【韓食愛‧回家】醒哥即場為你炒春川雞-大角咀@ 大仁生活
【韓食愛‧回家】醒哥即場為你炒春川雞-大角咀@ 大仁生活

【韓食愛‧回家】醒哥即場為你炒春川雞-大角咀@ 大仁生活

朋友H:「醒哥係大角咀開咗間韓國炸雞店呀! 好近你, 可以帶埋囝囝去試喎,
(我:邊個醒哥?), 你最鍾意嗰套《愛‧回家》嘅醒哥呀」

心諗:「真㗎! 正喎…不過, 大角咀已經有好多真‧韓國人地道韓食, 藝人開…信唔信得過?」

由旺角地鐵站過來10分鐘路程, 嘩!「B家」原來非常之大. 原來醒哥真人型好多.



我問醒哥有何推介, 他答:「韓式炒雞好唔好, 有唔辣嘅, 如果小朋友唔食得辣」(後來我才知這款「炒春川雞」原來是韓國地道菜 ($188))


5分鐘後, 醒哥真的捧了一個大鍋, (真係好大個!!), 親自將雞, 年糕, 薯仔, 雜菜,墨魚仔炒給我們, 我說:「你真係識煮㗎?」

醒哥一邊炒一邊答:「我好鍾意韓國嘢㗎, 之前我做空少有學韓文, 咁要學好一種語言, 梗係要去當地學啦, 所以就識到D韓國朋友」

(我仲以為你掛名收錢咋), 醒哥:「2年前, 我就斷斷續續飛去韓國個朋友屋企, 請佢媽媽教我整韓國菜,
E個炒雞就係我最鍾意」

這個「走辣」的炒雞最合我胃口, 因為有年糕, 而且菜又夠多, 韓國雞柳比吃慣的本地雞更滑, 「隔離飯香」定律真的萬試萬靈.


吃了一半, 醒哥再為我們追加土豆麵,我:「韓國拉麵係米好食D?」他答:「公仔麵嚟咋喎, 土豆麵我鍾意佢個質地多哋」

這種薯仔麵混入餸汁炒完, 味道又確實醒胃, 下次可以試試炒飯的效果…


有個大鍋放在自己枱, 真的很不錯, 特別為我這個愛左影右影的麻煩仁, 放涼了的食物, 自己開爐自己炒, 即時暖笠笠! (趁熱真係好食好多)




煎餃子($42)是SY的必然之選, 「盲目餃王」憑餃必讚, 不過韓國餃又真的較日式饀料豐富得多.


這個炸雞真心抵, 半隻春雞有6件, ($88), 抵過KFC, 入味過「Schxxl Fxxd」, 超香!!



原味亦是醒哥推介:「我鍾意少少黑椒, 因為甜辣脆漿會比較搶」炸物最怕油溢味, 韓國炸雞真心好食喎.

這裡的炸雞有追吃的衝動, 皮脆少油, 沒有太厚的粉漿, 醃得又夠入味阿太:「不如打包返屋企, 一陣等我送酒煲劇, 米仲正…」(你唔係想一路影杯緣子一路食雞呀?)

SY:「點解有得玩足球機嘅? 我想玩呀」, 於是二話不說便拉了阿太去玩,而好Nice的醒哥同樣慘被拉下水….

今晚無端端被阿囝捉住在梳化, 玩足三場比賽…我奇怪問:「點解E度有套梳化嘅?」

醒哥:「因為我哋叫B家, 韓國食肆好多都叫咩家, 咩家, 同埋想配合返有家嘅感覺, 所以就放套梳化, 同足球機畀大家玩」(真係愛‧回家喎)


(點解你哋無芝士拉骨?) 醒哥:「月尾會加入Menu…不過我自己麻麻地, 你唔覺芝士凍咗好難食, 好膩咩?」(我又唔覺, 因為我次次影完, D嘢食都係凍, 習慣晒啦)



痴纏著足球機的SY:「我唔想走呀! 我想繼續玩…(醒哥: 復活節再嚟囉, 我哋有新嘢食), 好唔好呀? 爸爸」多謝醒哥幫我解圍…不好意思, 今晚要你幫我湊囝, 辛苦晒!

B家닭갈비 Dakgalbi
大角咀洋松街34-44號
2515 9618
3月底前全場9折

大仁生活facebook

 

最新吃喝玩樂資訊