直擊報道| 首爾都有領匯?! 鷺梁津新場「我唔搬」 |首爾|

話說有首爾築地之稱的鷺梁津市場，可買海鮮即烹即食，且24小時營業，沒來過也聽過吧！雖然近年被詬病某些店有「劏客」Feel，但每天仍吸引3萬人來尋找鮮味！不過政府就嫌佢又殘又舊，勒令魚販轉新址，又力賣新建的流線型大樓造價5億美元，更設河景餐廳、CAF 和搞Live Show 的露台。但記者上周直擊過新場，發現空無一人喎！鬼咩，原址的一眾魚販都拒搬，全因新場靚裝新淨但離晒地，不只租貴和檔口位減半，亦怕轉場會失去傳統市場的人情味，即使多番周旋，政府卻毫不讓步，韓版領展事件一樣！原定於3月15日（今周二）為最後搬遷日，否則會遭解約，但店家堅持唔搬！想去的朋友，密切留意事態發展吧！