觀塘的美式風情@Dining娜
觀塘的美式風情@Dining娜

觀塘的美式風情@Dining娜

(Presented by MOREISH & MALT)

觀塘已經唔再係工廠區咁簡單,作為一個吃貨,好清楚佢有幾咁臥虎藏龍,無論地舖定工廈上樓舖都大把好餐廳,想試勻晒要啲時間㗎。早排又俾我喺鴻圖道近駿業街嗰邊,發現咗一間American style嘅好嘢,叫MOREISH & MALT,仲入圍咗「全港必吃食店」選舉。

呢間喺正十字路口位嘅美式小店,真係做到佳餚配美酒,wine list選擇夠多之餘,cocktail亦做得好有心機,嘢食更加唔使講,沙律、主菜、甜品樣樣精通,味道掂之餘仲好有美國菜嗰種豪邁奔放。佢裝修都落足本㗎,入到裡面你會唔記得自己喺觀塘工廠區,好似去咗美國一個悠閒小鎮咁,好舒服,等我Dining娜介紹必食推介啦!

香辣吞拿魚藜麥沙律 $108
香辣吞拿魚藜麥沙律 $108

吞拿魚燒得啱啱好,個心仲係粉紅色,沙律嘅dressing係香醋汁,好清新,加埋炸藜麥夠飽肚,細食嘅OL(我例外)自己食一份當lunch都得。

 

MOREISH牛肉漢堡 $118(左)、小食拼盤 $128(右),有水牛城雞翼、芝士燒汁薯條同芝士雞肉薄餅,仲有健康蔬菜。
MOREISH牛肉漢堡 $118(左)、小食拼盤 $128(右),有水牛城雞翼、芝士燒汁薯條同芝士雞肉薄餅,仲有健康蔬菜。

小食一樣咁出色,我最鍾意MOREISH牛肉漢堡,塊漢堡排係自家製,調好味、成形之後再入雪櫃,咁就可以將肉汁鎖住,食落肉味特別突出。呢款拼盤係我另一最愛,可以一次過試到幾款食品加唔同sauce,啱晒貪心嘅我。

最新吃喝玩樂資訊