直擊 Tom N Toms 香港店開幕! 率先試4款必食吐司 |沙田有咩好食|

韓國熱潮停不了!除咗陸續有韓國餐廳嚟香港開分店,就連韓國連鎖咖啡店都襲港。上星期已有消息話 Tom N Toms Coffee開首間香港分店,等咗咁耐聽日(3月31日)終於喺沙田開幕,記者率先為大家直撃店內嘅美食同特飲!

Tom n Toms 香港店嘅所有飲品都係由韓國進口,咖啡豆來自韓國烘焙工廠,自家烘焙出韓國人喜愛嘅口味。而食物方面,麵團由韓國進口,亦會用返韓國製法,店員都要由韓國培訓返嚟香港,保證大家可以食返韓國嘅味道。

沙田 Tom n toms
Tom N Toms Coffee香港店的裝潢同韓國店差不多,感覺好似置身韓國一樣。

香港店都會有非常受歡迎嘅吐司,亦會有捲餅同Pizza食,但款式就冇韓國咁多,可能會有少少失望喇。

必食韓式吐司!

咖啡店嘅人氣吐司都係必食之選,吐司即叫即烘,熱辣辣之餘又外脆內軟,而喺韓國最多人揀嘅口味就係蜂蜜奶油吐司,成坐山嘅Cream配肉桂粉、蜂蜜同焦糖糖漿,甜度啱啱好,唔會太膩。吐司加$15-20就可以轉套餐,配咖啡、茶或特飲,價錢都合理。

沙田_ Tom n toms _蜂蜜奶油吐司 1
蜂蜜奶油吐司 $55
沙田_tomntoms_朱古力奶油吐司
朱古力奶油吐司,朱古力味唔算濃,雖然都好多cream,但食落有少少dry。($55)
沙田_tomntoms_蜂蜜芝士吐司
蜂蜜芝士吐司,由外到內都有鹹味芝士,再配甜蜂蜜糖漿,味道好match!($55)
沙田_tomntoms_蒜泥奶油吐司
蒜泥奶油吐司係唯一一款鹹味吐司。 ($45)

多款造形捲餅

捲餅分別有蝴蝶、熱狗同U型3款唔同形狀,款款口味都唔同,食落有啲似薄餅邊嘅感覺。同樣可以加$15-20就轉套餐,配咖啡、茶或特飲。

沙田_tomntoms_原味蝴蝶捲餅
原味蝴蝶捲餅 $35
沙田_tomntoms_蒜香蝴蝶捲餅
蒜香蝴蝶捲餅 $40
沙田_tomntoms_火腿捲餅
火腿捲餅 $42
沙田_tomntoms_熱狗捲餅
熱狗捲餅 $42

必飲夢幻特飲 Blue Lemonade

除咗飲咖啡之外,最多人試就係呢款Blue Lemonade,檸檬糖漿配梳打水,湖水藍嘅賣相討好,味道酸酸甜甜,而且非常解渴!其他飲品有乳酪冰沙同湯姆冰樂,味道唔會過甜,啱哂大家嚟梗夏天飲。

沙田_ Tom n toms _BlueLemonade
Blue Lemonade $35
沙田_tomntoms_記者sam
試味專員Sam覺得Blue Lemonade顏色好吸引,而且味道同韓國飲嘅味道一樣,好好飲!
沙田_tomntoms_原味乳酪冰沙BlueLemonade
原味乳酪冰沙 $35
沙田_tomntoms_焦糖湯姆冰樂綠茶湯姆冰樂 1
(前)綠茶湯姆冰樂 $42;(後)焦糖湯姆冰樂 $42
沙田_tomntoms_ CappuccinoLatte
(左)Cappuccino $36;(右)拿鐵 $36
沙田_tomntoms_焦糖湯瑪奇朵
(右)焦糖瑪奇朵 $36;(左)焦糖拿鐵 $36

Tom n Toms Coffee
地址:沙田新城市1樓158號鋪(顯示地圖
營業時間: 07:30am – 11pm

 

延伸閱讀:
麥精雪糕+麥精雞蛋仔! 5個香港人的麥精變奏!
點Jack麥樂雞回歸!麥當勞4款醬一次過點晒報告

最新吃喝玩樂資訊