美酒花見夠浪漫@Dining娜

博客

廣告

(Presented by KIRIN)

今時今日,韓劇大行其道,但我總覺得同以前啲日劇比,硬係差啲!以前嘅日劇真係風靡好多人,而且大把經典之作,幾時睇都咁正。講到日劇,有種橋段我印象特別深刻,就係日本人好鍾意喺櫻花樹下面野餐,飲番兩杯、傾吓偈,飲到high high地仲會唱歌跳舞,好有feel咁,成日都幻想如果同男朋友或者一班好姐妹,照辦煮碗咁樣gather一次,應該幾正。當然啦,為食如我Dining娜,醉翁之意不在花,最緊要係配乜嘢靚酒同美食。

日本歷史悠久嘅麒麟啤酒,近排就出咗唔少櫻花主題嘅product,成件事又幾match喎,因為無論花見(Hanami)定係麒麟啤酒,都好代表到日本傳統文化,而且唔止飲得,佢哋仲出咗樣玩得睇得嘅嘢(賣個關子先),等我逐一介紹下啦。

麒麟一番搾 罐裝櫻花季節版

麒麟啤酒有百幾年歷史,自1990年起更推出「麒麟一番搾啤酒」,呢款啤酒同其他最唔同嘅地方,就係只採用100%麥芽及以第一道麥汁釀造,呢個做法係世界上獨一無二,所以味道特別醇,口感好清澈,飲落非常順口,男士至愛之餘,我覺得都幾啱女仔飲。加埋佢最新出呢款罐裝櫻花特別版,淨係個look已經有晒mood,就算唔飲開啤酒嘅朋友,買嚟收藏都值得。

kirin (DPS)01

麒麟一番搾 Frozen Beer季節限定口味

除咗杯裝同罐裝,其實2012年麒麟啤酒仲出咗另一隻招牌啤酒,就係Frozen Beer喇,2013年登陸香港。以我所知,佢哋係用獨特冷藏方式,將零下5度嘅幼滑泡沫打入啤酒度,令佢長時間保持低溫,味道更加持久,夠晒冰凍,如果配埋日式爐端燒,真係不得了。而配合今次主題,仲推出咗櫻花味同熱情果味,前者就俾人感覺好優雅好elegant,後者酸甜味重啲,層次豐富,都適合配啲濃郁、香口嘅美食,串燒或者天婦羅係首選!

FotorCreated2
炎丸居酒屋係其中一間我至愛,無論裝修定嘢食都好正宗,炭燒美食配Frozen Beer,一流享受。

麒麟本搾紅柚果汁酒

除咗麒麟啤酒,我Dining娜仲有一樣推介,麒麟果汁酒系列一向受歡迎,新產品有呢款紅柚果汁酒,30%鮮榨紅柚汁、5%伏特加,無附加糖類、香料或者色素,果味同酒香balance得非常好,一定要試下。

DSC_4208

隨時隨地掌上賞花

好喇,美酒我介紹咗,美食留俾各位自己準備,咁櫻花呢?其實香港麒麟啤酒同步出咗個賞花鏡,喺指定餐廳或者便利店,買任何麒麟啤酒產品,就可以免費換領。有分電話同平板電腦version,有咗鏡之後,去「KIRIN BEER HK 麒麟啤酒(香港)」嘅YouTube頻道搵一套動畫,叫「KIRIN花見.細味一番」,將賞花鏡放喺屏幕中間開始play,就可以見到靚靚櫻花!

new

如果想知多啲詳情,可以去番KIRIN Fanpage睇睇:
https://www.facebook.com/kirinbeer.hk/?fref=ts
仲有呀,由而家至到4月13號,去佢哋Facebook玩指定遊戲,有機會贏到雙人東京來回機票同其他豐富獎品,大家唔好走寶呀!