐司加$15-20就可以轉套餐,配咖啡、茶或特飲,價錢都合理。

多款造形捲餅

捲餅分別有蝴蝶、熱狗同U型3款唔同形狀,款款口味都唔同,食落有啲似薄餅邊嘅感覺。同樣可以加$15-20就轉套餐,配咖啡、茶或特飲。

必飲夢幻特飲 Blue Lemonade

除咗飲咖啡之外,最多人試就係呢款Blue Lemonade,檸檬糖漿配梳打水,湖水藍嘅賣相討好,味道酸酸甜甜,而且非常解渴!其他飲品有乳酪冰沙同湯姆冰樂,味道唔會過甜,啱哂大家嚟梗夏天飲。

Tom n Toms Coffee
地址:沙田新城市1樓158號鋪(顯示地圖
營業時間: 07:30am – 11pm

 

延伸閱讀:
麥精雪糕+麥精雞蛋仔! 5個香港人的麥精變奏!
點Jack麥樂雞回歸!麥當勞4款醬一次過點晒報告

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..